完整藏文原文 · 德格版页 当前仅加载第 10 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཟན་ཟ་བ་ལ་རིང་ཞིག་ཐོགས་ནས་འགྲོན་པ་ཐལ་བ་དང་། ཆོམ་པོ་དག་གིས་བཅོམ་མོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལམ་དུ་ཞུགས་པ་ན་གལ་ཏེ་སྡེར་སྤྱད་དག་མ་རྙེད་ན་གཅིག་ཏུ་བཟའ་བར་བྱ་སྟེ།
D6.010.0054b01.01ལག་པ་ནི་རེ་རེ་ནས་གཞུག་པར་བྱ་ཞིང་དབྱུང་བར་བྱའི་ཅིག་ཅར་དུ་མ་ཡིན་ནོ། །བཅོམ་ལྡན་འདས་ཀྱིས་ལམ་དུ་ཞུགས་པ་ན་གལ་ཏེ་སྡེར་སྤྱད་དག་མ་རྙེད་ན་གཅིག་ཏུ་བཟའ་བར་བྱའོ་ཞེས་བཀའ་སྩལ་པ་དང་། དེ་ན་དགེ་ཚུལ་གང་དག་འཁོད་པ་དེ་དག་དང་ལྷན་ཅིག་གཅིག་ཏུ་ཟ་བར་བྱེད་པས་ཉེས་
D6.010.0054b02.01དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་བཟུང་ལ་དེ་དག་དང་ལྷན་ཅིག་བཟའ་བར་བྱའོ། །རུང་བ་བྱེད་པ་གཞན་དག་ཅིག་ཡོད་པ་དེ་དག་ཟན་ཟ་བ་ན་འགྲོན་པ་རྣམས་དང་བྲལ་ནས་ཉེས་དམིགས་དེ་ཉིད་དུ་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་
D6.010.0054b03.01པ། གོང་བུར་སྒོངས་ལ་བྱིན་ཅིག །དགེ་སློང་གཞན་དག་ཅིག་གཉེན་གྱི་ཁྱིམ་དུ་སོང་བ་དང་། གཉེན་དག་གིས་སྨྲས་པ། བདག་ཅག་ལྷན་ཅིག་ཟོས་ནས་རིང་ཞིག་ལོན་པས་ཟན་ལྷན་ཅིག་བཟས་ཚུར། དེ་དག་གིས་སྨྲས་པ། ཁྱེད་ནི་ཁྱིམ་པ། བདག་ཅག་ནི་རབ་ཏུ་བྱུང་བ་ཡིན་པས་
D6.010.0054b04.01བཟར་མི་རུང་ངོ་། །དེ་དག་མི་དགའ་ནས་མཆི་མས་བརྣངས་ཤིང་འདུག་གོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཡང་དང་ཡང་དུ་དོན་དུ་གཉེར་ན་གདོན་མི་ཟ་བར་དུས་ཀྱིས་འཆུ་བར་ཤེས་ནས་གང་
D6.010.0054b05.01དུ་གཞན་དག་གིས་མཐོང་ན་མི་མཛེས་པར་མི་འགྱུར་བ་དེར་སྡེར་སྤྱད་བཟུང་ལ་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་གོས་གཅིག་
D6.010.0054b06.01པུ་དང་བསོད་སྙོམས་ཟ་བ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་དྲིས་པ། ཤེས་ལྡན་དག་ཟན་ཟ་བ་འདི་དག་སུ་ཞིག །གཞན་དག་གིས་སྨྲས་པ། དགེ་སྦྱོང་ཤཱཀྱའི་བུ་ཡིན་ནོ། །དེ་དག་འཕྱ་ཞིང་ཤེས་ལྡན་དག་སྟོན་པ་ངོ་ཚ་ཤེས་པ་དང་ལྡན་པ་དེ་ལྟ་བུ་ལ་ངོ་ཚ་ཤེས་པ་དང་ཁྲེལ་ཡོད་པ་
D6.010.0054b07.01