完整藏文原文 · 德格版页 当前仅加载第 10 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་མངག་གཞུག་བགྱིད་པའི་བྲན་མོ་ལགས་སོ། །འདི་ཁྱོད་ཀྱི་མངག་གཞུག་བྱེད་པའི་བྲན་མོ་མ་ཡིན་གྱི། འདི་ཁྱོད་ཀྱི་བུ་མོ་ཡིན་གྱིས་ང་ལ་བྱིན་ཅིག །དེས་སྨྲས་པ། ལྷ་ཤཱཀྱའི་བུ་མོ་གཞན་འདི་བས་ཆེས་ཁྱད་པར་འཕགས་པ་དག་མཆིས་ན་དེ་དག་བཞེས་སུ་གསོལ། འདི་
D6.010.0077a01.01ཅིར་འཚལ། རྒྱལ་པོས་སྨྲས་པ། འདི་ཉིད་ང་ལ་དགོས་ཀྱིས། འདི་ང་ལ་བྱིན་ཅིག །དེས་སྨྲས་པ། ལྷ་གལ་ཏེ་དེ་ལྟ་ན་ཚུལ་བཞིན་བགྱིས་ཏེ་དབུལ་ལོ། །དེ་བཞིན་བྱོས་ཤིག །དེ་ནས་ཤཱཀྱ་མིང་ཆེན་གྱིས་གྲོང་ཁྱེར་མཛེས་པར་བྱེད་དུ་བཅུག་སྟེ། བུ་མོ་དེ་རྒྱན་ཐམས་ཅད་ཀྱིས་
D6.010.0077a02.01བཀླུབས་ནས་གླང་པོ་ཆེ་ལ་བསྐྱོན་ཏེ་ལམ་པོ་ཆེ་དང་། སྲང་དང་། ལམ་གྱི་སུམ་མདོ་དང་། བཞི་མདོ་དག་ཏུ་གྲོང་ཁྱེར་སེར་སྐྱའི་གནས་ན་འཁོད་པ་དང་། ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་ལ་ཤེས་ལྡན་དག་ཉོན་ཅིག་ཤཱཀྱ་མིང་ཆེན་གྱི་བུ་མོ་ཕྲེང་ལྡན་མ་ཀོ་ས་ལའི་རྒྱལ་པོ་གསལ་
D6.010.0077a03.01རྒྱལ་གྱི་བཙུན་མོར་ཕུལ་ལོ་ཞེས་དྲིལ་བསྒྲག་པ་བྱས་སོ། །དེ་ནས་དེ་ཀོ་ས་ལའི་རྒྱལ་པོ་གསལ་རྒྱལ་གྱི་བཙུན་མོར་ཕུལ་བར་སྐྱེ་བོ་ཕལ་པོ་ཆེ་རྣམས་ཀྱིས་ཀྱང་ཤེས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་དཔལ་གྱི་འབྱོར་པ་ཆེན་པོས་བླངས་ནས་མཉན་ཡོད་དུ་ཁྲིད་པ་དང་། དེའི་མས་
D6.010.0077a04.01བདག་གི་བུས་བྲན་མོ་ཆུང་མར་བླངས་སོ་ཞེས་ཐོས་ཏེ། དེ་ཀུན་ནས་དཀྲིས་པ་སྐྱེས་ནས་བསམས་པ། འདི་ནི་ངེས་པར་ཕ་དེའི་བུ་མ་ཡིན་པའམ། བདག་གི་ཁོང་དུ་དོན་མེད་པ་ཞིག་བསྲེལ་ཏེ། འདི་ལྟར་བྲན་མོའི་ཁྱོར་སྐྱེས་པར་གྱུར་ཏོ་སྙམ་ནས། དེ་ཡང་སེམས་ཁོང་དུ་ཆུད་ཅིང་འདུག་
D6.010.0077a05.01པ་དང་། རྒྱལ་པོས་ཀྱང་ཕྲེང་ལྡན་མ་ལ་སྨྲས་པ། ཕྲེང་ལྡན་མ་སོང་ལ་སྒྱུག་མོའི་ཞབས་ལ་ཕྱག་བྱོས་ཤིག །དེ་སོང་སྟེ་དེའི་རྐང་པ་གཉིས་ལ་བཟུང་བ་དང་། དེ་རེག་བྱ་དང་ལྡན་པ་ཡིན་པས་དེས་རེག་པ་ཙམ་གྱིས་དེ་གཉིད་ལོག་སྟེ་སད་ནས་བསམས་པ། བུ་ཟན་མའི་བུ་མོ་འདིའི་རེག་པ་འདི་
D6.010.0077a06.01འདྲ་བས་ཀོ་ས་ལའི་རིགས་འདི་རྒྱས་པར་འགྱུར་རོ་སྙམ་མོ། །དེའི་ཚེ་ཀོ་ས་ལའི་རྒྱལ་པོ་གསལ་རྒྱལ་ལ་བཙུན་མོ་དམ་པ་རྒྱལ་རིགས་དབྱར་ཚུལ་མ་དང་། ཕྲེང་ལྡན་མ་གཉིས་ཡོད་དེ། གང་གི་ཚེ་རྒྱལ་པོ་ཕྲེང་ལྡན་མ་དང་ཐབས་ཅིག་ཏུ་བཞུགས་པ་དེའི་ཚེ། ཕྲེང་ལྡན་མ་རྒྱལ་རིགས་དབྱར་
D6.010.0077a07.01