完整藏文原文 · 德格版页 当前仅加载第 10 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
སྡོམ་ནི། །ཁང་{བཟངས་,བཟང་}སྟེགས་བུ་དེ་བཞིན་དུ། །ལན་ཀན་དྲ་བ་ཟུ་ང་དང་། །ཕྱགས་མ་དང་ནི་ཡང་ཏོག་དང་། །ཡང་ཏོག་ལན་ཀན་གདགས་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་
D6.010.0171a01.01བ་ན་བཞུགས་སོ། །བཅོམ་ལྡན་འདས་ཀྱིས་གནས་མལ་རྣམས་ཀྱི་ནང་ན་ཤིང་དྲུང་ནི་རུང་བ་རྙེད་ཀྱང་སླ་བ་སྟེ། དེ་ལ་གནས་ན་དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོར་འགྱུར་རོ། །ལྷག་པར་རྙེད་ན་གནས་ཁང་ངམ།
D6.010.0171a02.01སྔ་ཁང་ངམ་ཁང་པ་རྩེག་མའམ་ཞེས་བཀའ་སྩལ་པ་དང་། དགེ་སློང་རྣམས་གནས་ཁང་དག་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཁང་{བཟངས་,བཟང་}བྱའོ། །བཅོམ་ལྡན་འདས་ཀྱིས་ཁང་{བཟངས་,བཟང་}བྱའོ་ཞེས་བཀའ་སྩལ་ན། དགེ་སློང་དག་གིས་ཇི་ལྟ་བུར་བྱ་བ་མི་ཤེས་
D6.010.0171a03.01ནས། བཅོམ་ལྡན་འདས་ཀྱིས་བཀའ་སྩལ་པ། གཞི་སོ་ཕག་རིམ་པ་བདུན་ནམ་བརྒྱད་བརྩིགས་ཏེ་སྟེགས་བུ་པུས་མོ་ཙམ་དུ་ཕྱིན་པ་དང་ཀ་རྟེན་གཞག་གོ། །དེའི་སྟེང་དུ་ཀ་བའི་ཕྲེང་བ་གཟུགས་སོ། །ཀ་བ་རྣམས་ཀྱི་སྟེང་དུ་ཀ་ཞུའོ། །ཀ་ཞུའི་སྟེང་དུ་གདུང་ངོ་། །གདུང་
D6.010.0171a04.01གི་སྟེང་དུ་སྤང་ལེབ་པོ། །དེ་རྣམས་ཀྱི་སྟེང་དུ་སོ་ཕག་གིས་གཡོགས་སོ། །དེ་ནས་སོ་ཕག་གི་ཕྱེ་མས་གཡོགས་ཏེ། ཁང་{བཟངས་,བཟང་}ནི་དེ་ལྟར་བྱའོ། །བཅོམ་ལྡན་འདས་ཀྱིས་ཁང་{བཟངས་,བཟང་}དེ་ལྟར་བྱའོ་ཞེས་བཀའ་སྩལ་ནས་དགེ་སློང་རྣམས་ཀྱིས་ཁང་{བཟངས་,བཟང་}བྱས་ཏེ་ལན་ཀན་མ་བྱས་ནས།
D6.010.0171a05.01བཅོམ་ལྡན་འདས་ཀྱིས་བཀའ་སྩལ་པ། ལན་ཀན་བྱའོ། །ལན་ཀན་བྱས་པ་དང་དེ་ལྷུང་ནས་བཅོམ་ལྡན་འདས་ཀྱིས་བཀའ་སྩལ་པ། འབྱོར་པར་བྱ་ཞིང་དེ་ལྕགས་ཀྱི་གཟེར་བུ་དག་གིས་གདབ་པར་བྱའོ། །དགེ་སློང་རྣམས་ཁང་{བཟངས་སུ་,བཟང་དུ་}ཟན་ཟ་བ་ན་བྱེའུ་དང་ཕུག་རོན་དག་གིས་
D6.010.0171a06.01གཙེས་ནས། བཅོམ་ལྡན་འདས་ཀྱིས་བཀའ་སྩལ་པ། རྒྱས་གཅད་པར་བྱའོ། །བཅོམ་ལྡན་འདས་ཀྱིས་རྒྱས་གཅད་པར་བྱའོ་ཞེས་བཀའ་སྩལ་ན། དགེ་སློང་དག་གིས་ཇི་ལྟ་བུ་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། རྒྱ་ནི་ལྔ་སྟེ། ཤ་ན་ལས་བྱས་པ་
D6.010.0171a07.01