完整藏文原文 · 德格版页 当前仅加载第 10 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
བརྡབས་ཏེ་སློབ་དཔོན་ཕྱག་འཚལ་ལོ། །ཁམས་བདེ་འམ་ཞེས་བྱས་པ་དང་། བུ་བདག་ན་སྟེ་མི་བདེའོ། །དེ་འདི་སྙམ་དུ་བདག་སློབ་དཔོན་ན་བ་བོར་ཏེ་འགྲོ་བ་གང་ཡིན་པ་ནི་བདག་གི་ཚུལ་མ་ཡིན་ཏེ། བཅོམ་ལྡན་འདས་ཀྱིས་ཀྱང་དེའི་ཕྱིར་གཅིག་གིས་གཅིག་
D6.010.0213a01.01བསྟང་ཞིང་ན་བའི་ནད་གཡོག་བྱ་བའི་ཕྱིར་གནས་བཅའ་བར་གནང་བས་དེའི་ཕྱིར་དེའི་ནད་གཡོག་བྱས་ཏེ་སོས་ནས་འགྲོ་བར་བསམས་སོ། །དེས་དེའི་གཡོག་བྱས་ནས་སོས་པར་གྱུར་པ་དང་། དེས་སྨྲས་པ། སློབ་དཔོན་མཁྱེན་པར་མཛོད་ཅིག་མཆིའོ། །དེས་སྨྲས་པ།
D6.010.0213a02.01བུ་ཅུང་ཟད་མི་བདེ་བ་ལྟ་མེད་གྲང་། སློབ་དཔོན་མི་བདེ་བ་ནི་ཅུང་ཟད་ཀྱང་མ་མཆིས་ན་འོན་ཀྱང་བདག་འདིར་གནས་སུ་མཆིས་པ་མ་ལགས་ཀྱི་བདག་གིས་ཆོས་གོས་དང་ལྷུང་བཟེད་བཞག་པ་ལེན་དུ་མཆིས་པ་ལས་དགེ་འདུན་གྱི་གནས་མེད་པར་ནུབ་གཅིག་ཀྱང་མི་གནས་
D6.010.0213a03.01པར་ཁྲིམས་སུ་བྱ་བ་བཅས་སོ། །དེའི་སླད་དུ་བདག་གིས་ཁྲིམས་བཞིན་དུ་གནས་བཅས་པ་དང་། ཁྱོད་ན་བར་གྱུར་ནས་བདག་གིས་བསམས་པ། བདག་སློབ་དཔོན་བོར་ནས་འགྲོ་བ་གང་ཡིན་པ་ནི་བདག་གི་ཚུལ་མ་ལགས་ཏེ། བཅོམ་ལྡན་འདས་ཀྱིས་ཀྱང་དེའི་ཕྱིར་
D6.010.0213a04.01གཅིག་གིས་གཅིག་བསྟང་ཞིང་ན་བའི་ནད་གཡོག་བྱ་བའི་ཕྱིར་གནས་བཅའ་བར་གནང་བས་དེའི་ཕྱིར་ནད་གཡོག་བྱས་ལ་སོས་ན་འགྲོའོ་སྙམ་པ་ལས། ད་ནི་ཁྱོད་སོས་པར་གྱུར་པས་མཁྱེན་པར་མཛོད་ཅིག་མཆིའོ། །ཚེ་དང་ལྡན་པ་ལེགས་སོ་ལེགས་སོ། །ཁྱོད་ཇི་ལྟར་ཞུགས་
D6.010.0213a05.01པ་དེ་ལྟར་ལྷན་ཅིག་གནས་པ་དང་། ཉེ་གནས་དག་གིས་མཁན་པོ་དང་སློབ་དཔོན་དག་ལ་བསྒྲུབ་པར་བྱའོ། །ལྷན་ཅིག་གནས་པ་དང་། ཉེ་གནས་རྣམས་ཀྱིས་མཁན་པོ་དང་། སློབ་དཔོན་དག་ལ་དེ་ལྟར་སྒྲུབ་ན་ཇི་ལྟར་ཨུཏྤ་ལ་ཆུ་ནས་འབྱུང་བ་བཞིན་དུ་དགེ་བའི་ཆོས་
D6.010.0213a06.01རྣམས་ཀྱིས་འཕེལ་བར་འགྱུར་རོ། །སྐྱེས་བུ་དམ་པ་ཁྱོད་བག་ཡོད་པར་བྱོས་ལ་སོང་ཤིག །དེས་དེ་ལ་ཕྱག་བྱས་ནས་རིམ་གྱིས་རྒྱལ་བྱེད་ཀྱི་ཚལ་དུ་ཕྱིན་པ་དང་། དེའི་སློབ་དཔོན་གྱིས་མཐོང་ནས་སྨྲས་པ། ཚེ་དང་ལྡན་པ་འོངས་པ་ལེགས་ན། ཅི་སྟེ་རིང་ཞིག་ཐོགས་
D6.010.0213a07.01