完整藏文原文 · 德格版页 当前仅加载第 10 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སོང་སྟེ། རྒན་པའི་མཐར་འདུག་ནས་སྨྲས་པ། བཙུན་མོ་ཕྲེང་ལྡན་མས་དགེ་སློང་གི་དགེ་འདུན་ལ་ན་བའི་སྨན་གྱིས་བསྟབས་ཀྱིས། གང་ཞིག་སྨན་གང་འདོད་པ་དེ་སོང་ལ་སློངས་ཤིག །དགེ་སྐོས་ཀྱིས་བསྒོ་བ་དང་། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་འཆར་ཀ་
D6.010.0258b01.01བཅོམ་ལྡན་འདས་ཀྱིས་རྒྱལ་པོའི་ཕོ་བྲང་དུ་འགྲོ་བ་ལ་ཉེས་དམིགས་བཅུ་ཡོད་དོ་ཞེས་མ་གསུངས་སམ། དེ་ཇི་ལྟར་བདག་ཅག་གིས་སྨན་གྱི་ཕྱིར་བསླབ་པ་ལས་འདའ་བར་བྱ། དེ་སྤོབས་པ་མེད་ནས་ཅང་མི་ཟེར་བར་འདུག་སྟེ། དགེ་སློང་འགའ་ཡང་ཕྲེང་ལྡན་མ་ལས་སྨན་མི་སློང་ངོ་། །ཇི་ཙམ་
D6.010.0258b02.01ན་ཚེ་དང་ལྡན་པ་འཆར་ཀ་ཡང་བཙུན་མོ་ཕྲེང་ལྡན་མའི་དེར་སོང་བ་དང་། དེས་སྨྲས་པ། འཕགས་པ་ཁྱོད་ཀྱིས་བདག་གི་མིང་གིས་དགེ་སློང་གི་དགེ་འདུན་ལ་ན་བའི་སྨན་གྱིས་མ་བསྟབས་སམ། བཙུན་མོ་བསྟབས་སོ། །འཕགས་པ་གལ་ཏེ་དེ་ལྟ་ན་ཅིའི་སླད་དུ་དགེ་སློང་དག་མི་བྱོན།
D6.010.0258b03.01བཙུན་མོ་བཅོམ་ལྡན་འདས་ཀྱིས་རྒྱལ་པོའི་ཕོ་བྲང་དུ་འགྲོ་བ་ལ་ཉེས་དམིགས་བཅུ་ཡོད་དོ་ཞེས་མ་གསུངས་སམ། དགེ་སློང་དག་འདིར་ཇི་ལྟར་འོང་། འཕགས་པ་གལ་ཏེ་དེ་ལྟ་ན་བདག་གིས་འདི་ལ་ཇི་ལྟར་བསྒྲུབ་པར་བགྱི། བཙུན་མོ་ཚོང་དུས་པའི་ཚོང་པའི་ལག་ཏུ་ཀཱར་ཥཱ་པ་ཎ་དག་གཏད་ན། དགེ་
D6.010.0258b04.01སློང་གང་ཞིག་གང་འདོད་པ་དེ་དེ་ལས་དེ་སློང་གྲང་། དེས་སྨྲས་པ། འཕགས་པ་ལེགས་ཏེ་དེ་ལྟར་བགྱིའོ་ཞེས་ཚོང་འདུས་པའི་ཚོང་པའི་ལག་ཏུ་ཀཱར་ཥཱ་པ་ཎ་དག་གཏད་ནས་སྨྲས་པ། འཕགས་པ་དག་རྒྱལ་པོའི་ཕོ་བྲང་དུ་མི་འོང་གིས་དགེ་སློང་གང་ཞིག་གང་འདོད་པ་དེ་ལ་དེ་བྱིན་ཅིག །
D6.010.0258b05.01ཚོང་པས་རྒྱལ་མོའི་བཀས་ཀཱར་ཥཱ་པ་ཎ་དག་བླངས་ཏེ་བཞག་པ་དང་། དགེ་སློང་རྣམས་ཀྱིས་ལྷ་མོ་ཕྲེང་ལྡན་མས་སྤོས་འཚོང་ཆེ་གེ་མོ་ཞིག་ལ་ཀཱར་ཥཱ་པ་ཎ་དག་གཏད་དེ། དགེ་སློང་གང་ཞིག་གང་འདོད་པ་དེ་ཁྱོད་ཀྱིས་སྦྱིན་པར་བྱའོ་ཞེས་བསྒོ་བ་ཐོས་ནས་སོང་ལ་བསླང་ངོ་སྙམ་མོ། །དེ་ན་དགེ་
D6.010.0258b06.01སློང་ཁ་ཅིག་ནི་སོང་ནས་སྨྲས་པ། བཞིན་{བཟངས་,བཟང་}ཁོ་བོ་ཅག་ལ་ཁུར་སྐམ་དང་། ཁུར་བ་དང་། ཤ་ཁུ་དག་བྱོས་ལ་བྱིན་ཅིག །ཁ་ཅིག་གིས་སྨྲས་པ། ཁོ་བོ་ཅག་ལ་ཁུར་བ་དང་ཤ་སྐམ་བྱིན་ཅིག །ཁ་ཅིག་གིས་སྨྲས་པ། ཁོ་བོ་ཅག་ལ་ཤ་ཁུ་ཁྲོལ་བུ་དང་། ཚོག་པ་བྱིན་ཅིག །དེ་
D6.010.0258b07.01