完整藏文原文 · 德格版页 当前仅加载第 10 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་བཅོས་བསླབ་པར་བྱའོ། །བཅོམ་ལྡན་འདས་ཀྱིས་དགེ་སློང་དག་གིས་འཇིག་རྟེན་རྒྱང་འཕེན་པ་ལ་སོགས་པ་ཕྱི་རོལ་པའི་བསྟན་བཅོས་བསླབ་པར་བྱའོ་ཞེས་བཀའ་སྩལ་པ་དང་། དགེ་སློང་བྱིས་པའམ། རྨོངས་པ་འམ། མི་གསལ་བ་དག་གིས་ཀྱང་ཐམས་ཅད་ཀྱིས་ཁྱད་པར་མེད་པར་
D6.010.0070b01.01བསླབས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཀྱི་རྒོལ་བ་ཚར་གཅོད་ནུས་པ་གང་ཡིན་པ་དེ་དག་གིས་འཇིག་རྟེན་རྒྱང་འཕེན་པ་ལ་སོགས་པ་ཕྱི་རོལ་པའི་བསྟན་བཅོས་བསླབ་པར་བྱའི། བྱིས་པ་དང་། རྨོངས་པ་དང་། མི་གསལ་བ་དང་། མི་མཁས་པ་དག་གིས་མ་ཡིན་
D6.010.0070b02.01ནོ། །དེ་རྣམས་དེ་ལ་བརྩོན་པ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དུས་གསུམ་དུ་བྱས་ལ། དུས་གཉིས་ནི་སངས་རྒྱས་ཀྱི་གསུང་རབ་བཀླག་པར་བྱ་ཞིང་གསུམ་པ་ལ་ནི་ཕྱི་རོལ་པའི་བསྟན་བཅོས་དག་གོ། །བཅོམ་ལྡན་འདས་ཀྱིས་དུས་གསུམ་དུ་བྱའོ་ཞེས་བཀའ་
D6.010.0070b03.01སྩལ་པ་དང་། དགེ་སློང་རྣམས་ལོ་དང་ཟླ་བའི་དུས་དག་ཏུ་སློབ་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཚེ་ནི་སྐད་ཅིག་མ་ཡིན་པས་ངས་ལོ་དང་ཟླ་བའི་དུས་ལ་དགོངས་ཏེ་མ་གསུངས་ཀྱི། འོན་ཀྱང་ཉིན་གཅིག་ལ་ཆ་གསུམ་དུ་བྱའོ། །དགེ་སློང་རྣམས་
D6.010.0070b04.01གསལ་བའི་དུས་སུ་ནི་ཕྱི་རོལ་པའི་བསྟན་བཅོས་འདོན་ལ། གཞན་དག་ཏུ་ནི་སངས་རྒྱས་ཀྱི་གསུང་རབ་འདོན་ནས། བཅོམ་ལྡན་འདས་ཀྱིས་བཀའ་སྩལ་པ། གསལ་བའི་དུས་སུ་སངས་རྒྱས་ཀྱི་གསུང་རབ་གདོན་པར་བྱ་སྟེ། ཕྱི་རོལ་པའི་བསྟན་བཅོས་ནི་མ་ཡིན་ནོ། །སངས་རྒྱས་
D6.010.0070b05.01བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཤཱ་རིའི་བུས་བྲམ་ཟེའི་ཁྱེའུ་ལྷ་སྦྱིན་དང་། བ་ལང་འབྱོར་གཉིས་རབ་ཏུ་ཕྱུང་ནས། དེ་དག་ཚེ་དང་ལྡན་པ་ཤཱ་རིའི་བུས་མདོ་སྡེ་འདོན་དུ་བཅུག་གོ། །ཇི་ཙམ་དུས་གཞན་
D6.010.0070b06.01ཞིག་ན་ལྗོངས་རྒྱུ་ཞིང་དོང་ནས་རི་བྲགས་ཤིག་ཏུ་ཕྱིན་པ་དང་། དེར་དེ་དག་ལ་རྙེད་པ་དང་བཀུར་སྟི་ཆེན་པོ་བྱུང་ནས་དེ་གཉིས་དེར་འཁོད་དོ། །དེ་གཉིས་སྔོན་གོམས་པའི་ཤུགས་ཀྱིས་སངས་རྒྱས་ཀྱི་གསུང་རབ་སྡེབ་སྦྱོར་དང་། ཚིག་དང་རིམ་པ་སྦྱར་ནས་ཁ་ཏོན་དུ་འདོན་ཏོ། །དེ་དག་ལས་གཅིག་ནི་ཤིའོ། །ཅིག་
D6.010.0070b07.01