完整藏文原文 · 德格版页 当前仅加载第 10 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
གི་གླ་མི་དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ལས་བྱེད་པ་ལ་བརྩོན་པ་ཞིག་བསྐོས་སོ། །དེ་ན་ཡང་གླ་མི་གཞན་ཞིག་ཡོད་པ་དེས་མཆོད་རྟེན་ཧ་ཅང་ཆེན་པོ་རྩོམ་པ་དེ་མཐོང་ནས་ལྟ་ཞིང་ཤེས་ལྡན་དག་རྒྱལ་པོ་འདིས་འདི་ལྟ་བུའི་མཆོད་རྟེན་ཆེན་པོ་བྱེད་དུ་གཞུག་པར་བརྩམས་པ་ནམ་ཙམ་ཟིན་པར་
D6.010.0044b01.01འགྱུར་མ་ཤེས་སོ་ཞེས་འཕྱ་བར་བརྩམས་པ་དང་། དེ་ལ་ལག་གི་བླས་སྨྲས་པ། ཀྭའེ་ནང་རྗེ་ཅིའི་ཕྱིར་འཕྱ་བར་བྱེད། གལ་ཏེ་མི་ནུས་ན་ལས་བྱ་བ་ཐོང་ཤིག །དེ་ཅང་མི་སྨྲ་བར་འདུག་པ་དང་། ལག་གི་གླ་དེས་དེ་ཕྱིར་དབྱུང་བར་བརྩམས་སོ། །དེས་དེ་ལ་བཟོད་པ་གསོལ་ནས། ཡང་ལས་བྱ་བར་
D6.010.0044b02.01བརྩམས་པ་ན་མཆོད་རྟེན་དེ་མ་ཟིན་ནས་དེ་ཡང་འཕྱ་བར་བརྩམས་པ་དང་། ལག་གི་གླ་དེས་ཕྱིར་ཕྱུང་ངོ་། །ཡང་ཤིན་ཏུ་འབད་དེ་བཟོད་པ་གསོལ་ནས་ལས་བྱ་བར་བརྩམས་པ་དང་། ཇི་ཙམ་ན་མཆོད་རྟེན་བལྟ་བས་མི་ངོམས་པ་སྲོག་ཆགས་འབུམ་ཕྲག་མང་པོ་དག་གི་མིག་དང་ཡིད་འཕྲོག་པར་བྱེད་པ་
D6.010.0044b03.01ཞིག་ཟིན་པར་གྱུར་ཏོ། །དེ་ནས་གླ་མི་དེས་དེ་མཐོང་ནས་འདི་ལྟར་ལས་བྱེད་པ་ན་བདག་གིས་འདི་ལ་དཔྱས་པ་ནི་མ་ལེགས་པ་ཞིག་བྱས་སོ་ཞེས་འགྱོད་པ་སྐྱེས་ནས་འདི་ལ་རྣམ་པ་ཐམས་ཅད་དུ་མཆོད་པ་བྱའོ་ཞེས་དེས་དེའི་གླ་རྔན་ཅི་ཐོབ་པ་དེ་ལས་གསེར་གྱི་དྲིལ་བུ་བྱེད་དུ་བཅུག་ནས་སེམས་མངོན་པར་དད་པས་མཆོད་
D6.010.0044b04.01རྟེན་དེ་ལ་བཏགས་སོ། །དགེ་སློང་དག་དེའི་ཚེ་དེའི་དུས་ན་གླ་མི་གང་ཡིན་པ་དེ་ནི་དགེ་སློང་སྙན་པ་བཟང་ལྡན་འདི་ཉིད་ཡིན་ཏེ། དེས་ཡང་དག་པར་རྫོགས་པའི་སངས་རྒྱས་འཁོར་བ་འཇིག་གི་མཆོད་རྟེན་གྱི་ལས་བྱེད་པ་ན་དཔྱས་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ནི་མདོག་ངན་ཞིང་ལུས་ཆུང་བར་སྐྱེས་
D6.010.0044b05.01སོ། །ཡང་དད་པ་སྐྱེས་ནས་གསེར་གྱི་དྲིལ་བུ་བྱེད་དུ་བཅུག་ནས་མཆོད་རྟེན་ལ་བཏགས་པའི་ལས་ཀྱི་རྣམ་པར་སྨིན་པ་གང་ཡིན་པ་དེ་ནི་སྐད་སྙན་པར་གྱུར་ཏོ། །དེ་ནས་ཡང་དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་
D6.010.0044b06.01པ་སྙན་པ་བཟང་ལྡན་གྱིས་ལས་ཅི་ཞིག་བགྱིས་ན་དེས་ཚངས་པའི་འཇིག་རྟེན་མན་ཆད་སྒྲས་ཁྱབ་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རིགས་ཀྱི་བུ་སྙན་པ་བཟང་ལྡན་ཉིད་ཀྱིས་ལས་ཚོགས་རྙེད་པ་ཞེས་བྱ་བ་ནས་འབྲས་བུ་དག་ཏུ་འགྱུར་བ་ཉིད་ཅེས་བྱ་བའི་བར་དུ་སྔ་མ་བཞིན་ནོ། །
D6.010.0044b07.01