完整藏文原文 · 德格版页 当前仅加载第 10 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཟ་བར་གནོད་པ་བྱེད་པར་འགྱུར་བས་གང་ཐལ་དེ་ཐལ་དུ་ཟད། ད་ནི་ནམ་ཡང་དེ་ལ་མི་གུས་པ་མི་བྱའོ་ཞེས་བྱས་པ་དང་། གཞན་དག་གིས་སྨྲས་པ། ལེགས་ཀྱིས་དེ་བཞིན་དུ་བྱའོ་ཞེས་དེ་དག་འཚེར་ཞིང་མི་དགའ་བཞིན་དུ་དེའི་ངག་མི་གཅོག་
D6.010.0295a01.01གོ། །ཡང་རྒྱལ་པོས་གསོས་པ་ལ་ཇི་ལྟ་ཞིང་འདུག་ཅེས་རྨས་པ་དང་། ལྷ་ཅི་འདྲ་ཞིང་མཆིས། ཁྱོད་ཀྱི་ཞང་པོ་དེ་བདག་ལ་ཤིན་ཏུ་ཁྱད་དུ་འགུམས་ལགས་མོད། །རྒྱལ་པོས་སྨྲས་པ། གསོས་པ་དེ་ལྟ་བུ་བྱ་བར་མི་ནུས་མོད་ཀྱི་འོན་ཀྱང་ཐམས་ཅད་ཁྱོད་ཁོ་ན་ལ་
D6.010.0295a02.01རག་ལས་ཀྱིས་ཁྱོད་ཉིད་ཤེས་སོ། །དེས་སྨྲས་པ། ལྷ་གལ་ཏེ་དེ་ལྟ་ན་ཁྱོད་ཀྱིས་བདག་ལ་བཀའ་གྱོད་མི་རྨ་བར་ཅི་གནང་། རྒྱལ་པོས་སྨྲས་པ། ལེགས་ཀྱིས་དེ་བཞིན་དུ་གྱིས་ཤིག །ཇི་ཙམ་དུས་གཞན་ཞིག་ན་གསོས་པ་སྲང་གི་ནང་ནས་སོང་བ་དང་། དེ་ན་ཕ་
D6.010.0295a03.01མ་དང་བྲལ་བའི་བྱིས་པ་གཉིས་ཤིག་ཅི་དགར་རྒྱུ་ཞིང་གནས་པ་གང་ཡང་རུང་བ་ཉིན་པར་གྱི་ཟས་བསྒྲུབས་ནས་ངན་གོང་གིས་རྩེ་ཞིང་འདུག་གོ། །ཇི་ཙམ་ན་བྲན་མོ་ཞིག་ཆུའི་བུམ་པ་ཁྱེར་ནས་ལམ་དེ་ནས་འགྲོ་བ་དང་དེ་ན་ཁྱེའུ་ཅིག་གིས་གྲོགས་པོ་ལྟོས་ཤིག་རི་ལུའི་
D6.010.0295a04.01བུམ་པ་འདི་བརྟོལ་ལོ་ཞེས་སྨྲས་པ་དང་། དེས་སྨྲས་པ། གལ་ཏེ་ཁྱོད་ཀྱིས་རི་ལུ་སྐམ་པོས་བུ་ག་ཕྱུང་ན་དེ་ནི་ངོ་མཚར་མི་ཆེའོ། །ངས་རི་ལུ་གཤེར་བ་འདིས་གླན་པ་གང་ཡིན་པ་འདི་ནི་ངོ་མཚར་ཆེའོ། །དེས་ལེགས་ཀྱིས་དེ་བཞིན་དུ་བྱའོ་ཞེས་སྨྲས་ནས། དེས་
D6.010.0295a05.01དེ་ལ་རི་ལུ་སྐམ་པོས་བརྟོལ་བ་དང་། དེར་གཤེར་བས་གླན་ཏོ། །དེ་ནས་གསོས་པས་དེ་དག་མཐོང་ནས་ཤིན་ཏུ་ངོ་མཚར་སྐྱེས་ཏེ། དེས་བསམས་པ། དེ་གཉིས་ཀྱིས་བསྟངས་ན་དེ་ལ་ཤ་གླན་པར་ནུས་སོ་སྙམ་དུ་རིག་ནས་ཀྭའི་བྱིས་པ་ཁྱེད་གཉིས་སུའི་ཡིན་
D6.010.0295a06.01ཞེས་དྲིས་པ་དང་། དེ་གཉིས་ཀྱིས་སྨྲས་པ། ལྷ་བདག་ཅག་ཕ་མ་དང་བྲལ་ནས་གང་ཡང་རུང་བ་ནས་ཉིན་པར་གྱི་ཟས་ཚོལ་བ་ཞིག་ལགས་སོ། །དེས་སྨྲས་པ། གལ་ཏེ་དེ་ལྟ་ན་ཅི་ངའི་གན་དུ་མི་འདུག་གམ། ལྷ་མཆིས་པར་ནི་བགྱི་ན། འོན་ཀྱང་གསོལ་བ་ཞིག་
D6.010.0295a07.01