完整藏文原文 · 德格版页 当前仅加载第 10 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་འདི་དག་སྐད་ཀྱི་གཏང་རག་གིས་གཞུང་འདོན་ལ། བདག་གི་འཕགས་པ་རྣམས་ནི་གཞུང་འདོན་པ་ཉིད་ན་རྒྱ་ཤུག་གི་འབྲས་བུའི་ཚོགས་གཏོར་བ་བཞིན་འདོན་པས་འདི་ཉིད་བདག་གི་བྱ་བ་ཡིན་ནོ་སྙམ་ནས། དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་
D6.010.0046a01.01ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་འདི་ལྟར་རེ་ཞིག་མུ་སྟེགས་ཅན་རྣམས་ཀྱི་ཆོས་འདུལ་བ་ནི་ཉེས་པར་སྨྲས་པ་ལགས་
D6.010.0046a02.01ཀྱང་། དེ་དག་སྐད་ཀྱི་གཏང་རག་གིས་གཞུང་འདོན་པར་བགྱི་ལ། འཕགས་པ་རྣམས་ནི་གཞུང་འདོན་པ་ཉིད་ན་རྒྱ་ཤུག་གི་འབྲས་བུའི་ཚོགས་གཏོར་བ་བཞིན་འདོན་པས་དེ་ལ་གལ་ཏེ་བཅོམ་ལྡན་འདས་ཀྱིས་འཕགས་པ་རྣམས་ཀྱང་སྐད་ཀྱི་གཏང་རག་གིས་གཞུང་འདོན་པར་གནང་ན་ལེགས་སོ། །
D6.010.0046a03.01བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཅང་མི་གསུང་བས་གནང་ངོ་། །ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་
D6.010.0046a04.01ནས་སོང་ངོ་། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཁྱེད་ཀྱིས་སྐད་ཀྱི་གཏང་རག་གིས་ཆོས་འདོན་པར་གནང་ངོ་། །བཅོམ་ལྡན་འདས་ཀྱིས་སྐད་ཀྱི་གཏང་རག་གིས་ཆོས་གདོན་པར་བྱའོ་ཞེས་བཀའ་སྩལ་པ་དང་། དགེ་སློང་རྣམས་སྐད་
D6.010.0046a05.01ཀྱི་གཏང་རག་གིས་ལུང་འབོགས་པར་བྱེད། འདོན་པར་བྱེད། ཁ་ཏོན་བྱེད། ཡོངས་སུ་འདྲི་བར་བྱེད་དོ། །ཇི་ཙམ་ན་ཁྱིམ་བདག་མགོན་མེད་ཟས་སྦྱིན་རྒྱལ་བྱེད་ཀྱི་ཚལ་དུ་སོང་བ་ན་དེས་ཐོས་ནས་སྨྲས་པ། འཕགས་པ་དག་ཅི་ཁྱེད་ཀྱི་གཙུག་ལག་ཁང་འདིར་རོལ་མོ་མཁན་གྱི་བྲང་བཏབ་བམ།
D6.010.0046a06.01སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་སྐད་ཀྱི་གཏང་རག་གིས་ལུང་དབོག་པར་མི་བྱ་གདོན་པར་མི་བྱ། ཁ་ཏོན་མི་བྱ། ཡོངས་སུ་འདྲི་བར་མི་བྱའོ། །འདི་ལྟར་སྟོན་པའི་ཡོན་ཏན་ཡང་དག་པར་བསྒྲག་
D6.010.0046a07.01