完整藏文原文 · 德格版页 当前仅加载第 10 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
བློན་པོ་རྣམས་ལ་བསྒོ་བ། ཤེས་ལྡན་དག་དྲང་སྲོང་མི་དཀར་བ་རྐང་གིས་གྲོང་ཁྱེར་ནས་འབྱུང་གིས། གྲོང་ཁྱེར་དང་ལམ་མཛེས་པར་བྱེད་དུ་ཆུག་ལ་དྲིལ་སྒྲོགས་ཏེ་འདི་སྐད་དུ་སེར་སྐྱའི་གཞི་ན་གནས་པའི་སྐྱེ་བོའི་ཚོགས་དང་ཡུལ་སྣ་ཚོགས་ནས་ལྷགས་པ་
D6.010.0269a01.01གཞན་གྱིས་ཀྱང་དྲང་སྲོང་མི་དཀར་བ་གྲོང་ཁྱེར་ནས་འབྱུང་བ་སུ་ཞིག་ཅེས་སྒོ་ཤིག །ལྷ་དེ་ལྟར་འཚལ་ལོ་ཞེས་བློན་པོ་རྣམས་ཀྱིས་སེར་སྐྱའི་གཞིའི་གྲོང་ཁྱེར་རྡོ་དང་། གསེག་མ་དང་། གྱོ་མོ་མེད་པར་བྱས། ཙན་དན་གྱི་ཆུས་ཆག་ཆག་བཏབ་དྲི་ཞིམ་པོའི་པོག་ཕོར་བཞག །
D6.010.0269a02.01དར་གྱི་ལྡ་ལྡི་མང་པོ་བྲེས། རྒྱལ་མཚན་དང་བ་དན་བསྒྲེང་། མེ་ཏོག་སྣ་ཚོགས་བཀྲམ་ལྷ་རྣམས་ཀྱི་སྐྱེད་མོས་ཚལ་དགའ་བའི་ཚལ་བས་ཀྱང་ལྷག་པར་དགའ་དགའ་ལྟར་གྲོང་ཁྱེར་མཛེས་པ་དང་། ལམ་མཛེས་པར་བྱས་ནས་དྲིལ་བསྒྲགས་ཏེ། འདི་སྐད་ཅེས་ཤེས་ལྡན་གྲོང་
D6.010.0269a03.01ཁྱེར་ན་གནས་པ་རྣམས་དང་། ཕོ་བྲང་འཁོར་བ་རྣམས་དང་། ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་ཉོན་ཅིག །ལྷས་འདི་སྐད་ཅེས་དྲང་སྲོང་མི་དཀར་བ་སང་རྐང་གིས་སེར་སྐྱའི་གཞིའི་གྲོང་ཁྱེར་ནས་འབྱུང་གིས་དེའི་ཕྱིར་ཁྱེད་ཐམས་ཅད་ཀྱིས་དེ་སུ་ཞིག་ཅེས་བཀའ་སྩལ་
D6.010.0269a04.01ཏོ། །ཇི་ཙམ་ནམ་ནངས་པ་དང་། དྲང་སྲོང་མི་དཀར་བ་མིའི་མཆོག་སྟོང་ཕྲག་དུ་མས་བཀུར་སྟི་ཆེན་པོས་བསྐྱལ་ནས་རྐང་གིས་སེར་སྐྱའི་གཞིའི་གྲོང་ཁྱེར་ནས་བྱུང་ངོ་། །དེས་རི་ཀི་སྐིན་དར་སོང་ནས་ཡང་བསམ་གཏན་དག་ཀྱང་བསྐྱེད། རྫུ་འཕྲུལ་ཡང་བསྒྲུབས་སོ། །དེའི་ཚེ་
D6.010.0269a05.01རྣམ་པར་སྨིན་པའི་ལས་ཡོངས་སུ་ཟད་པས་ནད་ཀྱིས་ཐེབས་ཏེ། རྩ་བ་དང་། སྡོང་བུ་དང་། མེ་ཏོག་དང་། འདབ་མ་དང་། འབྲས་བུའི་སྨན་རྣམས་ཀྱིས་རིམ་གྲོ་བྱས་ཀྱང་ནད་དེ་ཉེ་བར་ཞི་བར་མ་གྱུར་ཏོ། །ན་ལ་དས་དེའི་ལུས་ཀྱི་གནས་སྐབས་ཤེས་ནས་རྐང་པ་ལ་ཕྱག་འཚལ་ཏེ་
D6.010.0269a06.01སྨྲས་པ། མཁན་པོ་གང་ཅུང་ཟད་རབ་ཏུ་འབྱུང་བ་དེ་ཐམས་ཅད་ནི་བདུད་རྩི་དོན་དུ་གཉེར་བ་བདུད་རྩི་ཚོལ་བ་ལགས་ཏེ། དེའི་སླད་དུ་གལ་ཏེ་ཁྱོད་ཀྱིས་བདུད་རྩི་བརྙེས་ན། བདག་ལ་ཡང་བདུད་རྩིའི་བགོ་བཤའ་མཛད་དུ་གསོལ། དེས་སྨྲས་པ། བུ་ང་ཡང་གང་ཅུང་ཟད་རབ་ཏུ་བྱུང་བ་
D6.010.0269a07.01