完整藏文原文 · 德格版页 当前仅加载第 10 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་ནི་དྲོ་བ་ཉིད་དུ། རླུང་གི་ཁམས་ནི་ཡང་ཞིང་གཡོ་བ་ཉིད་དུ་ཉེ་བར་གནས་སོ། །དགའ་བོ་ཞག་བདུན་པ་ལྔ་པ་ལ་ནི་མངལ་ན་གནས་པ་དེ་ལ་མའི་ལྟོའི་ནང་དུ་ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ་ཀུན་དུ་སྡུད་པ་ཞེས་བྱ་བ་དག་ལྡང་སྟེ། དེས་ན་མངལ་གྱི་ཟུག་རྔུ་དེའི་ལུས་ལ་
D6.010.0130b01.01མཚན་མ་ལྔ་པོ་དཔུང་པ་གཉིས་ཀྱི་དཔུང་པའི་མཚན་མ་དག་དང་། བརླ་གཉིས་ཀྱི་བརླའི་མཚན་མ་དག་དང་། ལྔ་པ་མགོའི་མགོའི་མཚན་མ་འབྱུང་བར་འགྱུར་རོ། །དགའ་བོ་དཔེར་ན་དུས་ཚིགས་ཀྱི་དུས་ཀྱི་ཚེ་དབྱར་གྱི་ཆར་བབ་ན་དང་པོར་ཤིང་གི་ཕུང་པོ་དག་ལས་མྱུ་གུ་འབྱུང་བར་འགྱུར་རོ། །དགའ་
D6.010.0130b02.01བོ་དེ་བཞིན་དུ་མངལ་ན་གནས་པ་དེ་ལ་མའི་ལྟོའི་ནང་དུ་ནང་གི་རླུང་རྣམ་པར་སྨིན་པ་ལས་སྐྱེས་པ་ཀུན་དུ་སྡུད་པ་ཞེས་བྱ་བ་དག་ལྡང་སྟེ། དེས་ན་མངལ་ན་གནས་པ་དེ་ལུས་ལ་མཚན་མ་ལྔ་པོ་དཔུང་པ་གཉིས་ཀྱི་དཔུང་པའི་མཚན་མ་དག་དང་། བརླ་གཉིས་ཀྱི་བརླའི་མཚན་མ་དག་དང་། ལྔ་པ་མགོའི་
D6.010.0130b03.01མགོའི་མཚན་མ་འབྱུང་བར་འགྱུར་རོ། །དགའ་བོ་ཞག་བདུན་པ་དྲུག་པ་ལ་ནི་མངལ་ན་གནས་པ་དེ་ལ་མའི་ལྟོར་ནང་ནས་ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ་རྒྱ་ཆེན་པོ་ཞེས་བྱ་བ་དག་ལྡང་སྟེ། དེས་ན་མངལ་གྱི་ཟུག་རྔུ་དེའི་ལུས་ལ་མཚན་མ་བཞི་པོ་ལག་ངར་གཉིས་ཀྱི་ལག་ངར་
D6.010.0130b04.01གྱི་མཚན་མ་དག་དང་། རྗེ་ངར་གཉིས་ཀྱི་རྗེ་ངར་གྱི་མཚན་མ་དག་འབྱུང་བར་འགྱུར་རོ། །དགའ་བོ་དཔེར་ན་དབྱར་གྱི་ཆར་བབ་ན་དང་པོར་རྩ་དཱུར་བའི་མྱུ་གུ་སྐྱེ་བར་འགྱུར་རོ། །དགའ་བོ་དེ་བཞིན་དུ་མངལ་ན་གནས་པ་དེ་ལ་མའི་ལྟོར་ནང་ནས་ནང་གི་རླུང་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པ་རྒྱ་ཆེན་
D6.010.0130b05.01པོ་ཞེས་བྱ་བ་དག་ལྡང་སྟེ། དེས་ན་མངལ་གྱི་ཟུག་རྔུ་དེའི་ལུས་ལ་མཚན་མ་བཞི་པོ་ལག་ངར་གཉིས་ཀྱི་ལག་ངར་གྱི་མཚན་མ་དག་དང་། རྗེ་ངར་གཉིས་ཀྱི་རྗེ་ངར་གྱི་མཚན་མ་དག་འབྱུང་བར་འགྱུར་རོ། །དགའ་བོ་ཞག་བདུན་པ་བདུན་པ་ལ་ནི་མངལ་ན་གནས་པ་དེ་ལ་མའི་ལྟོར་ནང་ནས་ནང་གི་རླུང་ཀུན་དུ་
D6.010.0130b06.01སྒྱུར་བ་ཞེས་བྱ་བ་དག་ལྡང་སྟེ། དེས་ན་མངལ་ན་གནས་པ་དེའི་ལུས་ལ་མཚན་མ་གཞན་བཞི་པོ་ལག་པའི་བོལ་གཉིས་ཀྱི་ལག་པའི་བོལ་གྱི་མཚན་མ་དག་དང་། རྐང་པའི་བོལ་གཉིས་ཀྱི་རྐང་པའི་བོལ་གྱི་མཚན་མ་རྒྱ་ཆེན་པོ་འབྱུང་བར་འགྱུར་ཏེ། དགའ་བོ་དཔེར་ན་སྦུ་བའི་ཕུང་པོའམ་ཉ་ལྕིབས་
D6.010.0130b07.01