完整藏文原文 · 德格版页 当前仅加载第 10 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་འཛམ་བུའི་གླིང་དུ་གཤེགས་ན་ཚངས་པ་མཚུངས་པར་སྤྱོད་པ་རྣམས་ལ་བདག་གི་མཆིད་ནས། ངས་ཆོས་ལོག་པར་བསྟན་པས་སྐྱེ་བོའི་ཚོགས་མང་པོ་བསླུས་ཏེ། ང་ལས་ཡང་དག་པར་བླངས་ཤིང་ཀུན་ཏུ་སྤྱད་པ་དེས་ལྕེ་ལ་གཤོལ་
D6.010.0238a01.01ལྔ་བརྒྱས་རྨེད་ཅིང་ཁྱེད་ཀྱིས་ཇི་ལྟ་ཇི་ལྟར་ངའི་མཆོད་རྟེན་ལ་རྗེད་པ་བྱས་པ་དེ་ལྟ་དེ་ལྟར་ང་ལ་སྡུག་བསྔལ་ཆེས་མི་བཟད་པར་གྱུར་གྱིས་ཕྱིན་ཅད་མ་བྱེད་པར་ཐོང་ཤིག་ཅེས་མཆིའོ་ཞེས་གསུངས་ཤིག །ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་དག་གིས་རྫོགས་
D6.010.0238a02.01བྱེད་ལ་ཅང་མི་སྨྲ་བས་ཁས་བླངས་སོ། །ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་མནར་མེད་པ་ནས་མི་སྣང་བར་གྱུར་ཏེ། རྒྱལ་པོའི་ཁབ་ཏུ་དོང་ངོ་། །དེ་གཉིས་རྒྱལ་པོའི་ཁབ་ཏུ་ཕྱིན་པ་དང་། ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་དག་ཅིག་ཕྱིར་བྱུང་ནས་
D6.010.0238a03.01དེ་དག་ཁ་ཅིག་གིས་སྨྲས་པ། ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་བརྡེག་གོ། །ཁ་ཅིག་གིས་སྨྲས་པ། དེ་བཞིན་ཁོ་ནར་བརྡེགས་ན་མ་ལེགས་ཏེ་ཀླན་ཀ་བཙལ་ནས་བརྡེག་པར་བྱའོ། །དེ་དག་གིས་སྨྲས་པ། དེ་བཞིན་དུ་བྱའོ། །ཚེ་དང་ལྡན་པ་ཤཱ་རིའི་བུ་
D6.010.0238a04.01སྔར་སོང་བ་དང་། དེ་དག་གིས་དེ་ལ་སྨྲས་པ། འཕགས་པ་ཤཱ་རིའི་བུ་ཀུན་ཏུ་འཚོ་བ་དག་ལ་དགེ་སྦྱོང་ཡོད་དམ། དེས་ཚིགས་སུ་བཅད་དེ་སྨྲས་པ། ཀུན་ཏུ་འཚོ་ལ་དགེ་སྦྱོང་མེད། །ཤཱཀྱ་རྣམས་ཀྱི་ནང་ན་ཡོད། །དགྲ་བཅོམ་དག་ལ་ཆགས་ལྡན་མེད། །བུས་པ་སོ་
D6.010.0238a05.01སོའི་སྐྱེ་བོའང་མེད། །དེ་དག་གིས་ཚིགས་སུ་བཅད་པ་དེའི་དོན་ཁོང་དུ་མ་ཆུད་ནས་དེ་དག་གིས་སྨྲས་པ། ཤེས་ལྡན་དག་འདི་ནི་བདག་ཅག་གི་བསྔགས་པ་སྨྲས་ཀྱིས་སུ་ཅི་ཡང་མ་སྨྲ་བར་འགྲོར་ཆུག་ཤིག་ཅེས་བྱས་ཏེ་དེ་སོང་ངོ་། །ཚེ་དང་ལྡན་པ་མཽད་གལ་གྱི་བུ་ཕྱི་
D6.010.0238a06.01བཞིན་དུ་འོང་བ་སྔོན་གྱི་ལས་ཀྱི་རྣམ་པར་སྨིན་པ་ཉེ་བར་གནས་པས་དལ་ནས་དལ་ནས་འོང་བ་དེ་དག་གིས་མཐོང་ནས། འཕགས་པ་མཽད་གལ་གྱི་བུ་ཀུན་ཏུ་འཚོ་བ་དག་ལ་དགེ་སྦྱོང་ཡོད་དམ། དེས་སྨྲས་པ། ཤེས་ལྡན་དག་ཀུན་ཏུ་འཚོ་བ་དག་ལ་དགེ་སྦྱོང་ག་ལ་ཡོད་
D6.010.0238a07.01