完整藏文原文 · 德格版页 当前仅加载第 10 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
གི་སུག་ལས་ལགས་སོ། །བལྟས་ཞོག་ཤིག །འཕགས་པ་ཇི་ལྟར་གཞག་པར་བགྱི། ཆེན་པོར་རོ། །དེས་གཙུག་པུད་ཆེན་པོར་བཞག་པ་དང་། ཉེ་{དགའས་,དགས་}སྨྲས་པ། ཕྱོགས་གཅིག་བྲེགས་ཤིག །དེས་ཕྱོགས་གཅིག་བྲེགས་པ་དང་། དེས་སྨྲས་པ། གཉིས་པ་དང་།
D6.010.0034a01.01གསུམ་པ་ཞེས་བྱ་བ་ནས་ཕྱོགས་བདུན་པའི་བར་བྲེགས་ཤིག་ཅེས་ཟེར་ནས། དེས་ཕྱོགས་བདུན་པའི་བར་དུ་བྲེགས་པ་དང་། ཉེ་{དགའས་,དགས་}སྨྲས་པ། བཀྲེན་པ་ཁྱོད་ཀོ་ཅི་ཡང་མི་ཤེས་པ་ཞིག་གིས་སྔ་མ་ཁོ་ན་བཞིན་དུ་བྱོས་ཏེ་སོང་ཤིག་ཅེས་བྱ་བ་ལ་སོགས་པ་སྔ་མ་ཇི་ལྟ་བ་བཞིན་ནོ། །བཅོམ་ལྡན་འདས་
D6.010.0034a02.01ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་གཙུག་པུད་གཞག་པར་མི་བྱའོ། །འཇོག་པར་བྱེད་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །ཚེ་དང་ལྡན་པ་བ་ལང་གནས་ཀཽ་ཤཱམ་བཱི་ན་རི་ཆུས་བསྐོར་ལ་བད་སའི་རྒྱལ་པོ་འཆར་བྱེད་ཀྱི་སྐྱེད་མོས་ཚལ་གྱི་ཕག་མོའི་ཕུག་ན་
D6.010.0034a03.01འདུག་གོ། །དེ་ནས་དུས་གཞན་ཞིག་ན། གང་གི་ཚེ་དཔྱིད་ཀྱི་དུས་ལ་བབ་པ་དེའི་ཚེ་ཤིང་ལྗོན་པ་དག་མེ་ཏོག་རྒྱས་ཤིང་ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་དང་། ཁུ་བྱུག་དང་། ཤང་ཤང་ཏེའུ་དག་ཚལ་གྱི་ནང་ན་སྒྲ་འབྱིན་པར་བྱེད་པ་ན། བད་སའི་རྒྱལ་པོ་འཆར་བྱེད་
D6.010.0034a04.01ཀྱིས་སྐྱེད་མོས་ཚལ་སྲུང་བའི་མི་བོས་ཏེ། སྨྲས་པ། ཀྭའི་མི་ཁྱོད་ཚུར་ཤོག །ང་སྐྱེད་མོས་ཚལ་དུ་འགྲོས། རི་ཆུས་བསྐོར་གྱི་ཉེན་ཀོར་གྱི་རྡོ་བ་དང་། གསེག་མ་དང་། གྱོ་མོ་ཐམས་ཅད་སོལ་ལ། ཆུ་ར་དག་ཀྱང་ཞོག་སྟེ། ཚལ་རྟོགས་ལ། ལ་གཅན་པ་དག་ཀྱང་སྐོས་ཤིག །སྐྱེད་
D6.010.0034a05.01མོས་ཚལ་སྲུང་བའི་མིས་ལྷ་བཀའ་བཞིན་འཚལ་ཞེས་བད་སའི་རྒྱལ་པོ་འཆར་བྱེད་ཀྱི་ཚིག་མཉན་ནས། རི་ཆུས་བསྐོར་གྱི་ཉེན་ཀོར་གྱི་རྡོ་བ་དང་། གསེག་མ་དང་། གྱོ་མོ་ཐམས་ཅད་བསལ་ནས། ཆུ་ར་དག་ཀྱང་བཞག་སྟེ། ཚལ་བརྟགས་ཤིང་ལ་གཅན་པ་དག་ཀྱང་བསྐོས་ནས་བད་སའི་རྒྱལ་པོ་
D6.010.0034a06.01འཆར་བྱེད་ག་ལ་བ་དེར་སོང་སྟེ། ཕྱིན་ནས་བད་སའི་རྒྱལ་པོ་འཆར་བྱེད་ལ་འདི་སྐད་ཅེས་སྨྲས་སོ། །ལྷ་འདི་ལྟར་མཁྱེན་པར་མཛད་དུ་གསོལ། །རི་ཆུས་བསྐོར་གྱི་གོར་མ་དང་། གསེག་མ་དང་། གྱོ་མོ་ཐམས་ཅད་བསལ་ཅིང་ཆུ་ར་དག་ཀྱང་བཞག་སྟེ། ཚལ་ཀྱང་བརྟགས། ལ་གཅན་པ་
D6.010.0034a07.01