完整藏文原文 · 德格版页 当前仅加载第 10 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
བ་མཐོང་ནས་སྨྲས་པ། དགའ་བོ་ཉེ་དགའ་ཚལ་གྱི་ནང་ན་དུད་པ་འཐུལ་ཞིང་བྱ་རྒོད་ལྡིང་བས་གལ་ཏེ་ཅུང་ཟད་རྙེད་ཀྱང་སྲིད་པས་འདོང་ངོ་། །དེ་དག་མྱུར་བ་མྱུར་བར་དོང་བ་དང་། ཕག་གི་མགོ་དང་། རུས་ཐོགས་དང་། སུག་པ་བོར་བ་དག་མཐོང་ནས་དེ་དག་གིས་སྨྲས་པ། དགའ་བོ་ཉེ་
D6.010.0221b01.01དགའ་ཕྱག་དར་ལྟ་བུ་ཞིག་རྙེད་ཀྱིས་བཙོས་ཏེ་བཟའ་བར་བྱའོ། །དེ་དག་གིས་བསྡུས་ནས་འཚེད་པ་ན་ཕག་བདག་རྣམས་ཚོལ་ཞིང་དེར་ལྷགས་པ་དང་། ཇི་ཙམ་ན་དྲུག་སྡེ་རྣམས་ཕག་ཤ་འཚོད་པ་མཐོང་སྟེ། དེ་དག་གིས་སྨྲས་པ། འཕགས་པ་དག་དྲང་སྲོང་གི་རྒྱལ་མཚན་ཡང་
D6.010.0221b02.01ཐོགས་ལ་བྱ་བ་འདི་ལྟ་བུ་ཡང་བྱེད་དམ། དེ་དག་གིས་སྨྲས་པ། བཞིན་{བཟངས་,བཟང་}ཁོ་བོ་ཅག་སྲོག་གཅོད་དུ་རུང་ན་ལྟ་བདག་ཅག་གིས་{རི་དགས་,རི་དྭགས་}བཟང་པོ་བཟང་པོ་དག་བསད་ནས་ཤ་བཟང་པོ་དག་བཟའ་མི་ནུས་སམ་ཅི། ཅིའི་ཕྱིར་ཁོ་བོ་ཅག་མགོ་དང་རུས་པ་དང་། སུག་པ་དག་བསྡུས་
D6.010.0221b03.01ནས་འཚེད། མ་བྱིན་པར་ལེན་པ་འགའ་ཞིག་གིས་བརྐུས་ཏེ་ཟོས་ནས་བོར་བ་འདི་དག་ཁོ་བོ་ཅག་གིས་ཕྱག་དར་བོར་བ་ལྟ་བུ་བླངས་པར་ཟད་དོ། །དེ་དག་གིས་སྨྲས་པ། འཕགས་པ་གལ་ཏེ་དེ་ལྟ་ན་འོན་ཀྱང་འདི་ལྟར་ཁྱེད་རབ་ཏུ་བྱུང་བ་ཡིན་པས་འདི་ནི་འཚམ་པ་མ་ཡིན་ནོ་ཞེས་ཟེར་
D6.010.0221b04.01བའི་སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་གིས་དེ་ལྟ་བུའི་ཕྱག་དར་བླང་བར་མི་བྱའོ། །བླངས་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་
D6.010.0221b05.01རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མ་བྱིན་པར་ལེན་པ་རྣམས་ཀྱིས་བུ་རམ་གྱི་ཤིང་དག་བརྐུས་ཏེ་ཟོས་ནས་དེ་དག་གིས་རྩ་བ་དང་། ཐོར་ཏོ་རོ་ཆུང་བ་དག་བོར་བ་དང་། དྲུག་སྡེ་རྣམས་ཕན་ཚུན་འཕྱན་ཞིང་ཕྱོགས་དེར་ཕྱིན་པ་དང་།
D6.010.0221b06.01དེ་དག་གིས་མཐོང་ནས་སྨྲས་པ། དགའ་བོ་ཉེ་དགའ་ཕྱག་དར་ལྟ་བུ་འདི་རྙེད་ཀྱིས་བླང་བར་བྱའོ། །དེ་དག་གིས་བླང་བར་བརྩམས་ན། བུ་རམ་ཤིང་སྲུང་བ་དག་ཚོལ་ཞིང་དེར་ལྷགས་པ་དང་། ཇི་ཙམ་ན་དྲུག་སྡེ་རྣམས་བུ་རམ་ཤིང་གི་རྩ་བ་དང་། ཐོར་ཏོ་རོ་ཆུང་བ་དག་ལེན་པ་
D6.010.0221b07.01