完整藏文原文 · 德格版页 当前仅加载第 10 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
ལྔ་བརྒྱས་དགའ་མགུར་སྤྱད་ན་ངོམས་པར་མ་གྱུར་པ་དེ་ལྟ་བུ་བདག་གིས་འཚལ་བཞིན་དུ་ཅི་བུད་མེད་རྣམས་ལ་ཕྲག་དོག་སྐྱེད་ལགས་སམ། ལྷ་འོན་ཀྱང་འཇིག་རྟེན་གང་ཞིག་བུད་མེད་རྣམས་ཡིད་བརྟན་པར་འཇོག་པ་དེ་ནི་བླུན་པ་ལགས་ཀྱི། བུད་མེད་རྣམས་ཀྱིས་སྐྱེས་པ་དག་ཡིད་བརྟན་
D6.010.0305b01.01པར་གཞག་པར་བགྱི་བ་འདི་ནི་རིགས་ལགས་སོ། །དེས་སྨྲས་པ། བུ་དེ་དེ་བཞིན་ཏེ། བུད་མེད་རྣམས་ཀྱིས་སྐྱེས་པ་དག་ཡིད་བརྟན་པར་གཞག་པར་བྱའོ། །འཕགས་རྒྱལ་ན་རྔོན་པ་ཞིག་གནས་པ་དེའི་ཆུང་མ་གཟུགས་བཟང་ཞིང་མཛེས་པ་བལྟ་ན་སྡུག་པ་ཞིག་པས་དེ་དེ་ལ་ཤིན་ཏུ་
D6.010.0305b02.01ཆགས་ཏེ། དེས་བསམས་པ། གལ་ཏེ་ཆུང་མ་བཞག་སྟེ་དགོན་པའི་གནས་སུ་སོང་ན་ནི་འདི་སྐྱེས་པ་གཞན་དང་ལྷན་ཅིག་དགའ་མགུར་སྤྱོད་པར་འགྱུར། ཅི་སྟེ་མ་སོང་ན་ནི་བདག་རྔོན་པ་སྟེ། གཞན་གྱི་སྲོག་གཅོད་ཅིང་གཞན་གྱི་སྲོག་བཅད་པས་འཚོ་བར་བྱེད་པ་ཡིན་གྱིས་
D6.010.0305b03.01བདག་ནི་ཞིང་པ་མ་ཡིན། ཚོང་པ་མ་ཡིན། གཞན་གྱིས་འཚོ་བ་ཡང་མ་ཡིན་པས་གདོན་མི་ཟ་བར་ལྟོགས་ཏེ་འཆི་བར་འགྱུར་བས་མ་ལ་བདག་གིས་ཆུང་མ་ཁྲིད་ལ་འགྲོའོ་སྙམ་ནས། དེས་ཆུང་མ་ཁྲིད་དེ་དགོན་པའི་གནས་སུ་སོང་ནས་ཕྱོགས་གཅིག་ཅིག་ཏུ་ལོ་མའི་སྤྱིལ་བུ་བྱས་ཏེ་
D6.010.0305b04.01འདུག་གོ། །དེས་དེར་{རི་དགས་,རི་དྭགས་}མཆོག་བདམས་ཤིང་བསད་དེ་ཤ་བཟང་པོ་བཙོངས་ནས་འཚོ་བར་བྱེད་དོ། །ཇི་ཙམ་དུས་གཞན་ཞིག་ན་རྒྱལ་པོ་གཏུམ་པོ་རབ་སྣང་{རི་དགས་,རི་དྭགས་}ཤོར་དུ་སོང་བ་ལས་དེ་རྟས་ཁ་ཁྱེར་ནས་ཕྱོགས་དེར་ཕྱིན་པ་དང་། རྔོན་པ་དེས་དེ་ངོ་ཤེས་པར་གྱུར་ཅིང་ཇི་ལྟར་
D6.010.0305b05.01རྟས་ཁ་ཁྱེར་བ་ཡང་ཤེས་ནས་དེས་དེ་ལ་བྱོན་པ་ལེགས་སོ་ཞེས་བྱ་བའི་ཚིག་ཀུན་ཏུ་སྤྱད་པ་དང་། དེ་རྟ་ལས་བབས་ཏེ་ཤིང་དྲུང་ཞིག་ཏུ་འདུག་གོ། །རྔོན་པས་བསམས་པ། བདག་གིས་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ལ་ཞག་ལོན་པའི་ཤ་དབུལ་བ་གང་ཡིན་པ་ནི་བདག་གི་ཆ་མ་
D6.010.0305b06.01ཡིན་པས་མ་ལ་བདག་གིས་ཞག་མ་ལོན་པ་གཞན་ཞིག་ཁྱེར་ཏེ་འོང་ངོ་སྙམ་ནས་དེས་མདའ་ལྕུགས་བགོས་མདའ་གཞུ་ལག་ན་ཁྱེར་ཏེ་{རི་དགས་,རི་དྭགས་}ཤོར་དུ་སོང་ངོ་། །རྒྱལ་པོ་གཏུམ་པོ་རབ་སྣང་གིས་དེའི་ཆུང་མ་གཟུགས་དང་ན་ཚོད་དང་ལྡན་པ་དེ་མཐོང་ནས་ཉོན་མོངས་པ་དྲག་པོའི་མཐུས་འདོད་
D6.010.0305b07.01