完整藏文原文 · 德格版页 当前仅加载第 10 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་མཐིལ་དུ་མཉམ་པ། སྟེའུ་དང་ཙན་དན་དུ་མཚུངས་པ། རིག་པས་མ་རིག་པའི་སྒོ་ངའི་སྦུབས་དྲལ་བ། མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ། སྲིད་པ་དང་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དུ་བཅས་
D6.010.0207b01.01པའི་ལྷ་རྣམས་ཀྱིས་མཆོད་པ་དང་རྗེད་པ་དང་གུས་པར་སྨྲ་བར་བྱ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཚོད་ཟིན་པ་ལ་ཕན་ཡོན་འདི་དང་། གཞན་དག་ཀྱང་ཡོད་དོ། །དགེ་སློང་དག་དེ་ལྟ་བས་ན་ཟས་ཀྱི་རྙེད་པ་
D6.010.0207b02.01ཞིག་བྱུང་ན། འུ་སུའི་ལོ་མ་ཙམ་དུ་ཡང་མཉམ་པར་བྱས་ཏེ་བགོ་བར་བྱའོ། །གོས་ཀྱི་རྙེད་པ་ཞིག་བྱུང་ན་མར་མེའི་སྙིང་པོ་ཙམ་དུ་ཡང་མཉམ་པར་བྱས་ཏེ་བགོ་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་
D6.010.0207b03.01ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་གཙང་སྦྲ་འདོད་པ་ཞིག་རབ་ཏུ་འབྱུང་བར་འདོད་པ་དེས་བསམས་པ། གང་ཞིག་གི་གཙང་སྦྲས་བདག་གི་སེམས་རངས་པ་དེའི་བསྟན་པ་ལ་བདག་རབ་ཏུ་འབྱུང་ངོ་སྙམ་ནས་དེས་མུ་སྟེགས་ཅན་གྱི་གནས་དེ་དག་
D6.010.0207b04.01བྱུལ་ན། དེ་དག་གིས་གཙང་སྦྲས་དེའི་སེམས་མ་རངས་སོ། །དེས་བསམས་པ། བདག་གིས་མུ་སྟེགས་ཅན་ཐམས་ཅད་བགམས་ན་གང་གིས་ཀྱང་བདག་གི་སེམས་མ་རངས་ཀྱིས། ད་ནི་ཤཱཀྱའི་བུའི་དགེ་སྦྱོང་དག་ལུས་པས་སོང་སྟེ་དེ་དག་བགམ་པར་བྱའོ་སྙམ་ནས་དེ་རྒྱལ་
D6.010.0207b05.01བྱེད་ཀྱི་ཚལ་དུ་སོང་བ་དང་། ཇི་ཙམ་ན་ཚེ་དང་ལྡན་པ་ཤཱ་རིའི་བུ་རིལ་བ་ཐོགས་ཏེ་ཕྱི་རོལ་དུ་ཆབ་ཁུང་སར་ཆས་པ་མཐོང་ནས་དེས་བསམས་པ། དགེ་སྦྱོང་གཽ་ཏ་མའི་ཉན་ཐོས་ཀྱི་མཆོག་འདི་ཡིན་པས་རེ་ཞིག་འདི་ཁོ་ན་གཙང་སྦྲ་ཇི་ལྟར་བྱེད་པ་བལྟའོ་སྙམ་མོ། །དེ་དེའི་ཕྱི་བཞིན་
D6.010.0207b06.01འབྲང་ཞིང་སོང་བ་དང་། དགྲ་བཅོམ་པ་རྣམས་ནི་མ་བསམས་པར་ཡེ་ཤེས་མཐོང་བ་མི་འཇུག་པས་ཚེ་དང་ལྡན་པ་ཤཱ་རིའི་བུ་སེམས་པ་ལ་ཞུགས་ཏེ། བྲམ་ཟེ་འདི་ཅིའི་ཕྱིར་བདག་གི་ཕྱི་བཞིན་འབྲང་སྙམ་ན་ཇི་ཙམ་ན་གཙང་སྦྲ་འདོད་པར་མཐོང་ངོ་། །ཡང་བསམ་པ་ལ་ཞུགས་
D6.010.0207b07.01