完整藏文原文 · 德格版页 当前仅加载第 10 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་དུ་མ་གྱུར་ཅིང་མ་དུལ་ནས་བཅོམ་ལྡན་འདས་ཀྱིས་བཀའ་སྩལ་པ། ཐུལ་གཞུག་པར་བྱའོ། །བཅོམ་ལྡན་འདས་ཀྱིས་ཐུལ་གཞུག་པར་བྱའོ་ཞེས་བཀའ་སྩལ་ན། དེ་དག་གིས་ཇི་ལྟར་ཐུལ་གཞུག་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཐུལ་
D6.010.0170a01.01གཞུག་པ་ནི་ལྔ་སྟེ། མི་སྨྲ་བ་དང་མི་གདམས་པ་དང་ལོངས་མི་སྤྱོད་པ་དང་། དགེ་བའི་ཕྱོགས་རྒྱུན་གཅད་པ་དང་གནས་དགག་པའོ། །དེ་ལ་མི་སྨྲ་བ་ནི་སྨྲ་བར་མི་བྱ་བ་དང་། ཀུན་དུ་སྨྲ་བར་མི་བྱའོ། །མི་གདམས་པ་ནི་གདམས་པར་མི་བྱ་བ་དང་རྗེས་སུ་བསྟན་པར་མི་བྱའོ། །ལོངས་མི་སྤྱད་པ་
D6.010.0170a02.01ནི་དེ་དག་ལས་རིམ་གྲོ་བདག་གིར་མི་བྱ་བ་དང་། ཟང་ཟིང་གི་ལོངས་སྤྱད་མི་བྱ་བ་དང་ཆོས་ཀྱི་ལོངས་སྤྱོད་ཀྱང་མི་བྱ་བའོ། །དགེ་བའི་ཕྱོགས་རྒྱུན་གཅད་པ་ནི་དེ་དག་གིས་དགེ་བའི་ཕྱོགས་གང་བརྩམས་པ་དེ་རྒྱུན་གཅད་པར་བྱ་བའོ། །གནས་དགག་པ་ནི་དེ་དག་གནས་འཆར་མི་
D6.010.0170a03.01གཞུག་པའོ། །བཅོམ་ལྡན་འདས་ཀྱིས་ཐུལ་གཞུག་པར་བྱའོ་ཞེས་བཀའ་སྩལ་པ་དང་། དགེ་སློང་དག་ཁྱད་པར་མེད་པར་ཐུལ་འཇུག་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་དང་ལྡན་པའི་ལྷན་ཅིག་གནས་པའམ། ཉེ་གནས་ཐུལ་གཞུག་པར་བྱ་སྟེ། ལྔ་
D6.010.0170a04.01གང་ཞེ་ན། མ་དད་པ་དང་། ལེ་ལོ་ཅན་དང་བཀའ་བློ་མི་བདེ་བ་དང་མ་གུས་པ་དང་སྡིག་པའི་གྲོགས་པོ་ཅན་ནོ། །དགེ་སློང་དག་གང་ཞིག་ཆོས་ལྔ་ཅར་དང་ལྡན་པ་དེ་ཁོ་ན་ཐུལ་འཇུག་པར་བྱེད་ཀྱི། གང་ཞིག་དེ་དག་ལས་གང་ཡང་རུང་བ་ཞིག་དང་ལྡན་པ་དེ་ནི་ཐུལ་འཇུག་པར་མི་བྱེད་ནས།
D6.010.0170a05.01བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་པོ་འདི་དག་ལས་གང་ཡང་རུང་བ་ཞིག་དང་ལྡན་ན་དེ་ཡང་ཐུལ་གཞུག་པར་བྱའོ། །དེ་ཐུལ་བཅུག་པ་དང་གཞན་སྡུད་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། མཁན་པོ་དང་སློབ་དཔོན་དག་གིས་ཐུལ་བཅུག་པ་བསྡུ་བར་མི་བྱ་སྟེ།
D6.010.0170a06.01བྱེད་ན་དབྱེན་དང་ཉེ་བའི་ཉེས་པ་སྦོམ་པོར་འགྱུར་རོ། །བཅོམ་ལྡན་འདས་ཀྱིས་ལྷན་ཅིག་གནས་པའམ། ཉེ་གནས་ཐུལ་བཅུག་པ་སུས་ཀྱང་བསྡུ་བར་མི་བྱ་སྟེ། བྱེད་ན་དབྱེན་དང་ཉེ་བའི་ཉེས་པ་སྦོམ་པོར་འགྱུར་རོ་ཞེས་བཀའ་སྩལ་པ་དང་སུས་ཀྱང་མ་བསྡུས་པས་དེ་དག་ཤིན་ཏུ་མ་གུས་པར་གྱུར་ཏེ་
D6.010.0170a07.01