完整藏文原文 · 德格版页 当前仅加载第 10 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནུབ་མོ་མེའི་ཁམས་ལ་སྙོམས་པར་ཞུགས་པ་དང་། སྐྱེད་མོས་ཚལ་སྲུང་བའི་མིས་མཐོང་ནས་རབ་ཏུ་བྱུང་བ་འདི་ནི་འདི་ལྟ་བུར་བདག་ཉིད་ཆེན་པོ་བརྟུལ་ཞུགས་གྲུབ་པའོ་ཞེས་ཤིན་ཏུ་ངོ་མཚར་སྐྱེས་པར་གྱུར་ནས་དེ་ཉིད་ཀྱི་མཚན་མོ་ལངས་ཏེ། ཁྱིམ་བདག་ལ་སྨྲས་པ། རྗེ་
D6.010.0156b01.01རབ་ཏུ་དགྱེས་པ་བསྐྱེད་དུ་གསོལ། ཁྱོད་ཀྱི་སྐྱེད་མོས་ཚལ་དུ་རབ་ཏུ་བྱུང་བ་བདག་ཉིད་ཆེན་པོ་བརྟུལ་ཞུགས་གྲུབ་པ་ཞིག་དགོངས་བཏབ་སྟེ། དེས་སྐྱེད་མོས་ཚལ་དེ་ཐམས་ཅད་མཚན་མོ་སྣང་བར་བགྱིས་སོ། །དེས་ཐོས་ནས་རབ་ཏུ་དགའ་བ་སྐྱེས་ཏེ། རིངས་པ་
D6.010.0156b02.01རིངས་པར་སོང་སྟེ་རྐང་པ་ལ་གཏུགས་ནས་སྨྲས་པ། འཕགས་པ་ཁྱོད་ནི་བསོད་སྙོམས་དོན་དུ་གཉེར་པ། བདག་ནི་བསོད་ནམས་དོན་དུ་གཉེར་བ་ལགས་ན་སྐྱེད་མོས་ཚལ་འདི་ཉིད་དུ་བཞུགས་སུ་གསོལ། བདག་གིས་ཁྱོད་ཀྱི་བསོད་སྙོམས་སྦྱར་བར་བགྱིའོ། །
D6.010.0156b03.01དེས་ཁས་བླངས་ནས་དེ་དེར་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་བདེ་བ་ཉམས་སུ་མྱོང་བར་བྱེད་ཅིང་། དུས་ཅུང་ཟད་ཅིག་འདུག་ནས་དེས་བསམས་པ། བདག་གིས་ལུས་རུལ་པ་འདིས་ཐོབ་པར་བྱ་བ་གང་ཡིན་པ་དེ་
D6.010.0156b04.01ནི་ཐོབ་ཟིན་གྱི་མ་ལ་བདག་ཞི་བ་མྱ་ངན་ལས་འདས་པའི་དབྱིངས་སུ་འཇུག་གོ་སྙམ་དུ་རིག་ནས་འབར་བ་དང་། གསལ་བ་དང་། ཆར་འབབ་པ་དང་། གློག་འགྱུ་བའི་ཆོ་འཕྲུལ་དག་བྱས་ཏེ། ཕུང་པོའི་ལྷག་མ་མ་ལུས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་
D6.010.0156b05.01མྱ་ངན་ལས་འདས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཅུ་བཞི་པ། དེ་ནས་ཁྱིམ་བདག་དེས་དྲི་ཐམས་ཅད་ཀྱི་བསྲེག་ཤིང་དག་བཅེར་ནས་བསྲེགས་ཏེ། བསྲེག་ཤིང་དེ་དག་འོ་མས་བསད་དོ། །རུས་པ་དེ་རྣམས་བུམ་པ་སར་པར་བཅུག་
D6.010.0156b06.01སྟེ། རུས་པའི་མཆོད་རྟེན་བྱས་ནས་གདུགས་དང་། རྒྱལ་མཚན་དང་། བ་དན་དག་བཙུགས་སོ། །བཙུགས་ནས་དད་པ་སྐྱེས་ཏེ། དེ་ནས་གུར་གུམ་གྱིས་བསྐུས་ནས་དྲིའི་ལག་རིས་སུམ་བཅུ་བྱས་སོ། །དགེ་སློང་དག་ཇི་སྙམ་དུ་སེམས། ཁྱིམ་བདག་གང་
D6.010.0156b07.01