'dul ba phran tshegs kyi gzhi/
当前为德格木刻版 301b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 301b
- 可引用原文
- 7 行
- 全文规模
- 全经 8970 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 10 函 · 德格 301b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ལྷ་ལས་གསོལ་ཏེ་ཐམས་ཅད་བྱའོ་ཞེས་སྤྲིང་བ་དང་། དེས་ཀྱང་གསོས་པ་ལ་རྗེའི་སྲས་མདུན་ན་འདོན་གྱི་ཆུང་མ་དེས་བདག་ལ་འདི་སྐད་དུ་བདག་གིས་ཁྱིམ་ཐབ་ཁས་ལེན་དུ་བཅུག་སྟེ། ལྷ་ལ་གསོལ་ནས་ཐམས་ཅད་བྱའོ་ཞེས་ཟེར་རོ་ཞེས་སྤྲིང་བ་མཆིས་སོ། །གསོས་པས་ཀྱང་རྒྱལ་པོ་ལ་སྨྲས་པ། ལྷ་དོན་དེ་གྲུབ་ལགས་ཏེ་མདུན་ན་འདོན་དེ་ཁྱོད་ལ་ཞུར་མཆིས་མཁྱེན་པར་མཛད་དུ་གསོལ། །རྒྱལ་པོས་སྨྲས་པ། གསོས་པ་དེ་ངའི་ཆེད་ཡིན་པས་བག་མ་ཚ་ཞིག །རེ་ཞིག་ན་མདུན་ན་འདོན་དེ་རྒྱལ་པོ་ལ་གསོལ་དུ་
འོངས་ཏེ། ལྷ་བདག་ལྷ་རྣམས་ཀྱི་དོན་ཅུང་ཟད་ཅིག་བགྱིད་དེ་ཟླ་བ་དྲུག་ན་ལྷའི་ཞལ་ལྟ་ཞིང་མཆི་བར་འཚལ་ལོ། །རྒྱལ་པོས་སྨྲས་པ། ལེགས་ཀྱིས་དེ་བཞིན་དུ་གྱིས་ཤིག །དེ་ཁྱིམ་དུ་སོང་ནས་མགོ་ཕྱིའོ། །དེ་མགོ་ཕྱི་ནས་ཀྱང་ཁྱིམ་གྱི་ནང་ཉིད་ན་འདུག་གོ། །དེའི་ཆུང་མས་གསོས་པའི་ཆུང་མ་ལ་གྲོགས་མོ་ཁོ་མོའི་ཁྱིམ་ཐབ་དེ་ནི་མགོ་ཕྱི་ཟིན་ནོ་ཞེས་སྤྲིང་བ་དང་། དེས་ཀྱང་གསོས་པ་ལ་བསྙད་དོ། །གསོས་པས་ཀྱང་རྒྱལ་པོ་གཏུམ་པོ་རབ་སྣང་ལ་སྨྲས་པ་དང་དེ་རབ་ཏུ་དགའ་སྟེ་མདུན་ན་འདོན་དེ་
ཁུག་ཅིག་ཅེས་བསྒོའོ། །གསོས་པས་ཀྱང་ཁྱེའུ་གཉིས་ཤིག་གླུ་ཚིག་བསླབས་པ། གང་ན་བུད་མེད་གཟུགས་ལྡན་ལ། །རིགས་དང་ལྡན་ཞིང་རིགས་སྤེལ་མ། །དེ་ན་རྟ་མེད་རྟ་སྐད་ཟེར། །མདུན་འདོན་མགོ་བོ་ཕྱི་ལ་ལྟོས། །ཞེས་བསླབས་སོ། །ཇི་ཙམ་ན་མདུན་ན་འདོན་དེ་ཞྭ་ཞིག་གྱོན་ནས་རྒྱལ་པོའི་དྲུང་དུ་འོངས་པ་དང་། ཁྱེའུ་དེ་གཉིས་ཀྱིས་གླུ་ཚིག་བྱ་བར་བརྩམས་པ། གང་ན་བུད་མེད་གཟུགས་ལྡན་ལ། །རིགས་དང་ལྡན་ཞིང་རིགས་སྤེལ་མ། །དེ་ན་རྟ་མེད་རྟ་སྐད་ཟེར། །ཞེས་བྱས་ནས་གཞན་ཞིག་དེའི་
ཞྭ་ཕུད་ནས། མདུན་ན་འདོན་མགོ་བོ་ཕྱི་ལ་ལྟོས། །ཞེས་བྱས་པ་དང་། དེ་ནས་གད་མོ་ཆེན་པོ་བྱུང་སྟེ། མདུན་ན་འདོན་ཡིད་ལ་ངོ་ཚ་བར་གྱུར་ནས་ཁ་རོག་པར་མགོ་སྨད་དེ་སྨ་བབ་ནས་སོང་ངོ་། །གསོས་པས་དགོས་པ་དག་བྱུང་བ་ན་དེ་དག་ལ་གཙེ་བར་བརྩམས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D6
- 德格版页
- 301b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0006 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。