完整藏文原文 · 德格版页 当前仅加载第 10 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་སོར་བཅུ་གཉིས་ཀྱི་ཚད་དུ་བྱའོ། །དེ་དག་རྣོན་པོར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། རྣོན་པོར་མི་བྱའོ། །རྩུབ་པོར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། རྩུབ་པོར་མི་བྱའོ། །དེ་བབ་བབ་ཏུ་འཇོག་ནས། བཅོམ་ལྡན་འདས་ཀྱིས་བཀའ་སྩལ་པ། བབ་
D6.010.0105a01.01བབ་ཏུ་གཞག་པར་མི་བྱའི། འོན་ཀྱང་སྣོད་དུ་བཅུག་སྟེ་གཞག་པར་བྱའོ། །དེ་རྣམས་ཀྱི་སྣོད་དུ་བཅུག་སྟེ་ས་ལ་འཇོག་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྣོད་ས་ལ་གཞག་པར་མི་བྱའི། འོན་ཀྱང་ཟུང་ང་འམ། གོས་ཀྱི་གདང་ལ་གདགས་པར་བྱའོ། །དེ་བཙས་ཁྱེར་ནས་བཅོམ་
D6.010.0105a02.01ལྡན་འདས་ཀྱིས་བཀའ་སྩལ་པ། མར་དཀར་རམ་འབྲུ་མར་གྱིས་བསྐུས་ཏེ་གཞག་པར་བྱའོ། །དགོས་པ་བྱུང་བའི་ཚེ་དེ་བཀྲུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བཀྲུ་བར་མི་བྱའི། འོན་ཀྱང་མེར་གཞུག་པར་བྱ་སྟེ། དེ་ཉིད་དེའི་བཀྲུ་བ་ཡིན་ནོ།། །།སྡོམ་ནི། བསོགས་པ་དང་
D6.010.0105a03.01ནི་ཁྲུས་རྩི་དང་། །སྣར་བླུགས་སྤྱད་དང་བཏུང་ཕོར་དང་། །ཁྱོགས་དང་ཆབ་ཁུངས་དག་དང་། །ཆུ་དང་བཀྲུ་བའི་ས་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ནད་པ་ཞིག་སྨན་པའི་དྲུང་དུ་སོང་
D6.010.0105a04.01ནས་བཞིན་{བཟངས་,བཟང་}སྨན་སྟོན་ཅིག་ཅེས་བྱས་པ་དང་། དེས་སྨྲས་པ། འཕགས་པ་བསོགས་པའི་ཁྲུས་ཀྱིས་ཁྲུས་མཛོད་ཅིག་དང་སོས་པར་འགྱུར་རོ། །དེས་སྨྲས་པ། བཞིན་{བཟངས་,བཟང་}བཅོམ་ལྡན་འདས་ཀྱིས་མ་གནང་ངོ་། །ཁྱོད་ཀྱི་སྟོན་པ་ནི་ཐུགས་རྗེ་ཅན་ཡིན་པས་གནང་བར་འགྱུར་རོ། །
D6.010.0105a05.01སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་སྨན་པས་བསྟན་ན་བསོགས་པའི་ཁྲུས་ཀྱིས་ཁྲུས་བྱ་སྟེ། ཁྲུས་བྱ་བ་འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་བསོགས་པའི་ཁྲུས་ཀྱིས་ཁྲུས་བྱའོ་ཞེས་
D6.010.0105a06.01བཀའ་སྩལ་པ་དང་། དགེ་སློང་རྣམས་ཀྱིས་བསོགས་པའི་ཁྲུས་ཇི་ལྟ་བུ་ཡིན་པ་མ་ཤེས་ནས། དེ་རྣམས་ཡང་སྨན་པའི་དྲུང་དུ་སོང་སྟེ། དེ་རྣམས་ཀྱིས་སྨྲས་པ། བཞིན་{བཟངས་,བཟང་}བཅོམ་ལྡན་འདས་ཀྱིས་གནང་ན། བསོགས་པའི་ཁྲུས་ཇི་ལྟ་བུ་ཡིན་པ་སྟོན་ཅིག །དེས་སྨྲས་པ། འཕགས་
D6.010.0105a07.01