完整藏文原文 · 德格版页 当前仅加载第 10 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་ན་སྟེ་སྨན་པའི་དྲུང་དུ་སོང་སྟེ་སྨྲས་པ། བཞིན་{བཟངས་,བཟང་}བདག་ལ་ནད་འདི་ལྟ་བུ་བྱུང་ན་སྨན་སྟོན་ཅིག་ཅེས་སྨྲས་པ་དང་། དེས་
D6.010.0161a01.01སྨྲས་པ། འཕགས་པ་འདི་ལྟ་བུ་དང་འདི་ལྟ་བུ་མཛོད་དང་ཁྱོད་སོས་པར་འགྱུར་རོ། །དེས་སྨན་བཏག་པའི་མཆིག་དགོས་ནས་དེ་ཁྱིམ་བདག་གཅིག་གི་དྲུང་དུ་སོང་སྟེ། མཆིག་བརྙས་པ་དང་། དེས་དེ་ལ་མཆིག་མཆི་གུ་དང་བཅས་ཏེ་བྱིན་ནོ། །དེས་སྨན་བཏགས་
D6.010.0161a02.01ནས་ཡང་ཁྱིམ་བདག་དེ་ཉིད་ལ་སླར་བྱིན་པ་དང་། དེས་འཕགས་པ་ཁྱོད་ཉིད་བཞེས་ལ་བཞུད་ཅིག །དེས་སྨྲས་པ། ཁྱིམ་བདག་བཅོམ་ལྡན་འདས་ཀྱིས་མ་གནང་ངོ་། །དེས་སྨྲས་པ། འཕགས་པ་གལ་ཏེ་དེ་ལྟ་ན་ཞོག་ལ་བཞུད་ཅིག །སྐབས་དེ་བཅོམ་ལྡན་འདས་ལ་
D6.010.0161a03.01དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་དགེ་སློང་གིས་མཆིག་མཆི་གུ་དང་བཅས་ཏེ་བཅང་བར་བྱའོ།། །།སྡོམ་ནི། །ནང་དང་ཕྱི་རོལ་ཆོས་གོས་གདང་། །དེ་བཞིན་ལྕུག་མ་ཐག་གུ་དང་། །མར་མེ་
D6.010.0161a04.01དང་ནི་འཁོར་གྱི་ཁྱམས། །ཆོས་གོས་མཚན་མས་གདབ་པའོ། །བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་ཆོས་གོས་བབ་བབ་ཏུ་འཇོག་སྟེ། དེ་རྡུལ་གྱིས་དྲི་མ་ཅན་དུ་གྱུར་
D6.010.0161a05.01ཅིང་། སྲིལ་གྱིས་ཟོས་ནས་སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་བབ་བབ་ཏུ་གཞག་པར་མི་བྱའོ། །འོན་ཀྱང་ཆོས་གོས་གདང་ལ་གཞག་པར་བྱའོ། །དགེ་སློང་དག་གིས་རྩིག་པ་ལ་ཁུང་
D6.010.0161a06.01བརྐོས་ནས་ཆོས་གོས་ཀྱི་གདང་བཅུག་པ་དང་། རྩིག་པ་སྙི་བར་གྱུར་ཏེ། བཅོམ་ལྡན་འདས་ཀྱིས་བཀའ་སྩལ་པ། རྩིག་པ་ལ་ཁུང་བརྐོ་བར་མི་བྱའོ། །འོན་ཀྱང་གང་གི་ཚེ་གཙུག་ལག་ཁང་རྩིག་པ་དེ་ཉིད་ཀྱི་ཚེ་བུ་ག་གདོད་པར་བྱ་ཞིང་། དེར་ཆོས་གོས་ཀྱི་གདང་
D6.010.0161a07.01