完整藏文原文 · 德格版页 当前仅加载第 10 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
རྔུས་ཟུག་པ་བཞིན་དུ་གནོད་ནས་སེམས་བསྐྱེད་པ་བདག་གིས་མི་ཚངས་པར་སྤྱོད་པ་འཁྲིག་པའི་ཆོས་བསྟེན་པས། བདག་སོང་ལ་འབབས་སོ་སྙམ་མོ། །ཡང་བསམས་པ། བདག་གིས་བཅབ་པའི་སེམས་གཅིག་གིས་ཀྱང་མ་བཅབས་པས་རེ་ཞིག་བཅོམ་ལྡན་འདས་ཀྱི་སྤྱན་སྔར་སོང་སྟེ། གལ་
D6.010.0102b01.01ཏེ་སྐལ་བ་ཡོད་པ་ཞིག་ཏུ་གྱུར་ན་ནི་གནས་སོ། །འོན་ཏེ་མེད་ན་ནི་དགའ་མགུར་སྤྱད་པར་བྱའོ་སྙམ་དུ་བསམས་ནས། ལག་པ་གཡས་པས་ནི་ཆོས་གོས་རྣམས་ཁྱེར། ལག་པ་གཡོན་པས་ནི་ཡན་ལག་སྐྱེས་བཀབ་ནས་ངོམ་ཟུང་གནག་ཅིང་མཆི་མ་དང་བཅས་བཞིན་བཅོམ་ལྡན་འདས་ག་ལ་བ་དེར་
D6.010.0102b02.01སོང་ངོ་། །དེའི་ཚེ་བཅོམ་ལྡན་འདས་འཁོར་དགེ་སློང་བརྒྱ་སྟོང་དུ་མའི་གུང་ལ་གདན་བཤམས་པ་ལ་བཞུགས་ཏེ་ཆོས་སྟོན་ཏོ། །བཅོམ་ལྡན་འདས་ཀྱིས་ཚེ་དང་ལྡན་པ་དགའ་བ་ཅན་རྒྱང་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་དགོངས་པ། གལ་ཏེ་དགའ་བ་ཅན་ལ་མ་སྨྲས་ན་གང་
D6.010.0102b03.01ཁྲག་དྲོན་པོར་སྐྱུགས་ནས་དུས་བྱེད་པར་འགྱུར་བའི་གནས་དེ་ཡོད་དོ་སྙམ་དུ་དགོངས་ནས། ཚེ་དང་ལྡན་པ་དགའ་བ་ཅན་ལ་འདི་སྐད་ཅེས་བཀའ་སྩལ་ཏོ། །དགའ་བ་ཅན་འོངས་པ་ལེགས་སོ། །ཁྱོད་ཇི་སྟེ་ངོམ་ཟུང་གནག །དེས་གསོལ་པ། བཙུན་པ་བདག་སྔོན་ནི་དགའ་བ་
D6.010.0102b04.01ཅན་ལགས་ཀྱི་ད་ནི་མི་དགའ་བ་ཅན་ལགས་སོ། །དགའ་བ་ཅན་ཅི་སྟེ་དེ་སྐད་སྨྲ། ཁྱོད་ཀྱིས་ཅི་ཞིག་བྱས། བཙུན་པ་བདག་གིས་བསླབ་པ་མ་ཕུལ་བར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ཏེ། དེ་ནི་བཅབ་པའི་སེམས་གཅིག་གིས་ཀྱང་མ་བཅབས་ལགས་སོ། །དགའ་
D6.010.0102b05.01བ་ཅན་ཁྱོད་ཇི་སྲིད་འཚོའི་བར་དུ་བསླབ་པ་ལ་སློབ་པར་སྤྲོའམ། བཅོམ་ལྡན་འདས་སྤྲོ་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སློང་དགའ་བ་ཅན་གྱིས་སྤྱད་པར་བྱ་བ་མ་ཡིན་པ་སྤྱད་ཀྱང་སེམས་གཅིག་གིས་ཀྱང་མ་བཅབས་པས།
D6.010.0102b06.01འདི་ཕས་ཕམ་པར་མ་གྱུར་གྱི། དགེ་སློང་དགའ་བ་ཅན་དང་གཞན་ཡང་རུང་སྟེ། འདི་ལྟ་བུ་གང་ཡིན་པ་ལ་ཇི་སྲིད་འཚོའི་བར་དུ་བསླབ་པའི་སྡོམ་པ་བྱིན་ཅིག །སྦྱིན་པ་ཡང་འདི་ལྟར་བྱ་སྟེ། གནས་མལ་བཤམས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་བསྒོ་ནས་དགེ་
D6.010.0102b07.01