完整藏文原文 · 德格版页 当前仅加载第 10 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །སེར་སྐྱ་ན་གནས་པའི་ཤཱཀྱ་རྣམས་ཀྱིས་བཅོམ་ལྡན་འདས་ཤཱཀྱ་རྣམས་ཀྱི་ནང་ན་ལྗོངས་རྒྱུ་ཞིང་གཤེགས་པ་ལས་འདིར་བྱོན་ཏེ། ནྱ་གྲོ་དྷའི་ཀུན་དགའ་ར་བ་འདི་ཁོ་ན་ན་བཞུགས་སོ་ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་
D6.010.0089b01.01ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་དང་། བག་ལ་ཉལ་བ་དང་། ཁམས་དང་། རང་བཞིན་མཁྱེན་ནས་འཕགས་པའི་བདེན་པ་བཞི་རྟོགས་པར་འགྱུར་བའི་ཆོས་དེ་ལྟ་བུ་བསྟན་པ་མཛད་པ་དང་། དེ་ཐོས་ནས་
D6.010.0089b02.01སྲོག་ཆགས་བརྒྱ་སྟོང་ཕྲག་དུ་མས་ཁྱད་པར་ཆེན་པོ་ཐོབ་སྟེ། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་བུ་ཞེས་བྱ་བ་ནས། དགེ་འདུན་ལ་འབབ་པ་ལ་བཀོད་དོ་ཞེས་བྱ་བའི་བར་སྔ་མ་བཞིན་ནོ། །མ་ལ་གནོད་ཀྱིས་འཕགས་སྐྱེས་
D6.010.0089b03.01པོ་མཐོང་ནས། དེས་སྨྲས་པ། ལྷ་ཅི་སྟེ་སླར་ལོག །དེས་སྨྲས་པ། མ་ལ་གནོད་བཅོམ་ལྡན་འདས་ལ་ཉེ་དུ་རྣམས་ལ་གཟིགས་ཤིང་ཐུགས་བརྩེ་བ་མངའ་སྟེ། ཀྱེ་མ་བཅོམ་ལྡན་འདས་ཉེ་དུ་རྣམས་ལ་ཐུགས་བརྩེ་བ་མངའ་བས་རྒྱལ་པོ་ཆེན་པོ་ཉེ་དུ་རྣམས་ལ་ནི་ཉེ་དུའི་གྲིབ་མ་བསིལ་ལོ་ཞེས་དེ་ལྟ་བུའི་
D6.010.0089b04.01གསུང་འདི་བཀའ་སྩལ་ཏོ། །དེ་ནི་ངའི་སྙིང་ལ་ལྷངས་ཞེས་བྱས་ཀྱིས། སེར་སྐྱ་ན་གནས་པའི་ཤཱཀྱ་རྣམས་གསད་པ་ཐོང་ཤིག །དེས་སྨྲས་པ། ལྷ་དགེ་སྦྱོང་གཽ་ཏ་མ་ནི་འདོད་ཆགས་དང་བྲལ་བ་ལགས་ཏེ། འདོད་ཆགས་དང་བྲལ་བ་རྣམས་ཀྱི་ཉེ་དུ་ལ་མི་ལྟ་བས་དེང་ཁོ་ན་ལྷའི་ཉི་མ་ཡང་བཟང་། ཡུད་ཙམ་
D6.010.0089b05.01ཡང་བཟང་། སྐར་མ་ཡང་བཟང་། བསོད་ནམས་ཀྱི་གདུགས་ཀྱང་བཟང་བས་དེང་ཉིད་སེར་སྐྱའི་གཞིར་གཤེགས་ཤིག །དེ་མི་དགེ་བའི་གྲོགས་པོས་ལོག་པར་བཟུང་བས་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་
D6.010.0089b06.01གོ་བསྐོན་ནས་སེར་སྐྱའི་གཞིར་སོང་སྟེ་ཧ་ཅང་མི་རིང་བ་ཞིག་ཏུ་ཕྲུ་མ་བཏབ་ནས་འདུག་གོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་
D6.010.0089b07.01