完整藏文原文 · 德格版页 当前仅加载第 10 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
མ་མཆིས་པར་འགྱུར་རོ། །རྒྱལ་པོས་སྨྲས་པ། ཤེས་ལྡན་དག་གང་དག་ངའི་ཡུལ་ན་གནས་པ་དེ་དག་གིས་ཤིང་བཙོང་བར་མི་བྱའོ། །གང་དག་ཤིང་འཚོང་བ་དེ་དག་ནི་ངའི་ཡུལ་ན་མ་འདུག་ཤིག་ཅེས་དྲིལ་སྒྲོགས་ཤིག་དེ་ལྟར་བྱས་པ་དང་། ཁྱིམ་བདག་ཉེས་མེད་ཀྱིས་སྤོས་ཀྱི་ཤིང་དག་གིས་གདུགས་ཚོད་
D6.010.0028b01.01གཡོས་ཤིང་། འབྲུ་མར་དྲི་ཞིམ་པོས་བརླན་པའི་རས་ཀྱིས་བག་ཆོས་དག་བཙོ་བར་བརྩམས་པ་དང་། གཉེན་ལྡན་གྱི་གྲོང་ཁྱེར་ཐམས་ཅད་དྲི་ཞིམ་པོ་དག་གིས་ཁྱབ་པར་གྱུར་ཏོ། །རྒྱལ་པོ་གཉེན་ལྡན་གྱིས་སྨྲས་པ། ཤེས་ལྡན་དག་འདི་ལྟ་བུའི་དྲི་ཞིམ་པོ་གང་ནས་བྱུང་། དེ་དག་གིས་རྒྱ་ཆེར་བརྗོད་པ་དང་།
D6.010.0028b02.01དེས་སྨྲས་པ། ཅི་ང་ལ་ཡོ་བྱད་དག་མེད་དམ་ངས་ཀྱང་དེ་ལྟ་བུ་བྱའོ། །བློན་པོ་དག་གིས་སྨྲས་པ། ལྷ་དེ་ལྟར་མཛད་དུ་མི་རུང་སྟེ། ཁྱིམ་བདག་འདི་ནི་བུ་མ་མཆིས་པས་རིང་པོ་མི་ཐོགས་པར་འགུམ་པའི་དུས་ལ་བབ་ནས་ནོར་ཐམས་ཅད་ཁྱོད་ཉིད་མངའ་བར་འགྱུར་གྱིས། ལྷ་ཞུགས་ཤིང་འཚོང་དུ་གནང་བར་
D6.010.0028b03.01མཛོད་ཅིག །དེ་ནས་དེས་ཤིང་དག་འཚོང་དུ་གནང་ངོ་། །ཁྱིམ་བདག་ཉེས་མེད་ཀྱིས་རྒྱལ་པོས་ཤིང་དག་འཚོང་དུ་མ་གནང་ངོ་ཞེས་ཐོས་ནས་སེམས་འཁྲུགས་ཏེ། ཁོ་བོ་ལ་ཤིང་དག་གིས་རྒྱལ་པོ་གཉེན་ལྡན་དེ་མ་དང་ལྷན་ཅིག་མེའི་ཕུང་པོར་སྲེག་ཀྱང་ཆོག་པ་ཙམ་ཡོད་དོ་ཞེས་ཚིག་བརླང་པོ་དག་བརྗོད་དོ། །
D6.010.0028b04.01རྒྱལ་པོ་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་འདུག་ནས། བློན་པོ་དག་གིས་སྨྲས་པ། ལྷ་ཅིའི་སླད་དུ་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་བཞུགས། དེས་རྒྱས་པར་བརྗོད་པ་དང་། དེ་དག་གིས་སྨྲས་པ། ལྷ་མི་དགྱེས་པར་མ་མཛད་ཅིག་དང་། བདག་ཅག་གིས་ཇི་ལྟར་ལྷས་ཁྱིམ་
D6.010.0028b05.01བདག་ཉེས་མེད་ཐུབ་པར་འགྱུར་བ་དེ་ལྟར་བགྱིའོ་ཞེས་བྱས་ནས། དེ་དག་གིས་ཕྱི་དེ་ཉིན་པར་རྒྱལ་པོ་གཉེན་ལྡན་གྱི་གྲོང་ཁྱེར་གྱི་རྡོ་བ་དང་། གསེག་མ་དང་། གྱོ་མོ་དག་བསལ་བ་བྱས་ནས་ཙན་དན་གྱི་ཆུས་ཆག་ཆག་བཏབ་སྟེ། དྲི་རབ་ཏུ་ཞིམ་པོས་གང་བའི་པོག་སྣོད་དག་བཞག་ཅིང་། དར་གྱི་ཆུན་པོ་
D6.010.0028b06.01དག་དཔྱངས་རྒྱལ་མཚན་དང་བ་དན་དག་ཀྱང་བསྒྲེང་། མེ་ཏོག་སྣ་ཚོགས་དག་ཀྱང་བཀྲམ་སྟེ། དགའ་བའི་ཚལ་དང་འདྲ་བར་འཁོར་གྱི་ཁྱམས་ལེགས་པར་བརྒྱན་པ་དེ་དང་བསྒྲུན་དུ་རུང་བ་བྱས་ནས། དེ་རིན་པོ་ཆེ་སྣ་ཚོགས་ཀྱིས་བརྒྱན་པའི་གདན་ཐབས་རིན་པོ་ཆེ་དང་། གདིང་བ་དང་། གོས་ཕུན་
D6.010.0028b07.01