完整藏文原文 · 德格版页 当前仅加载第 10 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲོམ་གྱི་དཔའ་བོ་འདི་ནི་ཆོ་ག་མེད་པ་ཞིག་སྟེ། བདག་གིས་ངོས་གང་ནས་འཐུངས་པའི་ངོས་དེ་ཉིད་ནས་འདིས་ཀྱང་འཐུངས་པས་འདི་དང་འཇིག་རྟེན་གྱི་ལུགས་ཡུན་རིང་དུ་མི་འཆོར་བར་མཛའ་བོ་བྱའོ་སྙམ་ནས། དེས་ཆུང་མ་ལ་སྨྲས་པ། བཟང་མོ་ཁྲོམ་གྱི་
D6.010.0292a01.01དཔའ་བོ་འདི་ངའི་སྙིང་གི་གྲོགས་པོ་ཡིན་གྱིས་འདི་ཁྱིམ་དུ་ཁྲིད་དེ་སོང་ལ། དྲིལ་ཕྱི་དང་ཁྲུས་གྱིས་ཏེ་ཟན་བྱིན་ལ་རྟ་ཡང་རྩྭ་དང་ཆས་བྱིན་ཅིག །དེས་དེ་ཁྱིམ་དུ་ཁྲིད་ནས་དྲིལ་ཕྱི་དང་ཁྲུས་བྱས་ཏེ་ཟན་བྱིན་ནས་རྟ་ཡང་རྩྭ་དང་ཆས་བྱིན་ནོ། །རྒྱལ་པོ་པད་མའི་སྙིང་པོ་ཅན་ལ་རི་
D6.010.0292a02.01བྲགས་པ་སྐྱ་བསེང་ཞེས་བྱ་བ་དག་གིས་བསྡོས་ནས་དེ་དག་རི་བྲགས་ཀྱི་ལུང་པ་ནས་བརླུགས་ཏེ་རྒྱལ་པོ་པད་མའི་སྙིང་པོ་ཅན་གྱི་ཡུལ་གཞོམ་པར་བརྩམས་པ་དང་། བློན་པོ་རྣམས་ཀྱིས་རྒྱལ་པོ་པད་མའི་སྙིང་པོ་ཅན་ལ་ལྷ་རི་བྲགས་པ་སྐྱ་བསེང་དག་གིས་ལྷའི་ཡུལ་གཞོམ་པར་
D6.010.0292a03.01བགྱིས་ཀྱིས་ཇི་ལྟར་བགྱི་བ་དགོངས་སུ་གསོལ་ཞེས་ཡི་གེ་སྤྲིང་སྟེ། ཡི་གེའི་ནང་དུ་ཡང་ཚིགས་སུ་བཅད་པ། གཞན་གྱིས་ཡུལ་ནི་གཞོམ་པའི་ཕྱིར། །ཇི་ལྟར་ནན་ཏན་མཛད་པ་ལྟར། །རང་གི་ཡུལ་འཁོར་བསྲུང་བ་ཡང་། །དེ་བཞིན་ལྷས་ཀྱང་མཛད་དུ་གསོལ། །ཞེས་བྲིས་སོ། །
D6.010.0292a04.01རྒྱལ་པོ་པད་མའི་སྙིང་པོ་ཅན་གྱིས་ཡི་གེ་བཀླགས་ནས་བསམ་པ། གལ་ཏེ་བདག་དེ་བཞིན་དུ་སོང་ན་འཇིག་རྟེན་དག་རྒྱལ་པོ་པད་མའི་སྙིང་པོ་ཅན་ཕམ་སྟེ། དེའི་ཕྱིར་ལོག་གོ་ཞེས་སེམས་པར་འགྱུར་བས་ཡོང་མཇལ་དུམ་བྱས་ཏེ་འགྲོའོ་སྙམ་ནས་དེས་རྒྱལ་པོ་གཏུམ་པོ་རབ་སྣང་ལ་
D6.010.0292a05.01སྤྲིང་བ། གྲོགས་པོ་སྡུག་པ་གང་ཐལ་ཟིན་པ་དེ་ཐལ་དུ་ཟད། ད་ཕྱིར་བྱུང་ཤིག་དང་ཁྱོད་ལ་ཅུང་ཟད་ཀྱང་མི་བྱེད་ཀྱི་གཞན་དུ་ན་ཕན་ཚུན་མགུལ་ནས་འཇུས་ཏེ་འགྲོ་བར་ཟད་དོ། །བློན་པོ་དག་གིས་སྤྲིང་བ་དེ་ཐོས་ནས་བསམས་པ། གལ་ཏེ་འདི་ན་རྒྱལ་པོ་མེད་དོ་ཞེས་སྤྲིང་
D6.010.0292a06.01ན་གླགས་རྙེད་པར་འགྱུར་གྱིས་ཡེ་གཡོ་ཞིག་བྱའོ་སྙམ་སྟེ་དེ་དག་གིས་དེ་ལ་ཡི་གེ་སྤྲིང་བ། གྲོགས་པོ་སྡུག་པ་གལ་ཏེ་དེ་ལྟ་ཡིན་ཡང་ཁོ་བོ་ཅག་རྒྱལ་པོ་ནི་བྱ་རོག་བཞིན་དུ་དོགས་པ་དང་བཅས་པ་ཡིན་པས་བདག་ནི་ཕྱིར་མི་འབྱུང་ངོ་། །ཁྱོད་ཀྱི་མཛའ་བོའི་བུ་རྒྱལ་པོའི་གཞོན་ནུ་བ་ལང་སྐྱོང་
D6.010.0292a07.01