完整藏文原文 · 德格版页 当前仅加载第 10 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་གིས་དེ་བཞིན་དུ་གཟར་ཐག་ལ་བཀལ་བས་བར་དུ་ཚོན་མ་ཆགས་ནས། བཅོམ་ལྡན་འདས་ཀྱིས་བཀའ་སྩལ་པ། གྲྭ་ནས་ཐ་གུས་བཏགས་ལ་རྒྱང་ཤིང་བྲེས་ནས་གཟུངས་བཏབ་སྟེ་བསྐམ་པར་བྱའོ། །དགེ་སློང་དག་གིས་བསུགས་ནས་མ་བཟློག་
D6.010.0191a01.01སྟེ་ཚོན་ཕྱོགས་གཅིག་ཏུ་འདྲིས་ནས། བཅོམ་ལྡན་འདས་ཀྱིས་བཀའ་སྩལ་པ། ཡང་དང་ཡང་དུ་བཟློག་པར་བྱའོ། །སྣམ་སྦྱར་གཞན་དག་ཅིག་ཚད་ཆེ་སྟེ་གཟར་ཐག་ལ་མ་ཤོང་ནས། བཅོམ་ལྡན་འདས་ཀྱིས་བཀའ་སྩལ་པ། རྩྭ་བཏིང་ནས་བསྐམ་པར་བྱ་ཞིང་ཡང་དང་ཡང་
D6.010.0191a02.01དུ་བཟློག་པར་བྱའོ། །དགེ་སློང་དག་ཆོས་གོས་རྙིང་པ་དག་ལ་ནི་ཚོན་སར་པ་ལྡུགས། ཆོས་གོས་སར་པ་དག་ལ་ནི་ཚོན་རྙིང་པ་ལྡུགས་ནས། བཅོམ་ལྡན་འདས་ཀྱིས་བཀའ་སྩལ་པ། ཚོན་སར་པ་ཡང་སར་པ་ཁོ་ན་དག་ལ་བླུག་པར་བྱ་ཞིང་རྙིང་པ་ཡང་རྙིང་པ་དག་ལ་བླུག་
D6.010.0191a03.01པར་བྱའོ། །དགེ་སློང་རྣམས་ཆོས་གོས་སར་པ་དག་ནི་གྲིབ་མ་ལ་སྐེམས། རྙིང་པ་དག་ནི་ཉི་མ་ལ་སྐེམས་ནས། བཅོམ་ལྡན་འདས་ཀྱིས་བཀའ་སྩལ་པ། སར་པ་དག་ནི་ཉི་མ་ལ་བསྐམ་པར་བྱ་ཞིང་། རྙིང་པ་དག་ནི་གྲིབ་མ་ལ་བསྐམ་པར་བྱའོ། །དགེ་སློང་དག་དང་པོར་
D6.010.0191a04.01ནི་ཚོན་གསུམ་པ། དེའི་འོག་ཏུ་ནི་གཉིས་པ། དེའི་འོག་ཏུ་ནི་དང་པོ་ལྡུགས་པས་དང་པོ་ལྷག་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དང་པོར་དང་པོ་དང་གཉིས་པ་བླུག་པར་བྱ་ཞིང་ཕྱིས་གསུམ་པ་བླུག་པར་བྱའོ། །དགེ་སློང་དག་གིས་ཆུའི་ནང་དུ་མ་
D6.010.0191a05.01བསུགས་པས་ཆོས་གོས་དག་ཁྲ་བོར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཆུའི་ནང་དུ་བསུག་པར་བྱའོ། །དགེ་སློང་དག་གིས་དེ་ཉིད་ཀྱི་ཉིན་པར་ཆུའི་ནང་དུ་བསུགས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕྱི་དེ་ཉིན་བསུག་པར་
D6.010.0191a06.01བྱའོ། །དགེ་སློང་གཞན་དག་ཅིག་ཚོན་གྱི་ལས་བྱེད་པ་ན་རླུང་དང་ཆར་པ་བྱུང་ནས་དགེ་སློང་རྣམས་ཕྱོགས་གང་དུ་བསྐམ་ཞེས་ཆོས་གོས་དག་ཕན་ཚུན་སྦེད་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། རླུང་དང་ཆར་པ་བྱུང་ན་ཁང་{བཟངས་སུ་,བཟང་དུ་}ཚོན་གྱི་ལས་བྱའོ། །
D6.010.0191a07.01