完整藏文原文 · 德格版页 当前仅加载第 10 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་ན་བདག་ཅིའི་སླད་དུ་སྤང་། དེས་སྨྲས་པ། ཚེ་དང་ལྡན་པ་དགའ་བོ་དེ་ནི་བདེན་ན་འོན་ཀྱང་ཁྱོད་ནི་ལམ་གཞན་དུ་ཞུགས་པ་ཡིན་ལ། ཁོ་བོ་ཅག་ཀྱང་ལམ་གཞན་དུ་ཞུགས་པ་ཡིན་པས་སྤང་དགོས་ཆེས་མོད། དེས་སྨྲས་པ། ཚེ་དང་ལྡན་པ་ཀུན་དགའ་བོ་ཁྱེད་ཤུལ་གང་དུ་
D6.010.0124a01.01ཞུགས་པ་དང་། བདག་གང་དུ་ཞུགས་པ་གསུང་ཤིག །དེས་སྨྲས་པ། ཁྱོད་ནི་ལྷའི་འཇིག་རྟེན་ལ་མངོན་པར་དགའ་བས་ཚངས་པར་སྤྱད་པ་སྤྱོད་ལ། ཁོ་བོ་ཅག་ནི་མྱ་ངན་ལས་འདས་པའི་བསམ་པས་ཚངས་པར་སྤྱད་པ་སྤྱོད་དོ། །དེ་སྐད་ཅེས་སྨྲས་པ་དང་། དེ་ཤིན་ཏུ་སྐྱོ་བར་གྱུར་ཏོ། །དེ་ནས་
D6.010.0124a02.01བཅོམ་ལྡན་འདས་ཀྱིས་དེའི་སེམས་ཐུགས་ཀྱིས་མཁྱེན་ནས། ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ་ཁྱོད་ཀྱིས་དམྱལ་བ་མཐོང་ངམ། བཅོམ་ལྡན་འདས་མ་མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ངའི་ཆོས་གོས་ཀྱི་ཐ་མ་ནས་ཟུང་ཤིག །དེས་བཅོམ་ལྡན་
D6.010.0124a03.01འདས་ཀྱི་ཆོས་གོས་ཀྱི་ཐ་མ་ནས་བཟུང་ངོ་། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་དགའ་བོ་ཁྲིད་དེ་དམྱལ་བའི་གནས་སུ་གཤེགས་སོ། །དེ་ནས་བཅོམ་ལྡན་འདས་ལྷག་པའི་ཕྱོགས་ཤིག་ཏུ་བཞུགས་ནས། ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ་སོང་ལ་དམྱལ་བ་རྣམས་ལྟོས་
D6.010.0124a04.01ཤིག། དེས་བལྟས་ན། ཆུ་བོ་རབ་མེད་དང་། ལོ་མ་རལ་གྲི་ལྟ་བུའི་ནགས་དང་། རོ་མྱགས་དང་། མེ་མ་མུར་དང་། ལྷག་པའི་གནས་དེ་དག་གཅིག་པས་ཀྱང་གཅིག་སྡུག་བསྔལ་གྱི་ཁྱད་པར་ཤིན་ཏུ་མི་བཟད་པ་མཐོང་ནས་དམྱལ་བའི་གནས་སུ་སོང་ན། དེས་དེ་ན་དབྱུང་བ་དང་། གཅད་པ་དང་།
D6.010.0124a05.01གཞོམ་པ་ལ་སོགས་པའི་སྡུག་བསྔལ་གྱི་ཁྱད་པར་གྱིས་སེམས་ཅན་རྣམས་སྡུག་བསྔལ་ཞིང་ཁ་ཅིག་ནི་སྐམ་པས་མིག་དང་། སོ་དག་ཕྱུང་། ཁ་ཅིག་ནི་སོག་ལེས་གཤེགས། ཁ་ཅིག་ནི་སྟ་རེས་རྐང་པ་དག་བཅད། ཁ་ཅིག་ནི་མདུང་ཐུང་དང་། མདའ་བོ་ཆེ་དང་། མཚོན་རྩེ་གཅིག་པ་དག་གིས་
D6.010.0124a06.01ཕུག །ཁ་ཅིག་ནི་ལྕགས་ཀྱི་ཐོ་བས་བརྡུངས། ཁ་ཅིག་ནི་ལྕགས་ཀྱི་ཟངས་པོ་ཆེ་འབར། རབ་ཏུ་འབར། ཀུན་དུ་རབ་ཏུ་འབར་ལ། མེ་ལྕེ་གཅིག་ཏུ་གྱུར་ཅིང་བསྐོལ་བའི་ནང་དུ་བཅུག་པ་མཐོང་ངོ་། །དེས་སྡུག་བསྔལ་གྱི་ཁྱད་པར་རྣམ་པ་སྣ་ཚོགས་དེ་དག་མཐོང་ནས་ཕྱོགས་གཞན་ཞིག་ཏུ་སོང་བ་དང་།
D6.010.0124a07.01