完整藏文原文 · 德格版页 当前仅加载第 10 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བློན་པོ་དང་། གྲོང་མི་དང་། གཞན་ཡང་སྐྱེ་བོའི་ཚོགས་ཕལ་པོ་ཆེ་དང་བཅས་པས་ཞབས་རིང་བྱས་ཏེ་འབྱོར་པ་མཆོག་གིས་རྒྱལ་པོའི་ཕོ་བྲང་གཉེན་ལྡན་དུ་གཤེགས་སོ། །དེ་ནས་རྒྱལ་པོའི་ནུ་བོ་དེ་དད་པ་སྐྱེས་ནས་ཁྲུས་ཁང་གི་ནང་དུ་གཤེགས་སུ་གསོལ་ཏོ། །
D6.010.0155b01.01ནང་དུ་གཤེགས་ནས་ཁྲུས་མཛད་པར་བརྩམས་པ་དང་། ཇི་ཙམ་ན་སངས་རྒྱས་རྣམ་པར་གཟིགས་ཀྱི་སྐུ་གསེར་གྱི་མདོག་ལྟ་བུ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ཀུན་ནས་བརྒྱན་པ་མཐོང་ངོ་། །མཐོང་ནས་ཀྱང་ཡང་དད་པ་སྐྱེས་ཏེ། ཁྲུས་བྱས་ནས་
D6.010.0155b02.01ཞབས་ལ་གཏུགས་ཏེ་སྨོན་ལམ་བཏབ་པ། གང་བདག་གིས་ཡོན་གནས་ཡང་དག་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་འདིས་བདག་ཀྱང་བདག་ཉིད་ཆེན་པོ་འདིའི་ཇི་ལྟ་བར་ལུས་གསེར་གྱི་མདོག་ལྟ་བུ་དང་། འདིས་གཅུང་པོ་འདོད་པ་རྣམས་ལ་ཤིན་ཏུ་ཆགས་པ་
D6.010.0155b03.01ལས་ནན་གྱིས་ཕྲལ་ཏེ་རབ་ཏུ་ཕྱུང་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཐུག་པའི་གྲུབ་པ་དང་། བདེ་བ་མྱ་ངན་ལས་འདས་པ་ལ་བཞག་པས་ཇི་ལྟ་བར་བདག་ཀྱང་སྟོན་པ་འདི་ལྟ་བུའི་གཅུང་དུ་གྱུར་ཅིང་གལ་ཏེ་བདག་དེ་བཞིན་དུ་འདོད་པ་རྣམས་ལ་ལྷག་པར་
D6.010.0155b04.01ཆགས་པར་གྱུར་ན་ཡང་། བདག་བཅོམ་ལྡན་འདས་དེས་ནན་གྱིས་ཕྲལ་ཏེ་རབ་ཏུ་ཕྱུང་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཐུག་པའི་གྲུབ་པ་དང་བདེ་བ་མྱ་ངན་ལས་འདས་པ་ལ་འཇོག་པར་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས།
D6.010.0155b05.01རྒྱལ་པོ་གཉེན་ལྡན་གྱི་ནུ་བོ་གང་ཡིན་པ་དེ་ནི་རིགས་ཀྱི་བུ་དགའ་བོ་འདི་ཉིད་ཡིན་ཏེ། དེའི་ཚེ་དེའི་དུས་ན་འདིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་ཁྲུས་ཁང་གི་ཁྲུས་ཀྱིས་ཁྲུས་བྱས་ནས། སྨོན་ལམ་བཏབ་པ་གང་ཡིན་པའི་ལས་དེའི་རྣམ་པར་སྨིན་
D6.010.0155b06.01པས་དེ་བཞིན་གཤེགས་པའི་གཅུང་དུ་གྱུར་ཅིང་། འདིའི་ལུས་ཀྱང་གསེར་གྱི་ཁ་དོག་ལྟ་བུར་གྱུར་ལ། ངས་ཀྱང་ནན་གྱིས་ཕྲལ་ཏེ་རབ་ཏུ་ཕྱུང་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཐུག་པའི་གྲུབ་པ་དང་བདེ་བ་མྱ་ངན་ལས་འདས་པ་ལ་བཞག་པ་ཡིན་ནོ། །
D6.010.0155b07.01