完整藏文原文 · 德格版页 当前仅加载第 10 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
དེ། བཅོམ་ལྡན་འདས་ཀྱིས་ཀྱང་འདི་ལ་དགེ་སྦྱོང་དང་པོ་ཡོད། འདི་ལ་གཉིས་པ་ཡོད། འདི་ལ་གསུམ་པ་ཡོད། འདི་ལ་བཞི་པ་ཡོད་ཀྱི་འདི་ལས་ཕྱི་རོལ་པ་ལ་ནི་དགེ་སྦྱོང་དང་བྲམ་ཟེ་མེད་དེ་ཕ་རོལ་རབ་ཏུ་སྨྲ་བ་རྣམས་ནི་དགེ་སྦྱོང་དང་བྲམ་ཟེས་སྟོང་ངོ་། །དེ་ལྟ་བས་ན་འདིར་
D6.010.0238b01.01འཁོར་གྱི་ནང་དུ་སེང་གེའི་སྒྲ་ཡང་དག་པར་བསྒྲགས་སོ། །ཞེས་གསུངས་སོ། །གཞན་ཡང་ཁྱེད་ཀྱི་སྟོན་པ་དེ་མནར་མེད་པ་ཆེན་པོར་སྐྱེས་ཏེ། ཆོས་ལོག་པར་བསྟན་པས་ལུས་ཆེན་པོར་གྱུར་ཅིང་ལྕེ་ལ་གཤོལ་ལྔ་བརྒྱས་རྨེད་དོ། །དེས་ང་ལ་ཐན་བཏང་བ་བདག་གི་ཚངས་
D6.010.0238b02.01པ་མཚུངས་པར་སྤྱོད་པ་རྣམས་ལ་ངས་ཆོས་ལོག་པར་བསྟན་པས་སྐྱེ་བོའི་ཚོགས་མང་པོ་བསླུས་ཏེ། ང་ལས་ཡང་དག་པར་བླངས་ཤིང་ཀུན་ཏུ་སྤྱད་པ་དེས་ལྕེ་ལ་གཤོལ་ལྔ་བརྒྱས་རྨེད་ཅིང་ཁྱེད་ཀྱིས་ཇི་ལྟ་ཇི་ལྟར་ངའི་མཆོད་རྟེན་ལ་རྗེད་པར་བྱས་པ་དེ་ལྟ་དེ་ལྟར་ང་ལ་སྡུག་
D6.010.0238b03.01བསྔལ་ཆེས་མི་བཟད་པར་གྱུར་ཏོ། །ཞེས་གསུངས་ཤིག་ཅེས་ཟེར་རོ། །དེ་དག་རྔམ་ནས་སྨྲས་པ། ཤེས་ལྡན་དག་མགོ་རེག་ངན་པ་བདག་ཅག་ལ་ཁ་ཟེར་བར་མ་ཟད། བདག་ཅག་གི་སྟོན་པ་ལ་ཡང་མི་སྙན་པ་ཟེར་ན་ཇི་ལྟར་བསྒྲུབ་པར་བྱ། དེ་ན་ཁ་ཅིག་གིས་སྨྲས་པ། འདི་
D6.010.0238b04.01ལ་བསྒྲུབ་ཏུ་ཅི་ཡོད། འདི་ཏེ་པོར་གཏལ་དུ་ཟད་མོད། གཞན་དག་གིས་སྨྲས་པ། སྔར་ཡང་བདག་ཅག་གིས་སྨྲས་པ་ཡིན་ཏེ། དེ་དེ་བཞིན་དུ་བརྡེག་གིས་ཚུར། ཁྱེད་ན་རེ་ཀླན་ཀ་བཙལ་ནས་བརྡེག་གོ་ཞེས་ཟེར་བ་དེ་ནི་ད་བདག་ཅག་དང་བདག་ཅག་གི་སྟོན་པ་ལ་ཁ་བྱས་
D6.010.0238b05.01པས་དོན་གྱིས་གྲུབ་པོ་ཞེས་དེ་དག་གིས་དེའི་ཡན་ལག་དང་ཉིང་ལག་འདམ་བུ་བཞིན་བཅོམ་ནས་དོང་ངོ་། །ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མཽད་གལ་གྱི་བུ་ཅི་ཐོགས་སྙམ་བསམ་ནས། དེས་ཕྱིར་ལོག་སྟེ་བལྟས་ན་ཇི་ཙམ་ན་ཡན་ལག་དང་ཉིང་ལག་འདམ་བུ་བཞིན་
D6.010.0238b06.01དུ་བཅོམ་ནས་ས་ལ་འགྱེལ་བ་མཐོང་སྟེ། དེས་སྨྲས་པ། ཚེ་དང་ལྡན་པ་མཽད་གལ་གྱི་བུ་འདི་ཅི་ཉེས། དེས་སྨྲས་པ། ཚེ་དང་ལྡན་པ་ཤཱ་རིའི་བུ་ལས་སུ་ཟད་མོད་གཞན་ཅི་ཞིག་ཡིན་པར་འགྱུར། ཚེ་དང་ལྡན་པ་ཤཱ་རིའི་བུས་སྨྲས་པ། ཚེ་དང་ལྡན་པ་མཽད་གལ་གྱི་
D6.010.0238b07.01