完整藏文原文 · 德格版页 当前仅加载第 10 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཁོ་ར་ཁོར་ཡུག་གོ། །བཙུན་པ་ཆབ་མ་བཙགས་ཤིང་མ་བརྟགས་པ་འཚལ་དུ་གནང་ངམ། ཉེ་བ་འཁོར་མི་གནང་ངོ་། །བཙུན་པ་ཆབ་མ་བཙགས་ཤིང་བརྟགས་པ་འཚལ་དུ་གནང་ངམ། ཉེ་བ་འཁོར་མིག་གིས་དག་གོ་ཞེས་བྱ་སྟེ་གནང་ངོ་། །བཙུན་པ་ཆབ་བཙགས་ཤིང་
D6.010.0052b01.01བརྟགས་པ་འཚལ་དུ་གནང་ངམ། ཉེ་བ་འཁོར་གནང་ངོ་། །འོན་ཀྱང་ཆུ་རུང་བ་ནི་ལྔ་སྟེ། དགེ་འདུན་གྱིས་རུང་བ་དང་། གང་ཟག་གིས་རུང་བ་དང་། ཆུ་ཚགས་ཀྱིས་རུང་བ་དང་། ཆུ་མིག་གིས་རུང་བ་དང་། ཁྲོན་པས་རུང་བའོ། །དེ་ལ་དགེ་འདུན་གྱིས་རུང་བ་ནི་གང་དགེ་འདུན་
D6.010.0052b02.01མཐུན་པས་བསྐོས་པའི་དགེ་སློང་གིས་ཆུ་བཙགས་པར་གྱུར་པ་སྟེ། དགེ་འདུན་གྱིས་རུང་བ་དེ་ལ་དགེ་སློང་གིས་ལོངས་སྤྱད་པར་བྱའོ། །གང་ཟག་གིས་རུང་བ་ནི་དགེ་སློང་གང་ཚུལ་ཁྲིམས་མ་ཉམས་པ་དང་། ལྟ་བ་མ་ཉམས་པ་དང་། སྤྱོད་པ་མ་ཉམས་པ་དང་། འཚོ་བ་མ་ཉམས་པས་
D6.010.0052b03.01ཡོངས་སུ་དག་པར་གྱུར་པ་སྟེ། གང་ཟག་གིས་རུང་བ་དེ་ལ་དགེ་སློང་གིས་ལོངས་སྤྱད་པར་བྱའོ། །ཆུ་ཚགས་ཀྱིས་རུང་བ་ནི་ཆུ་ཚགས་གང་ནམ་ཡང་མ་དག་པ་མ་ཡིན་པ་དེས་བཙགས་པ་སྟེ། བཏུང་བར་བྱའོ། །ཆུ་མིག་གིས་རུང་བ་ནི་འབབ་པའོ། །ཁྲོན་པས་རུང་བ་ནི་ཁྲོན་པ་གང་གི་ཆུ་དག་
D6.010.0052b04.01པ་དེ་ལས་ཉི་མ་ནུབ་ཀར་བླངས་ནས་ཇི་སྲིད་ཉི་མ་ཤར་གྱི་བར་དུ་སྟེ། ཁྲོན་པས་རུང་བའི་ཆུ་བཏུང་བར་བྱའོ། །དགེ་སློང་རྣམས་ཧ་ཅང་ཡུན་རིང་དུ་ཆུ་རྟོག་པས་འཁྲུལ་པ་མཐོང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གླང་དྲུག་གི་ཤིང་རྟ་སྨྱིག་མས་བཀང་བ་འཁོར་བ་ཙམ་མམ། ཇི་
D6.010.0052b05.01ཙམ་གྱིས་ཡིད་ཆེས་པ་དེ་ཙམ་དུ་བརྟག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བྲམ་ཟེ་དང་ཁྱིམ་བདག་དད་པ་ཅན་རྣམས་དགེ་སློང་རྣམས་ལ་སྡེར་སྤྱད་དག་འབུལ་བར་བྱེད་པ་ན་དགེ་སློང་རྣམས་མི་ལེན་
D6.010.0052b06.01ཏོ། །དེ་དག་གིས་སྨྲས་པ། འཕགས་པ་དག་གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བར་མ་གྱུར་པ་དེའི་ཚེ་ནི་མུ་སྟེགས་ཅན་དག་ཡོན་གནས་ལགས། ད་ནི་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བས་ཁྱེད་ཡོན་གནས་ལགས་ཏེ། གལ་ཏེ་ཁྱེད་ཀྱིས་མི་བཞེས་ན་ཅི་
D6.010.0052b07.01