完整藏文原文 · 德格版页 当前仅加载第 10 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
གནད་དུ་ཕོག་པ་དང་། མི་འཆོར་བར་ཕོག་པ་དང་། ཚབས་ཆེན་པོ་དེ་དག་ལ་མཁས་པར་གྱུར་ཏེ་གནས་ལྔ་ལ་ཡང་བྱང་བར་གྱུར་ཏོ། །གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་གཞོན་ནུའི་རོལ་པ་ལ་རོལ་པའི་ཚེ་གཞོན་ནུ་རབ་སྣང་ཡང་གཞོན་ནུའི་རྩེ་བ་
D6.010.0270a01.01ལ་རྩེའོ། །གང་གི་ཚེ་བྱང་ཆུབ་སེམས་དཔའ་རྒྱལ་ཚབ་ཏུ་དབང་བསྐུར་བ་དེའི་ཚེ་གཞོན་ནུ་རབ་སྣང་ཡང་རྒྱལ་ཚབ་ཏུ་དབང་བསྐུར་ཏོ། །གང་གི་ཚེ་བྱང་ཆུབ་སེམས་དཔའ་རྒན་པོ་དང་ནད་པ་དང་ཤི་བ་གཟིགས་ནས་སྐྱོ་སྟེ་ས་འཚོ་མ་དང་། {རི་དགས་,རི་དྭགས་}སྐྱེས་དང་། གྲགས་འཛིན་མ་ལ་སོགས་
D6.010.0270a02.01པ་བུད་མེད་དྲུག་ཁྲི་སྤངས་ནས་ནམ་གྱི་གུང་ལ་དཀའ་ཐུབ་ཀྱི་ནགས་སུ་གནས་ཏེ། གོང་མ་དང་འོག་མའི་རྣམ་པ་ལས་གྲོལ་བའི་དྲང་སྲོང་རྣམས་ཀྱི་ཐད་ནས་འདོད་པའི་ཁམས་ལས་འདོད་ཆགས་དང་བྲལ་བ་དང་། གཟུགས་ཀྱི་ཁམས་ལས་འདོད་ཆགས་དང་བྲལ་བ་དང་། རངས་བྱེད་ཀྱི་བུ་
D6.010.0270a03.01ལྷག་སྤྱོད་ཀྱི་ཐད་ནས་གཟུགས་མེད་པའི་ཁམས་ཅི་ཡང་མེད་པའི་སྐྱེ་མཆེད་ཀྱི་བར་ལས་འདོད་ཆགས་དང་བྲལ་བར་བྱས་ཏེ་ལུང་འབོགས་པ་མེད་པའི་ཕྱིར་དཀའ་བ་སྤྱད་པ་རུང་ངོ་སྙམ་ནས་ལོ་དྲུག་ཏུ་དཀའ་བ་སྤྱད་ན་ཁྱད་པར་རྟོགས་པ་ཐོབ་པར་མ་གྱུར་ཏེ། དབུགས་ཀྱང་ཅི་བདེར་བརྔུབས་ཤིང་ཅི་
D6.010.0270a04.01བདེར་ཕྱུང་། ཞལ་ཟས་རགས་པ་འབྲས་ཅན་དང་ཟན་དྲོན་ཀྱང་གསོལ། མར་དཀར་དང་། ཏིལ་མར་གྱིས་ཀྱང་སྐུ་བྱུགས། ཆུ་གྲང་དྲོ་རན་པས་ཀྱང་སྐུ་ཁྲུས་མཛད་ནས་སྡེ་གྲོང་ཞེས་བྱ་བའི་གྲོང་དུ་གཤེགས་ནས་བུ་མོ་དགའ་མོ་དང་དགའ་སྟོབས་ལས་འོ་ཐུག་སྦྲང་རྩི་ཅན་ལན་བཅུ་
D6.010.0270a05.01དྲུག་ཏུ་ཉིང་ཁུར་བྱས་པ་བཞེས་ཏེ་གསོལ་ནས། ཀླུའི་རྒྱལ་པོ་ནག་པོས་བསྟོད་ཅིང་རྩྭ་འཚོང་བཀྲ་ཤིས་ལས་རྩྭ་དག་བཞེས་ནས་བྱང་ཆུབ་ཀྱི་ཤིང་དྲུང་ག་ལ་བ་དེར་གཤེགས་ཏེ་བྱོན་ནས། ཉིད་ཀྱིས་རྩྭ་མ་འཁྲུགས་མ་འཛིངས་པར་བཏིང་སྟེ་བཞུགས་ནས་སྐྱིལ་མོ་ཀྲུང་བཅས་ཏེ་སྐུ་དྲང་པོར་
D6.010.0270a06.01བསྲང་དགོངས་པ་མངོན་སུམ་དུ་བཞག་ནས་ཇི་སྲིད་ཟག་པ་ཟད་པ་མ་ཐོབ་པ་དེ་སྲིད་ཀྱི་བར་དུ་སྐྱིལ་མོ་ཀྲུང་མི་གཞིག་གོ་སྙམ་དུ་ཐུགས་བསྐྱེད་ཅིང་ཚིག་ཏུ་ཡང་གསུངས་ཏེ། དེས་ཇི་སྲིད་དུ་ཟག་པ་ཟད་པ་མ་བརྙེས་པ། དེ་སྲིད་དུ་སྐྱིལ་མོ་ཀྲུང་མ་བཤིག་གོ། །གང་གི་ཚེ་བཅོམ་
D6.010.0270a07.01