完整藏文原文 · 德格版页 当前仅加载第 10 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ལས་ཀྱི་གནས་དེ་དག་ལ་མཁས་པས་ཁྲུས་ལ་ཞུགས་པ་དེ་རྣམས་ཀྱི་སྒྲ་ཡིད་དུ་འོང་བ་འདི་ལྟ་སྟེ། སིལ་སྙན་ཡན་ལག་ལྔ་པ་སྐྱེས་བུ་མཁས་པས་ལེགས་པར་དཀྲོལ་བའི་ལྟ་བུ་བྱུང་ངོ་། །སྐྱེ་བོའི་ཚོགས་ཕལ་པོ་ཆེ་ལམ་དེ་ནས་འགྲོ་བས་སྒྲ་དེ་ཐོས་པ་དང་། དེ་
D6.010.0002b01.01རྣམས་རྣ་བྱོ་སྟེ། ཡུད་ཙམ་བསྡད་ནས་སྨྲས་པ། ཤེས་ལྡན་དག་ཡངས་པ་ཅན་གྱི་ལིཙྪ་བཱི་རྣམས་ཀྱི་སྐྱེད་མོས་ཚལ་ན་གར་མཁན་རྣམས་གར་བྱེད་པ་ལྟར་འདོང་ངམ། དེ་ལྟར་བྱའོ་ཞེས་ལྟད་མོ་ལ་ཡིད་འདུན་པ་དེ་དག་མྱུར་བར་ཆས་ཏེ་སྐྱེད་མོས་ཚལ་དུ་དོང་ནས་དེ་དག་ནང་དུ་
D6.010.0002b02.01ཞུགས་པ་དང་། དྲུག་སྡེ་རྣམས་ཀྱང་ཕྱིར་བྱུང་ངོ་། །དེ་དག་གིས་དེ་རྣམས་ལ་སྨྲས་པ། འཕགས་པ་དག་ཕྱོགས་གང་ན་གར་མཁན་རྣམས་གར་བགྱིད། དེ་རྣམས་ཀྱིས་སྨྲས་པ། བཀྲེན་པ་ཁྱོད་ཀྱིས་བྱེ་བྲག་མི་ཕྱེད་དེ། གར་མཁན་གར་བྱེད་པ་ལ་སྒྲ་འདི་ལྟ་བུ་
D6.010.0002b03.01འབྱུང་ངམ། འཕགས་པ་དག་འོ་ན་འདི་སུའི་སྒྲ་ལགས། ཤེས་ལྡན་དག་ཁོ་བོ་ཅག་ལུས་དྲུད་ནས་ཁྲུས་བྱས་པ་ཡིན་ནོ། །འཕགས་པ་དག་ཅི་དགེ་སྦྱོང་ཁྱེད་འདོད་པའི་ཡོན་ཏན་གྱིས་གཟིར་ཏམ། བཀྲེན་པ་ཁྱེད་ཀྱི་མགྲིན་པ་རྡོག་པས་མནན་ལ་དགེ་སྦྱོང་ཁོ་བོ་ཅག་འདོད་
D6.010.0002b04.01པའི་ཡོན་ཏན་གྱིས་གཟིར་ཏོ། །ཁྱེད་ཁོ་བོ་ཅག་གི་རྗེས་སུ་སྟོན་པ་ཡིན་ནམ་ཅི། མ་སྨྲ་བར་དེང་། ཁྱེད་ལ་གནོད་པ་བྱས་ས་རེ་ཞེས་དེ་རྣམས་ཀྱིས་དེ་དག་བསྡིགས་པ་དང་། སྤ་གོང་ནས་དོང་སྟེ། ཡངས་པ་ཅན་དུ་ཞུགས་ནས་ལམ་པོ་ཆེ་དང་། སྲང་དང་། བཞི་མདོ་
D6.010.0002b05.01དང་། སུམ་མདོ་དག་ཏུ་འཕྱ་བར་བརྩམས་སོ། །དགེ་སློང་རྣམས་ཀྱིས་སྐབས་དེ་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་སོ་ཕག་དག་གིས་ལུས་དྲུད་དེ་ཁྲུས་བྱེད་པ་
D6.010.0002b06.01ལས་གྱུར་གྱིས། དེ་ལྟ་བས་ན་དགེ་སློང་གིས་སོ་ཕག་གིས་ལུས་དྲུད་དེ་ཁྲུས་མི་བྱའོ། །འདྲུད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སོ་ཕག་གིས་ལུས་དྲུད་དེ་ཁྲུས་མི་བྱའོ་ཞེས་བཀའ་སྩལ་པ་དང་། དགེ་སློང་དག་རྐང་པ་སེར་ག་
D6.010.0002b07.01