完整藏文原文 · 德格版页 当前仅加载第 10 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་དེ་ཁོ་ན་བཞིན་སྒྲ་ཕྱུང་མོད་ཀྱི། གཽ་ཏ་མཱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ནི་དེ་ལྟར་ཕྱག་མི་བྱ་སྟེ། དེ་ལྟར་ཕྱག་བྱས་པ་ནི་ལེགས་པར་ཕྱག་བྱས་པ་མ་ཡིན་ནོ། །བཙུན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D6.010.0111a01.01པའི་སངས་རྒྱས་ལ་ཕྱག་ཇི་ལྟར་བགྱི། ཕྱག་ཇི་ལྟར་བགྱིས་ན་ལེགས་པར་ཕྱག་བགྱིས་པར་འགྱུར། གཽ་ཏ་མཱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ནི་འདི་ལྟར་ཕྱག་བྱ་སྟེ། བདག་གི་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་ཏེ་
D6.010.0111a02.01མཐུན་ཀུན་དུ་དགའ། མི་རྩོད་རྩེ་གཅིག །འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བ་མཐོང་བར་གྱུར་ཅིག་ཅེས་དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་བྱ་སྟེ། དེ་ལྟར་ཕྱག་
D6.010.0111a03.01བྱས་ན་ལེགས་པར་ཕྱག་བྱས་པར་ཡང་འགྱུར་རོ། །དེའི་ཚེ་དགེ་སློང་ཞིག་གིས་ཚིགས་སུ་བཅད་དེ་སྨྲས་པ། སྐྱེ་དགུའི་བདག་ཆེན་གཽ་ཏ་མཱིས། །སྟོན་པའི་ཞབས་ལ་ཕྱག་འཚལ་ཏེ། །བདག་གི་བཅོམ་ལྡན་རིང་དུ་བཞུགས། །ཐུབ་ཆེན་བསྐལ་པར་བཞུགས་གྱུར་ཅིག །དེ་ཡིས་
D6.010.0111a04.01སྟོན་ལ་དེ་སྐད་གསོལ། །སྲུ་ལ་འདི་སྐད་བཀའ་སྩལ་ཏེ། །གཽ་ཏ་མ་ཇི་ལྟར་ཕྱག་བྱས་པ། །དེ་བཞིན་གཤེགས་ལ་ཕྱག་བྱས་མིན། །ཤེས་རབ་ལྡན་པ་ཇི་ལྟར་དུ། །དེ་བཞིན་གཤེགས་ལ་ཕྱག་བགྱིས་ན། །ཇི་ལྟར་ལེགས་པར་ཕྱག་བགྱིས་འགྱུར། །ཞུས་པ་བདག་ལ་བསྟན་དུ་
D6.010.0111a05.01གསོལ། །བརྩོན་འགྲུས་བརྩམས་པ་བདག་ཉིད་བརྩོན། །རྟག་ཏུ་ཕ་རོལ་གནོན་བརྟན་པའི། །ཉན་ཐོས་མཐུན་པ་ལྟ་ཕྱེད་པ། །དེ་ནི་སངས་རྒྱས་ཕྱག་འཚལ་ཡིན། །སྐྱེ་དགུའི་བདག་མོ་ཆེན་མོ་གཽ་ཏ་མཱིས་བསམས་པ། བཅོམ་ལྡན་འདས་ནི་དགེ་འདུན་མཐུན་པའི་བསྔགས་པ་བརྗོད་པར་
D6.010.0111a06.01མཛད་དེ། དེའི་ཕྱིར་ཇི་སྲིད་བཅོམ་ལྡན་འདས་བཞུགས་ཤིང་དགེ་སློང་གི་དགེ་འདུན་མཐུན་པ་དེའི་ཚེ་བདག་ཡོངས་སུ་མྱ་ངན་ལས་འདའ་བར་བྱའོ་སྙམ་དུ་རིག་ནས་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་
D6.010.0111a07.01