完整藏文原文 · 德格版页 当前仅加载第 10 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཡང་ཁྱིམ་བདག་མགོན་མེད་ཟས་སྦྱིན་གྱིས་འབྲེག་མཁན་གྱི་མི་བཏང་བ་དང་ཞེས་བྱ་བའི་བར་སྔ་མ་བཞིན་ནོ། །བཞིན་{བཟངས་,བཟང་}ཁྱོད་བྱིན་སྤུ་འབྲེག་ཤེས་སམ། འཕགས་པ་དེ་ཉིད་བདག་གི་བཟོ་ལགས་སོ། །བཞིན་{བཟངས་,བཟང་}གལ་ཏེ་དེ་ལྟ་ན་
D6.010.0066b01.01ཚུར་ཤོག་བྲེགས་ཤིག །འཕགས་པ་ཅི་འདྲ་བར་བྲེག་པར་བགྱི། བཞིན་{བཟངས་,བཟང་}མཛེས་པར་བྲེགས་ཤིག །དེས་བྲེག་པར་བརྩམས་པ་དང་། ཉེ་དགའ་བོས་སྨྲས་པ། བཞིན་{བཟངས་,བཟང་}འདི་ལྟར་བྱོས་ཤིག །དེས་དེ་བཞིན་བྱས་པ་དང་ཡང་སྨྲས་པ། གཞན་འདི་ལྟར་ཡང་བྱོས་ཤིག །དེས་དེ་
D6.010.0066b02.01ཇི་ཙམ་ནམ་སྲོས་ཀྱི་བར་དུ་མ་བཏང་བས། ཁྱིམ་བདག་མགོན་མེད་ཟས་སྦྱིན་གྱིས་དེ་ལ་ཞེས་བྱ་བ་ནས། དྲིས་པ་ཞེས་བྱ་བའི་བར་སྔ་མ་བཞིན་ནོ། །དེས་ཇི་ལྟར་གྱུར་པ་སྨྲས་པ་དང་། དེ་སྨོད་པར་བྱེད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
D6.010.0066b03.01བཀའ་སྩལ་པ། དེ་ལྟ་བས་ན་དགེ་སློང་གིས་བྱིན་སྤུ་བྲེག་པར་མི་བྱའོ། །དགེ་སློང་བྱིན་སྤུ་འབྲེག་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་བྱིན་སྤུ་བྲེག་
D6.010.0066b04.01པར་མི་བྱའོ་ཞེས་བཀའ་སྩལ་པ་དང་། དགེ་སློང་རྣམས་ཀྱི་བརླ་ལ་རྨ་བྱུང་ཞིང་དགེ་སློང་གཞན་དག་ལ་སྲིན་བུ་བྱུང་ནས། དེ་དག་དེའི་གནོད་པས་དགེ་བའི་ཕྱོགས་བྱ་བར་མི་ནུས་པར་གྱུར་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D6.010.0066b05.01རྨ་བྱུང་བའི་ཕྱིར་རམ། སྲིན་བྱུང་བའི་ཕྱིར་ནི་བྱིན་སྤུ་བྲེག་པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་ཁྲི་གཅིག་ལ་ཉལ་བར་བྱེད་ཅིང་། དེ་དག་དེར་ཉལ་
D6.010.0066b06.01ནས་ཀུ་རེ་བྱེད། རྩེ་བར་བྱེད། ཅ་ཅོ་སྨྲ་བར་བྱེད། དགོད་པ་དང་འཕྱར་གཡེང་དང་། ལུས་ལ་རྡེག་པར་བྱེད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་ཁྲི་གཅིག་ལ་ཉལ་བར་བྱེད་པ་ལས་
D6.010.0066b07.01