完整藏文原文 · 德格版页 当前仅加载第 10 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཀྱང་བསྐོས་ལགས་ན། ལྷ་ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་བད་སའི་རྒྱལ་པོ་འཆར་བྱེད་བཙུན་མོའི་ཚོགས་ཀྱིས་ཡོངས་སུ་བསྐོར་ནས་སྐྱེད་མོས་ཚལ་དུ་སོང་སྟེ། དེས་དེར་དགའ་བ་དང་། རྩེ་བ་དང་། དགའ་མགུར་སྤྱོད་པ་ཉམས་སུ་མྱོང་བར་བྱས་ནས་
D6.010.0034b01.01དེ་གཉིད་ལོག་པར་གྱུར་ཏོ། །བུད་མེད་རྣམས་ཀྱི་རང་བཞིན་ནི་མེ་ཏོག་དང་འབྲས་བུ་ལ་དགའ་བ་ཡིན་པས། དེའི་བཙུན་མོའི་འཁོར་རྣམས་སྐྱེད་མོས་ཚལ་དེར་ཅི་དགར་རྒྱུ་ཞིང་འཁྱམ་དུ་དོང་བ་དང་། དེའི་ཚེ་ཚེ་དང་ལྡན་པ་བ་ལང་གནས་སྐྲ་དང་ཁ་སྤུ་རིང་ཞིང་ཆོས་གོས་རྙིང་པ་དང་། ཤམ་ཐབས་
D6.010.0034b02.01ཧྲུལ་པོ་བགོས་ནས་ཤིང་ལྗོན་པ་ཞིག་གི་དྲུང་ན་རྟེན་ཅིང་འདུག་གོ། །ཚེ་དང་ལྡན་པ་བ་ལང་གནས་སྐྲ་དང་ཁ་སྤུ་རིང་ཞིང་། ཆོས་གོས་རྙིང་པ་དང་། ཤམ་ཐབས་ཧྲུལ་པོ་བགོས་ནས་འདུག་པ་བཙུན་མོའི་འཁོར་དེ་དག་གིས་མཐོང་ངོ་། །མཐོང་ནས་ཀྱང་བསྔངས་ཏེ། ཨ་ཙི་ལྷ་ཅིག་འདི་ན་
D6.010.0034b03.01འདྲེ་ཞིག་གདའོ། །ཨ་ཙི་ལྷ་ཅིག་འདི་ན་འདྲེ་ཞིག་གདའོ་ཞེས་བྲེད་སྐད་ཕྱུང་བ་དང་། ཚེ་དང་ལྡན་པ་བ་ལང་གནས་དེ་ནས་ལངས་ཏེ་རིངས་པ་རིངས་པར་ཕག་མོའི་ཕུག་ཏུ་སོང་ངོ་། །སྒྲ་དེས་རྒྱལ་པོ་སད་ནས་རལ་གྲི་ཤུབས་ནས་ཕྱུང་སྟེ། བརྒྱུགས་ནས་བུད་མེད་དག་འདྲེ་ག་ལ་འདུག་ཅེས་
D6.010.0034b04.01སྨྲས་པ་དང་། དེ་དག་གིས་སྨྲས་པ། ལྷ་ཅིག་ཕག་མོའི་ཕུག་ཏུ་མཆིས་སོ། །དེ་ནས་བད་སའི་རྒྱལ་པོ་འཆར་བྱེད་མཚོན་ཐོགས་ཏེ་ཕག་མོའི་ཕུག་སྒོར་བསྡད་ནས་སྨྲས་པ། ཀྭའེ་འབྱུང་པོ་ཁྱོད་སུ་ཞིག །དེས་སྨྲས་པ། ལྷ་དགེ་སྦྱོང་ལགས་སོ། །ཁྱོད་གང་གི་དགེ་སྦྱོང་ཡིན། ཤཱཀྱའི་
D6.010.0034b05.01སྲས་ཀྱི་དགེ་སྦྱོང་ལགས་སོ། །ཅི་ཁྱོད་དགྲ་བཅོམ་མམ། ལྷ་མ་ལགས་སོ། །འོ་ན་ཁྱོད་ཕྱིར་མི་འོང་བའམ། ལན་གཅིག་ཕྱིར་འོང་བའམ། རྒྱུན་དུ་ཞུགས་པ་ཞིག་ཡིན་ནམ། ལྷ་མ་ལགས་སོ། །འོ་ན་ཅི་ཁྱོད་བསམ་གཏན་བཞི་པ་ཐོབ་པ་ཡིན་ནམ་ལྷ་མ་ལགས་སོ། །འོ་ན་ཁྱོད་བསམ་གཏན་
D6.010.0034b06.01གསུམ་པའམ། གཉིས་པའམ། དང་པོ་ཐོབ་པ་ཞིག་ཡིན་ནམ། ལྷ་མ་ལགས་སོ་ཞེས་བྱས་པ་དང་། རྒྱལ་པོ་བཙུན་མོའི་འཁོར་ལ་ཕྲག་དོག་ཟ་བས་ཕྱིར་ལྷག་པར་ཁྲོས་ཏེ། བློན་པོ་རྣམས་ལ་སྨྲས་པ། ཀྭའེ་ཤེས་ལྡན་དག་དགེ་སྦྱོང་སོ་སོའི་སྐྱེ་བོ་འདིས་ངའི་བཙུན་མོའི་འཁོར་རྣམས་
D6.010.0034b07.01