完整藏文原文 · 德格版页 当前仅加载第 10 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
སྡེ་རྣམས་ཀྱི་ཀུན་ཏུ་སྤྱོད་པ་ནི་དྲུག་སྡེ་གང་ཡང་རུང་བ་ཞིག་གིས་རྒྱལ་བྱེད་ཀྱི་ཚལ་གྱི་སྒོ་མི་སྟོང་པ་ཡིན་པས་ཚེ་དང་ལྡན་པ་ཉེ་དགའ་སྒོ་ན་འདུག་གོ། །དེས་དེ་སྔ་ན་ངོ་ཤེས་པས་དེས་དེ་ལ་འོངས་པ་ལེགས་སོ་ཞེས་བྱ་བ་ཀུན་ཏུ་སྤྱད་ནས་ཆེན་པོ་ཁྱོད་ཟླ་བ་ལྟ་བུར་གནས་ན་རིང་མོ་
D6.010.0218a01.01ཞིག་ལོན་ཏེ་ག་ལས་འོངས་ཞེས་བྱས་པ་དང་། དེས་སྨྲས་པ། འཕགས་པ་ཡང་དང་ཡང་མཐོང་བས་ནི་བརྙས་པར་འགྱུར་གྱི་ཡུན་རིང་ཞིག་ལོན་ཏེ་མཐོང་བ་ནི་ལེགས་པ་ཡིན་ནོ། །ཆེན་པོ་དགོས་པ་ཅི་ཞིག་ལ་འོངས། འཕགས་པ་རྒྱལ་པོ་ནི་མགུ་དཀའ་བས་ལྷའི་ཐུགས་མཉེས་པར་
D6.010.0218a02.01བྱ་མི་ནུས་ཏེ་རབ་ཏུ་འབྱུང་ངོ་། །ཆེན་པོ་ཁྱོད་ཀྱི་སེམས་བསྐྱེད་པ་ནི་བཟང་སྟེ་ལེགས་སོ། །རབ་ཏུ་འབྱུང་བ་ནི་མཆོག་ཡིན་ཏེ། བཅོམ་ལྡན་འདས་ཀྱིས་ཀྱང་ཕན་ཡོན་རྣམ་པ་ལྔ་མཐོང་བ་ཞེས་བྱ་བ་ནས། སངས་རྒྱས་རྣམས་དང་། སངས་རྒྱས་ཀྱི་ཉན་ཐོས་དམ་པ་ཡང་དག་པར་
D6.010.0218a03.01ཞུགས་པ་སྐྱེས་བུ་དམ་པ་རྣམས་ཀྱིས་རབ་ཏུ་བྱུང་བ་རྣམ་གྲངས་དུ་མར་བསྔགས་པ་ཞེས་བྱ་བའི་བར་སྔ་མ་བཞིན་ནོ། །ལེགས་ཀྱིས་རབ་ཏུ་བྱུང་ཞིག་ཅེས་དེ་རབ་ཏུ་བྱུང་ནས་བསྙེན་པར་རྫོགས་པར་བྱས་སོ། །རྒྱལ་པོས་བློན་པོ་དག་ལ་བཀའ་སྩལ་པ། ཤེས་ལྡན་དག་ཆེན་
D6.010.0218a04.01པོ་མི་སྣང་ན་མི་ན་གྲང་། དེ་དག་གིས་སྨྲས་པ། ལྷ་དེ་བྲོ་འཚལ་བ་ནི་མ་མཆིས་མོད་ཀྱི་ལྷས་ཅི་ཞིག་བཀའ་སྩལ་ན་རྒྱལ་བྱེད་ཀྱི་ཚལ་དུ་མཆིས་ནས་རབ་ཏུ་བྱུང་ལགས། སུས་རབ་ཏུ་ཕྱུང་། འཕགས་པ་ཉེ་{དགའས་,དགས་}སོ། །རྒྱལ་པོས་དེ་ཐོས་ནས་ཁྲོས་ཏེ། དེས་དེ་ལ་ཕོ་ཉ་བཏང་
D6.010.0218a05.01ནས་འཕགས་པ་དག་གིས་སྤྱོས་པ་ཁྱོད་ཀྱིས་རབ་ཏུ་དབྱུང་ངམ། ཁྱོད་ཀྱིས་ཆེན་པོ་རབ་ཏུ་ཕྱུང་ན་ང་བདག་དང་འཕགས་སྐྱེས་པོ་དང་། ཕྲེང་ལྡན་མ་དང་། དབྱར་བྱེད་མ་དག་ཀྱང་རབ་ཏུ་ཕྱུང་ལ་ཁྱེད་རང་རྒྱལ་སྲིད་གྱིས་ཤིག །དེས་ཀྱང་དེ་ལ་ལན་སྤྲིང་བ། ལྷ་ཀྱེ་ཚུར་ཤོག །ཁྱོད་
D6.010.0218a06.01དང་། འཕགས་སྐྱེས་པོ་དང་། ཕྲེང་ལྡན་མ་དང་། དབྱར་བྱེད་མ་རབ་ཏུ་ཕྱུང་ལ་ང་ཉིད་རྒྱལ་སྲིད་བྱེད་དོ། །འདི་ལྟར་ངས་ཁྱོད་ཀྱི་ཆེན་པོའམ་གཞན་ཡང་རུང་བ་བསླུས་ཏེ་རབ་ཏུ་ཕྱུང་ངམ་ཅི། ངེད་ནི་གང་ཞིག་རྒྱལ་བྱེད་ཀྱི་ཚལ་དུ་འོངས་ནས་ངེད་ལ་གསོལ་བ་འདེབས་པ་དེ་རབ་ཏུ་འབྱིན་ཏོ། །རྒྱལ་
D6.010.0218a07.01