完整藏文原文 · 德格版页 当前仅加载第 10 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གི་བུ་གསུམ་ཡོད་པ་ལས་ཕུ་བོ་གཉིས་ནི་འདི་དག་ཡིན། ཐ་{ཆུངས་,ཆུང་}གང་ཡིན་པ་དེ་ནི་དགེ་སྦྱོང་ཤཱཀྱའི་ནང་དུ་རབ་ཏུ་བྱུང་ངོ་། །དེའི་ཕྱིར་བདག་གི་ཁྱིམ་ན་ནོར་གང་ཅུང་ཟད་ཅི་ཡོད་པ་དེ་ཐམས་ཅད་དེ་རྣམས་མཉམ་པར་བགོས་ཤིག་ཅེས་སྨྲས་ནས། བསགས་
D6.010.0253a01.01པ་ཀུན་གྱི་མཐའ་ཟད་ཅིང་། །མཐོན་པོའི་མཐའ་ནི་རྙིལ་བར་འགྱུར། །འདུ་བའི་མཐའ་ནི་འབྲལ་བ་སྟེ། །གསོན་པོའི་མཐའ་ནི་འཆི་བ་ཡིན། །ཞེས་བྱ་བས་དུས་ཀྱི་ཆོས་དང་ལྡན་པར་གྱུར་ཏེ། དེ་ཁྱོགས་གོས་སྔོན་པོ་དང་། དམར་པོ་དང་། སེར་པོ་དང་། དཀར་པོ་དག་
D6.010.0253a02.01གིས་བརྒྱན་ཏེ་དུར་ཁྲོད་དུ་ཁྱེར་ནས་བསྲེགས་སོ། །དེའི་བུ་དེ་དག་གིས་དེའི་ཤིད་བཏང་བ་དང་མྱ་ངན་བསང་བ་བྱས་ཏེ་འདུག་གོ། །དེའི་བུ་དེས་བདག་གི་ཕ་དེ་ཤིའོ་ཞེས་ཐོས་ནས། དེ་འདི་སྙམ་དུ་བདག་སོང་ལ་མ་ཡར་མོ་དེ་དང་། ཕུ་བོ་དེ་དག་ལ་ཆོས་བཤད་དེ་མྱ་ངན་བསང་བར་བྱའོ་
D6.010.0253a03.01སྙམ་དུ་བསམས་ནས་དེ་ཇི་སྲིད་འདོད་པར་ལྗོངས་ན་འདུག་ནས་ལྷུང་བཟེད་དང་། ཆོས་གོས་ཁྱེར་ཏེ། མཉན་ཡོད་གང་ན་བ་དེར་རྒྱུ་ཞིང་སོང་ནས། རིམ་གྱིས་རྒྱུ་ཞིང་སོང་བ་ལས་མཉན་ཡོད་དུ་ཕྱིན་ཏོ། །དེས་ཆོས་གོས་དང་ལྷུང་བཟེད་རྒྱལ་བྱེད་ཀྱི་ཚལ་དུ་བཞག་སྟེ་ལམ་
D6.010.0253a04.01གྱིས་དུབ་པ་ངལ་བསོ་ནས་རང་གི་ཁྱིམ་དུ་སོང་ངོ་། །ནང་མི་རྣམས་ཀྱིས་དེ་མཐོང་ནས་ངུས་སོ། །ངུ་བ་དེ་ཐོས་ནས་ཁྱིམ་ཚེས་རྣམས་འདུས་ཏེ། ལ་ལ་ནི་སྐད་ཕྱུང་སྟེ་ངུ་། ལ་ལ་ནི་མིག་མཆི་མས་གང་བར་གྱུར་ཏོ། །དེ་སོ་སོའི་སྐྱེ་བོ་ཡིན་པས་སྐྱེ་བོའི་ཚོགས་ཆེན་
D6.010.0253a05.01པོ་སྨྲེ་ཞིང་འདུག་པ་ཐོས་ནས་ད་ཡང་མིག་མཆི་མས་གང་ཞིང་འདུག་པ་དང་། དེ་ལ་ཁྱིམ་ཚེས་ཀྱི་བུད་མེད་གཅིག་གིས་སྨྲས་པ། བུ་མྱ་ངན་མ་བྱེད་ཅིག །ཁྱོད་ཀྱི་ཕ་དེ་བསོད་ནམས་བྱས་པས་ལྷ་ཡུལ་དུ་སོང་ངོ་། །ཁྱོད་ལ་ཡང་ཕས་མཛའ་བོ་དང་། གཉེན་དང་། ཕུ་ནུ་
D6.010.0253a06.01བོ་དང་། ཁྱིམ་ཚེས་རྣམས་བསྡུས་ཏེ་ནོར་གྱི་སུམ་ཆ་གཅིག་ཀྱང་བྱིན་ནོ། །དེས་བསམས་པ་བཅོམ་ལྡན་འདས་ཀྱིས་ང་འདས་ནས་འདི་ལ་བྱིན་ཅིག་ཅེས་ཟེར་བ་ནི་མེད་པ་ཡིན་ནོ་ཞེས་གསུངས་པ་གང་ཡིན་པ་དེ་ནི་འདི་ལྟ་བུ་ཡིན་ནོ་སྙམ་དུ་རིག་ནས་ང་དེའི་ཕྱིར་མྱ་ངན་བྱེད་པ་ནི་
D6.010.0253a07.01