完整藏文原文 · 德格版页 当前仅加载第 10 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཞུགས་ནས་བྱང་དུ་འབྱུང་། །བྱང་ནས་ཞུགས་ནས་ལྷོར་འབྱུང་ངོ་། །འཕགས་སྐྱེས་པོས་སྨྲས་པ། ཤེས་ལྡན་དག་མེས་པོ་དེ་ཆུར་ནུབ་ནས་རིང་ཞིག་ལོན་གྱིས་ལྟོས་ཤིག་བློན་པོ་རྣམས་ཀྱིས་རིངས་པར་ཆུའི་རྫིང་དུ་སོང་ནས་བརྟག་པར་བརྩམ་པ་ལས་དེ་ཙམ་ན་དུས་ལས་
D6.010.0093a01.01འདས་སོ། །དེ་དག་འོངས་ཏེ་ལྷ་དུས་ལས་འདས་སོ་ཞེས་བྱས་པ་དང་། དེ་ཆེ་ཐང་དུ་ཀུན་ནས་དཀྲིས་པས་སྨྲས་པ། ཤེས་ལྡན་དག་སྟན་ཤོམས་ཤིག །ཇི་སྲིད་དུ་ལམ་པོ་ཆེར་ཁྲག་གི་འོད་པ་བབ་པར་མ་གྱུར་པ་དེ་སྲིད་དུ་ཕྱོགས་འདི་ནས་མི་འགྲོའོ། །སྐྱེས་བུ་དཔའ་བོ་རྣམས་
D6.010.0093a02.01བསད་ན་ཁྲག་ཉུང་ངུ་འབྱུང་བ་འདི་ནི་ཆོས་ཉིད་ཡིན་པས་བློན་པོ་རྣམས་ཕན་ཚུན་བགྲོ་བར་བརྩམས་པ། ཤེས་ལྡན་དག་སེམས་ཅན་འདི་ནི་སྡིག་པའི་ལས་བྱེད་པ་དང་། དམ་བཅས་པ་ལ་བརྟན་པ་ཡིན་ན། འདིར་འདི་སྙེད་ཀྱི་ཁྲག་ཅིག་ག་ལས་འབྱུང་། རྒྱ་སྐེགས་དག་ཅིག་ལེན་དུ་གཞུག་གོ་ཞེས་དེ་
D6.010.0093a03.01རྣམས་ཀྱིས་རྒྱ་སྐེགས་བླངས་ནས་རྒྱ་སྐེགས་ཀྱི་ཆུ་བུམ་པ་བརྒྱ་སྟོང་དུ་མ་ལམ་པོ་ཆེར་ཕབ་པ་དང་། འཕགས་སྐྱེས་པོས་བསམས་པ། བདག་གི་དམ་བཅས་པ་རྫོགས་པས་འགྲོའོ་སྙམ་མོ། །དེ་ནས་སྐྱེས་བུ་གཏི་མུག་འཕགས་སྐྱེས་པོས་ཤཱཀྱ་བདུན་ཁྲི་བདུན་སྟོང་བསད་དེ་ཕལ་ཆེར་ནི་བདེན་
D6.010.0093a04.01པ་མཐོང་བ་ཤ་སྟག་གོ །དེས་སེམས་ཅན་དེ་སྙེད་བསད་ནས་གཞོན་ནུ་ལྔ་བརྒྱ་དང་། བུ་མོ་ལྔ་བརྒྱ་ཁྲིད་དེ་གཞན་མུ་སྟེགས་ཅན་ཀུན་དུ་རྒྱུ་རྣམས་ཀྱི་ཀུན་དགའ་ར་བ་ཕག་མོའི་གནས་ཞེས་བྱ་བ་ག་ལ་བ་དེར་སོང་བ་དང་། མ་ལ་གནོད་ཀྱིས་སྨྲས་པ། ལྷ་ཁྱོད་ཀྱིས་དགྲ་ཡོངས་སུ་བསྐྱངས་སོ། །དགྲ་
D6.010.0093a05.01འདི་དག་ཅི་སྟེ་ཡལ་བར་བཞག་སོད་ཅིག །འཕགས་སྐྱེས་པོས་གཤེད་མའི་མི་རྣམས་ལ་གཏད་དེ། འདི་རྣམས་གླང་པོ་ཆེ་དག་གིས་རྫིར་ཆུག་ཤིག་ཅེས་བསྒོའོ། །དེ་རྣམས་ཀྱིས་གླང་པོ་ཆེ་དག་གིས་རྫིར་གཞུག་པར་བརྩམས་པ་དང་། དེ་དག་གིས་གླང་པོ་ཆེ་དེ་དག་གན་རྐྱལ་དུ་མནན་ཏེ་ལག་པ་ནས་ལག་
D6.010.0093a06.01པར་སྦེད་པར་བརྩམས་སོ། །མ་ལ་གནོད་ཀྱིས་སྨྲས་པ། ལྷ་ཁྱོད་ཀྱིས་འདི་དག་གི་ཕ་རོལ་གནོན་པ་གཟིགས་སམ་མཐོང་ངོ་། །ལྷ་འདི་དག་ཡལ་བར་བཞག་ན། ལྷ་ལ་གནོད་པ་བགྱིད་པར་མི་འགྱུར་རམ། མ་ལ་གནོད་དེ་དེ་བཞིན་ཏེ། འདི་དག་ཇི་ལྟར་གསད་པར་བྱ་བ་དྲིས་སྨྲོས་ཤིག །དེས་སྨྲས་
D6.010.0093a07.01