完整藏文原文 · 德格版页 当前仅加载第 10 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན། སྦྱིན་བདག་གི་ཁྱིམ་ཡང་མ་ཡིན་ཏེ། འདི་ལྟར་ཁོ་བོའི་ལྷུང་བཟེད་རྡོལ་ནས་དེ་གློན་དུ་བཅུག་པ་ན་འདི་སྒྱོང་བར་བྱེད་པས་དེའི་ཕྱིར་འདིར་འགྲོའོ། །དེས་སྨྲས་པ། ཚེ་དང་ལྡན་པ་ཁྱོད་ཀྱིས་ལག་བཟོ་བདེན་པར་སྨྲ་བ་དཀོན་ནོ་ཞེས་བྱ་བ་མ་ཐོས་སམ། ཁོ་བོ་ཡང་བཟོ་ཤེས་མོད་ཀྱི་བཅོམ་
D6.010.0031b01.01ལྡན་འདས་ཀྱིས་མ་གནང་ངོ་ཞེས་ཟེར་བའི་སྐབས་དེ་དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་བཟོ་བོ་དག་ཡོད་ན། དེས་དབེན་པའི་ཕྱོགས་སུ་ལྷུང་བཟེད་གླན་པར་རྗེས་སུ་གནང་ངོ་། །དེ་དགེ་
D6.010.0031b02.01སློང་དེའི་གན་དུ་སོང་སྟེ་སྨྲས་པ། ཚེ་དང་ལྡན་པ་བཅོམ་ལྡན་འདས་ཀྱིས་གནང་གིས་ལྷུང་བཟེད་འདི་གློན་ཅིག །དེས་སྨྲས་པ། ཚེ་དང་ལྡན་པ་འདི་ལག་པ་འབའ་ཞིག་གིས་གླན་དུ་མི་རུང་གི་མགར་སྤྱད་དག་ཀྱང་དགོས་སོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་
D6.010.0031b03.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཆེད་དུ་མགར་སྤྱད་ཉེ་བར་གཞག་པར་རྗེས་སུ་གནང་ངོ་། །གླེང་གཞི་ནི་མཉན་ཡོད་ནའོ། །དགེ་སློང་དག་གི་ཆོས་གོས་དྲ་དགོས་པར་གྱུར་པ་དེ་དག་ལག་པ་དག་གིས་འདྲལ་ནས་མ་ལེགས་པར་གྱུར་ནས།
D6.010.0031b04.01བཅོམ་ལྡན་འདས་ཀྱིས་བཀའ་སྩལ་པ། ལག་པས་དྲལ་བར་མི་བྱ་བར་གྲིའུས་དྲ་བར་བྱའོ། །བཅོམ་ལྡན་འདས་ཀྱིས་གྲིའུས་དྲ་བར་བྱའོ་ཞེས་བཀའ་སྩལ་པ་དང་། དགེ་སློང་ཞིག་གི་ཆོས་གོས་དྲ་དགོས་ནས་དེས་ཁྱིམ་བདག་ལས་གྲི་བརྙས་ཏེ་དྲས་ནས། དེས་དེ་ཁྱིམ་བདག་དེ་ལ་སླར་བྱིན་
D6.010.0031b05.01པ་དང་། དེས་སྨྲས་པ། འཕགས་པ་ཁྱོད་ཉིད་ཀྱི་ལགས་སོ། །བཞིན་{བཟངས་,བཟང་}བཅོམ་ལྡན་འདས་ཀྱིས་མ་གནང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་གྲིའུ་བཅང་བར་རྗེས་
D6.010.0031b06.01སུ་གནང་ངོ་། །བཅོམ་ལྡན་འདས་ཀྱིས་གྲིའུ་བཅང་བར་བྱའོ་ཞེས་བཀའ་སྩལ་པ་དང་། དྲུག་སྡེ་དག་གསེར་དང་། དངུལ་དང་། བཻ་ཌཱུརྱ་དང་། ཤེལ་ལས་བྱས་པའི་གྲི་ཡུ་བ་བསྲུབ་པས་སྦྱངས་པ་དག་འཆང་ནས། བྲམ་ཟེ་དང་ཁྱིམ་བདག་དག་གིས་སྨྲས་པ། འཕགས་པ་དག་འདི་ཅི་
D6.010.0031b07.01