完整藏文原文 · 德格版页 当前仅加载第 10 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་དགའ་བོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་འདི་ལ་སྐྱེས་བུ་ཆེན་པོའི་མཚན་སུམ་བཅུ་མངོན་པར་
D6.010.0156a01.01གྲུབ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་ཉིད་ཀྱིས་ལས་བྱས་ཤིང་བསགས་པ། ཚོགས་རྙེད་པ། རྐྱེན་ཡོངས་སུ་བསྒྱུར་བ། དབའ་རྒལ་བཞིན་ཉེ་བར་གནས་པར་གྱུར་པ་ཡིན་ཏེ། འདི་ཉིད་ཀྱིས་ལས་བྱས་ཤིང་བསགས་པ་དག་
D6.010.0156a02.01གཞན་སུ་ཞིག་གིས་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། །རླུང་གི་ཁམས་ལ་མ་ཡིན་གྱི། འོན་ཀྱང་དགེ་བ་དང་མི་དགེ་
D6.010.0156a03.01བའི་ལས་བྱས་ཤིང་བསགས་པ་རྣམས་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང་། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་
D6.010.0156a04.01འབྲས་བུར་སྨིན། །དགེ་སློང་དག་སྔོན་བྱུང་བ་རི་བྲགས་ཤིག་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་གནས་ཏེ། དེ་ལ་སྐྱེད་མོས་ཚལ་མེ་ཏོག་དང་། འབྲས་བུ་དང་། རྩ་བ་སྣ་ཚོགས་དང་། ཆུ་ཕུན་སུམ་ཚོགས་པ། ཤིང་རྣམ་པ་སྣ་ཚོགས་ཀྱིས་
D6.010.0156a05.01བརྒྱན་པ་རབ་ཏུ་བྱུང་བའི་སྐྱེ་བོ་དང་མཐུན་པ་ཞིག་ཡོད་དོ། །སངས་རྒྱས་དག་འབྱུང་བ་མེད་པ་ན་འཇིག་རྟེན་དུ་རང་སངས་རྒྱས་དམན་པ་དང་ཕོངས་པ་ལ་སྙིང་བརྩེ་བ་ཅན། བས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་དག་འབྱུང་བར་
D6.010.0156a06.01འགྱུར་རོ། །དེ་ནས་རང་སངས་རྒྱས་ཤིག་ལྗོངས་རྒྱུ་ཞིང་རི་བྲགས་དེར་ཕྱིན་ཏེ། དེ་གནས་ཚོལ་ཞིང་ཕན་ཚུན་རྒྱུ་བ་ན། སྐྱེད་མོས་ཚལ་དེར་ཕྱིན་པ་དང་། སྐྱེད་མོས་ཚལ་སྲུང་བའི་མིས་བྱོན་པ་ལེགས་སོ་ཞེས་བྱ་བའི་ཀུན་ཏུ་སྤྱོད་པས་སྤྱད་ནས་བསྟིར་བཅུག་གོ །
D6.010.0156a07.01