完整藏文原文 · 德格版页 当前仅加载第 10 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་གོ། །དེས་མྱུར་བ་མྱུར་བར་མར་མེ་བུས་པ་དང་། རྐུན་པོའི་སྡེ་དཔོན་བུ་མོ་དེ་ལ་མིག་གཏད་དེ་རྟོག་གོ། །བུ་མོ་དེ་མར་མེ་བུས་ནས་ཆུ་ལ་ལྟ་བ་དང་། རྐུན་པོའི་སྡེ་དཔོན་གྱིས་སྨྲས་པ། བུ་མོ་ཅི་ལ་ལྟ། དེས་སྨྲས་པ། ཆུ་ལ་ལྟའོ། །དེས་སྨྲས་པ། དེ་
D6.010.0209a01.01ལ་བལྟར་ཅི་ཡོད། དེས་སྨྲས་པ། འདིར་སྦུར་མའམ་སྐྲ་སོང་དུ་འོང་བས་སོ། །དེས་སྨྲས་པ། བུ་མོ་ཁོ་བོ་ནི་ཁྱེད་ལ་གནོད་པ་བྱ་བའི་ཕྱིར་ཞུགས་པ་ཡིན་པས་ཁོ་བོ་ལ་དུག་བླུད་པར་བྱ་བ་ཡིན་ན་ཁྱོད་ཀོ་དེ་སྐད་སྨྲས་པ་ལྟ་ཞིག །དེས་ཚིགས་སུ་བཅད་དེ་སྨྲས་པ། གཞན་གྱི་ནོར་
D6.010.0209a02.01འཕྲོག་གཡོན་ཅན་གྱིས། །བྱ་བ་གང་དེ་རྐུན་པོ་རྣམས། །བྱེད་དམ་འོན་ཏེ་མིན་ཡང་རུང་། །བདག་གིས་ཆོས་ནི་རྟག་བསྲུང་བྱ། །དེ་ཤིན་ཏུ་དགའ་ནས་སྨྲས་པ། བུ་མོ་ཁྱོད་བདག་གི་སྲིང་མོར་བྱ་ན་ཅི་ཞིག་བྱ་སྨྲོས་ཤིག །དེས་སྨྲས་པ། ཁྱོད་གཞན་གྱི་ནོར་ལ་མངོན་པར་ཆགས་
D6.010.0209a03.01པ་བསྐྱེད་པས་མདས་གནད་དུ་བསྣུན་ནས་དུས་བྱས་པར་གྱུར་ན། བདག་མིང་པོ་དང་བྲལ་བའི་སྡུག་བསྔལ་གྱིས་ཉམ་ཐག་ཅིང་ཆོ་ངེས་འདེབས་ན་དགའ་བར་མི་འགྱུར་བས་རྐུན་པོ་བྱེད་པའི་མིང་པོ་གང་ཡིན་པ་དེ་ལྟ་བུ་ནི་བདག་ལ་མི་དགོས་སོ། །དེ་ལྟ་བས་ན་གལ་ཏེ་ཁྱོད་ཀྱིས་བརྟུལ་
D6.010.0209a04.01ཞུགས་ཀྱི་གཞི་ལྔ་ཡང་དག་པར་ལེན་ནུས་ན་དེ་ལྟ་ན་བདག་གིས་ཁྱོད་ཀྱི་སྲིང་མོ་བྱའོ། །དེས་མི་འདོད་བཞིན་དུ་ཚིག་ཡིད་དུ་འོང་བ་སྙན་པའི་ཚུལ་གྱིས་སྨྲས་པ་དང་། དེས་དེ་སྲིང་མོ་བྱ་བར་ཤིན་ཏུ་དགའ་ཞིང་འདོད་པར་གྱུར་ཏེ། དེས་སྨྲས་པ། སྲིང་མོ་ལེགས་ཏེ་དེ་བཞིན་དུ་བྱའོ། །
D6.010.0209a05.01དེས་དེ་ཆོམ་རྐུན་ལས་བཟློག་སྟེ་བརྟུལ་ཞུགས་ཀྱི་གནས་ལྔ་ལ་བཞག་གོ། །དགེ་སློང་དག་ཇི་སྙམ་དུ་སེམས་དེའི་ཚེ་དེའི་དུས་ཀྱི་རྐུན་པོའི་སྡེ་དཔོན་དེ་ནི་བྲམ་ཟེ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེའི་བུ་མོ་དེ་ནི་དགེ་སློང་ཤཱ་རིའི་བུ་འདི་ཉིད་ཡིན་ཏེ། དེའི་ཚེ་ཡང་འདིས་དེ་རྐུན་
D6.010.0209a06.01པོ་ལས་བཟློག་སྟེ་བསླབ་པའི་གཞི་ལྔ་ལ་བཞག་གོ། །ད་ལྟར་ཡང་འདི་གཙང་སྦྲས་དད་པར་བྱས་ནས་འཁོར་བའི་དགོན་པ་ལས་བསྒྲལ་ཏེ། གྲུབ་པ་དང་བདེ་བ་བླ་ན་མེད་པ་ཤིན་ཏུ་མཐར་ཐུག་པའི་མྱ་ངན་ལས་འདས་པ་ལ་བཞག་པ་ཡིན་ནོ། །དགེ་སློང་དག་དེ་ལྟར་ན་གཙང་སྦྲ་ལ་
D6.010.0209a07.01