完整藏文原文 · 德格版页 当前仅加载第 10 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོགས་པ་དང་། སྤྱོད་པའི་བུ་རིང་པོ་ཡང་ཅུང་ཞིག་བསྡད་ནས་ཤིང་རྟར་ཞུགས་ཏེ་མཉན་ཡོད་དུ་སོང་ནས། དེས་འཕགས་སྐྱེས་པོ་རྒྱལ་སྲིད་ལ་བཞག་གོ། །ཕྲེང་ལྡན་མ་དང་། དབྱར་ཚུལ་མས་སྤྱོད་པའི་བུ་ལ་དྲིས་པ། སྤྱོད་པའི་བུ་ལྷ་ག་ལ་བཞུགས། གྲོང་རྡལ་མེ་ཙུ་རུ་དི་ན་བཞུགས་སོ། །དེ་དག་
D6.010.0086b01.01རྐང་གིས་གྲོང་རྡལ་མེ་ཙུ་རུ་དིར་ཆས་སོ། །ཀོ་ས་ལའི་རྒྱལ་པོ་གསལ་རྒྱལ་ཡང་བཅོམ་ལྡན་འདས་ལས་ཆོས་མཉན་ནས་གཙུག་ལག་ཁང་ནས་བྱུང་ན་སྤྱོད་པའི་བུ་རིང་པོ་མི་སྣང་ནས། དེས་དགེ་སློང་རྣམས་ལ་དྲིས་པ། འཕགས་པ་དག་སྤྱོད་བྱེད་ཀྱི་བུ་རིང་པོ་གར་མཆིས། དེ་དག་གིས་སྨྲས་པ། དེ་ལྷ་
D6.010.0086b02.01ནང་དུ་གཤེགས་མ་ཐག་ཏུ་ཤིང་རྟར་ཞུགས་ནས་མཆིས་སོ་ཞེས་བྱས་པ་དང་། རྒྱལ་པོ་རྐང་གིས་སོང་ངོ་། །བཅོམ་ལྡན་འདས་ཀྱང་ཆེས་སྔ་བ་ཞིག་ཏུ་རྒྱལ་པོའི་ཁབ་ཏུ་གཤེགས་སོ། །ཇི་ཙམ་ན་རྒྱལ་པོས་ལམ་ཀར་ཕྲེང་ལྡན་མ་དང་། དབྱར་ཚུལ་མ་མཐོང་ནས། དེས་དེ་དག་ལ་དྲིས་པ། ཁྱེད་
D6.010.0086b03.01ཅིའི་ཕྱིར་རྐང་གིས་འདིར་འོངས། དེ་དག་གིས་སྨྲས་པ། ལྷ་སྤྱོད་པའི་བུ་རིང་པོས་འཕགས་སྐྱེས་པོ་རྒྱལ་སྲིད་ལ་བཞག་སྟེ། དེ་ནས་བདག་ཅག་ལྷའི་གན་དུ་མཆིས་མོད། བདག་ཅག་གཞན་གར་མཆི། རྒྱལ་པོས་སྨྲས་པ། ཕྲེང་ལྡན་མ་ཁྱོད་ཀྱིས་ཁྱོའི་རྒྱལ་སྲིད་ཉམས་སུ་མྱོང་ཟིན་གྱིས་སོང་
D6.010.0086b04.01ལ་ད་བུའི་རྒྱལ་སྲིད་ཉམས་སུ་མྱོང་བར་གྱིས་ཤིག་ང་ཡང་དབྱར་ཚུལ་མ་དང་ལྷན་ཅིག་རྒྱལ་པོའི་ཁབ་ཏུ་འགྲོའོ་ཞེས་བྱས་པ་དང་། ཕྲེང་ལྡན་མ་སྙིང་རྗེ་རྗེ་སྐད་དུ་སྨྲེ་སྔགས་འདོན་ཅིང་ངུ་བཞིན་ཕྱིར་ལོག་གོ། །ཀོ་ས་ལའི་རྒྱལ་པོ་གསལ་རྒྱལ་ཡང་དབྱར་ཚུལ་མ་དང་ལྷན་ཅིག་རྒྱལ་པོའི་ཁབ་ཏུ་ཆས་ཏེ་རིམ་
D6.010.0086b05.01གྱིས་རྒྱལ་པོའི་ཁབ་ཏུ་ཕྱིན་ནས་ཕན་ཚུན་འཁྱམ་འཁྱམ་པ་ལས་མ་སྐྱེས་དགྲའི་སྐྱེད་མོས་ཚལ་དུ་འདུག་སྟེ། དེས་དབྱར་ཚུལ་མ་ལ་སྨྲས་པ། དབྱར་ཚུལ་མ་སོང་ལ་རྒྱལ་པོ་མ་སྐྱེས་དགྲ་ལ་ཀོ་ས་ལའི་རྒྱལ་པོ་གསལ་རྒྱལ་སྐྱེད་མོས་ཚལ་ན་འདུག་གོ་ཞེས་གྱིས་ཤིག །དེས་རྒྱལ་པོ་མ་སྐྱེས་དགྲ་ལ་སྨྲས་
D6.010.0086b06.01པ། ལྷ་ཀོ་ས་ལའི་རྒྱལ་པོ་གསལ་རྒྱལ་ཁྱོད་ཀྱི་སྐྱེད་མོས་ཚལ་ན་བཞུགས་ཏེ། ལྷ་གཟིགས་པར་བཞེད་དོ། །དེས་ཐོས་ནས་བསྔངས་ཏེ་སྨྲས་པ། ཤེས་ལྡན་དག་རྒྱལ་པོ་དེ་དམག་མང་པོ་ཅན་ཡིན་ཏེ། གློ་བུར་ཁོ་ནར་འོངས་ན་ཁྱེད་སུས་ཀྱང་མ་ཚོར་རམ། དབྱར་ཚུལ་མས་སྨྲས་པ། ལྷ་དེ་ལ་དམག་
D6.010.0086b07.01