完整藏文原文 · 德格版页 当前仅加载第 10 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིའོ། །ཕྱིར་མི་འོང་བའི་ནི་གསུམ་མོ། །ཕྱིར་འོང་བའི་ནི་གཉིས་སོ། །རྒྱུན་དུ་ཞུགས་པའི་ནི་གཅིག་གོ། །སོ་སོའི་སྐྱེ་བོ་དགེ་བ་རྣམས་ཀྱི་མཆོད་རྟེན་ནི་བྱི་བོར་བྱའོ། །བཅོམ་ལྡན་འདས་ཀྱིས་འཕགས་པ་རྣམས་ཀྱི་མཆོད་རྟེན་ནི་རྣམ་པ་འདིས་སོ། །སོ་སོའི་སྐྱེ་བོ་རྣམས་ཀྱི་ནི་འདིས་
D6.010.0246b01.01སོ་ཞེས་བཀའ་སྩལ་པ་དང་། དེས་གང་གི་གནས་གང་དུ་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་དེ་བཞིན་གཤེགས་པ་བཞུགས་པ་ན། ཤཱ་རིའི་བུ་དང་། མཽད་གལ་གྱི་བུ་དག་འདུག་པ་དེ་བཞིན་དུ་ཡོངས་སུ་མྱ་ངན་ལས་འདས་པའི་མཆོད་རྟེན་ཡང་བྱའོ། །
D6.010.0246b02.01གཞན་ཡང་གནས་བརྟན་གནས་བརྟན་རྣམས་ཀྱི་མཆོད་རྟེན་ནི་རྒན་རིམས་བཞིན་སྦྲེང་བར་བྱའོ། །སོ་སོའི་སྐྱེ་བོ་དགེ་བ་རྣམས་ཀྱི་ནི་དགེ་འདུན་གྱི་ཀུན་དགའ་ར་བའི་ཕྱི་རོལ་དུ་བྱའོ། །ཁྱིམ་བདག་མགོན་མེད་ཟས་སྦྱིན་གྱིས་གསོལ་པ། གལ་ཏེ་བཅོམ་ལྡན་འདས་ཀྱིས་གནང་ན། བདག་
D6.010.0246b03.01གིས་འཕགས་པ་ཤཱ་རིའི་བུའི་མཆོད་རྟེན་གྱི་དུས་སྟོན་དག་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་གྱིས་ཤིག །ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་ཇི་ལྟར། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འཕགས་
D6.010.0246b04.01པ་ཤཱ་རིའི་བུའི་མཆོད་རྟེན་གྱི་དུས་སྟོན་གཟུགས་པར་གསོལ་བ་ལས། བཅོམ་ལྡན་འདས་ཀྱིས་འཛུགས་པར་གནང་བ་ཐོས་ནས། མ་ལ་བདག་གིས་ཀྱང་དེའི་གྲོགས་བྱའོ་སྙམ་ནས། དེས་འདི་ལྟར་དྲིལ་བསྒྲགས་ནས། ཤེས་ལྡན་མཉན་ཡོད་ན་གནས་པའི་གྲོང་ཁྱེར་པ་རྣམས་དང་།
D6.010.0246b05.01ཡུལ་གཞན་ནས་ལྷགས་པའི་སྐྱེ་བོའི་ཚོགས་དག་ཉོན་ཅིག །འཕགས་པ་ཤཱ་རིའི་བུའི་མཆོད་རྟེན་གྱི་དུས་སྟོན་ལ་བབ་པའི་ཚེ་ཟོང་ཐོགས་ནས་འོངས་པ་གང་ཡིན་པ་དེ་ལ་ཤོ་གམ་ཡང་མེད་ལ་གཅན་ཀྱང་མེད། གྲུ་བཙས་ཀྱང་མེད་ཀྱིས་དེ་བག་ཡངས་སུ་འདིར་ཤོག་ཤིག །བར་སྐབས་
D6.010.0246b06.01དེར་རྒྱ་མཚོ་ཆེན་པོ་ནས་ཚོང་པ་ལྔ་བརྒྱ་ཞིག་གྲུ་བོ་ཆེའི་ནོར་གྲུབ་སྟེ། མཉན་ཡོད་དུ་ཕྱིན་པ་དེ་དག་གིས་ཇི་ལྟར་རྒྱལ་པོས་མཉན་ཡོད་དུ་དྲིལ་བསྒྲགས་ཏེ། འདི་སྐད་དུ་གང་ཞིག་འཕགས་པ་ཤཱ་རིའི་བུའི་མཆོད་རྟེན་གྱི་དུས་སྟོན་ལ་བབ་པའི་ཚེ་ཟོང་ཐོགས་ཏེ་འོང་བ་དེ་ལ་ཤོ་གམ་ཡང་མེད་ལ་
D6.010.0246b07.01