完整藏文原文 · 德格版页 当前仅加载第 10 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་གྱི་ངའི་ཕ་དེ་དཀའ་བ་བྱེད་བྱེད་པས་དབང་མེད་པར་མཆི་མ་བྱུང་ངོ་། །བཅོམ་ལྡན་འདས་ཀྱིས་ཀྱང་ཕ་མ་ནི་བུ་ལ་དཀའ་བ་བྱེད་དེ། སྙོད་པ་དང་། གསོ་བ་དང་། བསྐྱེད་པ་དང་། འཛམ་བུའི་གླིང་སྣ་ཚོགས་སྟོན་པ་ཡིན་ཏེ། བུའི་ཕྲག་པ་གཅིག་གིས་ཕ་བླངས་ཤིང་།
D6.010.0253b01.01ཅིག་ཤོས་ཀྱིས་མ་བླངས་ཏེ་ལོ་བརྒྱ་ཚང་བར་བཀུར་བ་བྱས་པའམ། ས་ཆེན་པོ་འདི་ལ་ནོར་བུ་དང་། མུ་ཏིག་དང་། བཻ་ཌཱུརྱ་དང་། མན་ཤེལ་དང་། བྱུ་རུ་དང་། དངུལ་དང་། གསེར་དང་། རྡོའི་སྙིང་པོ་དང་། སྤུག་དང་། པད་མ་རཱ་ག་དང་། གཡས་སུ་འཁྱིལ་པ་
D6.010.0253b02.01དེ་ལྟ་བུའི་དབང་ཕྱུག་གི་བདག་པོར་བཞག་ཀྱང་འདི་ཙམ་གྱིས་ན་བུས་ཕ་དང་མ་ལ་ཕན་ཐོགས་པའམ་ལན་ལོན་པར་མི་འགྱུར་གྱི། གང་ཞིག་གིས་ཕ་མ་དེ་དག་མ་དད་པ་ལས་དད་པ་ཕུན་སུམ་ཚོགས་པ་ཡང་དག་པར་ལེན་དུ་འཇུག །གཟེངས་སྟོད་པར་བྱེད། འདུལ་
D6.010.0253b03.01བར་བྱེད། འཇོག་པར་བྱེད། རབ་ཏུ་འཇོག་པར་བྱེད་ཅིང་། ཚུལ་ཁྲིམས་འཆལ་བ་ཚུལ་ཁྲིམས་ཕུན་སུམ་ཚོགས་པ་དང་། འཇུངས་པ་གཏོང་བ་ཕུན་སུམ་ཚོགས་པ་དང་། ཤེས་རབ་འཆལ་པ་ཤེས་རབ་ཕུན་སུམ་ཚོགས་པ་ཡང་དག་པར་ལེན་ཏུ་འཇུག །གཟེངས་
D6.010.0253b04.01སྟོད་པར་བྱེད། འདུལ་བར་བྱེད། འཇོག་པར་བྱེད། རབ་ཏུ་འཇོག་པར་བྱེད་ན་དེ་ཙམ་གྱིས་ན་བུས་ཕ་མ་ལ་ཕན་བཏགས་པ་དང་ལན་བླན་པར་འགྱུར་རོ་ཞེས་གསུངས་སོ། །ཡང་བཅོམ་ལྡན་འདས་ཀྱིས་ང་འདས་ནས་དེ་ལ་བྱིན་ཅིག་ཅེས་ཟེར་བ་ནི་སྦྱིན་པ་མ་ཡིན་ནོ་
D6.010.0253b05.01ཞེས་བཀག་གོ །བུད་མེད་དེ་ཅང་མི་ཟེར་བར་འདུག་གོ། །སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་ནི་ཁྱིམ་པ་ལས་དགོངས་ཏེ་གསུངས་པ་མ་ཡིན་གྱི། འོན་ཀྱང་རབ་ཏུ་
D6.010.0253b06.01བྱུང་བ་ལས་དགོངས་པ་ཡིན་ནོ། །ཁྱིམ་བདག་ནི་ཆགས་པ་དང་བཅས་བཞིན་དུ་འཆི་བར་འགྱུར་ལ། རབ་ཏུ་བྱུང་བ་ནི་མ་ཡིན་ནོ། །དེ་ལྟ་བས་ན་དེའི་ཕྱིར་ཁྱིམ་པ་འདི་སྙམ་དུ་ང་འདས་ནས་འདི་ལ་སྦྱིན་ནོ་སྙམ་དུ་སེམས་པ་ནི་བྱིན་པ་ཡིན་གྱི། རབ་ཏུ་བྱུང་བ་ནི་མ་ཡིན་
D6.010.0253b07.01