完整藏文原文 · 德格版页 当前仅加载第 10 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། འདི་དག་ནི་དགྲ་བཅོམ་པ་རྫུ་འཕྲུལ་གྱིས་རྣམ་པར་རྩེ་བ་ཡིན་ནོ། །དེ་དག་གིས་སྨྲས་པ། ཀུན་དགའ་བོ་འཇིག་རྟེན་ན་དགྲ་བཅོམ་པ་མཆིས་པ་ལྟ་ཞིག་འདི་དག་མངོན་སུམ་ཁོ་ནར་མི་སྣང་ངམ། འདི་ལ་ཐེ་ཚོམ་ཟར་ཅི་ཞིག་ཡོད་ཅེས་བྱས་པ་དང་། དེ་དག་
D6.010.0178a01.01ལས་གང་གི་ལྟ་བ་འཇིག་རྟེན་ན་དགྲ་བཅོམ་པ་མེད་དོ་སྙམ་པ་དེ་དང་བྲལ་ཞིང་འཇིག་རྟེན་ན་དགྲ་བཅོམ་པ་ཡོད་དོ་སྙམ་པ་ཡང་དག་པའི་ལྟ་བ་ཐོབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་གུང་ཐུན་ལ་ཀྱེ་མ་བརྒྱ་བྱིན་དང་ཚངས་པ་ལ་སོགས་པ་ལྷ་དག་འོངས་ཀྱང་བླ་ན་སྙམ་དུ་
D6.010.0178a02.01འཇིག་རྟེན་པའི་ཐུགས་བསྐྱེད་པར་མཛད་དོ། །གང་གི་ཚེ་སངས་རྒྱས་བཅོམ་ལྡན་འདས་རྣམས་འཇིག་རྟེན་པའི་ཐུགས་བསྐྱེད་པར་མཛད་པ་ཞེས་བྱ་བ་ནས། བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་ཀྱིས་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་ནས་བཅོམ་ལྡན་
D6.010.0178a03.01འདས་ཀྱི་སྤྱན་སྔར་སོང་ངོ་ཞེས་བྱ་བའི་བར་སྔ་མ་བཞིན་ནོ། །དེ་རྣམས་ཀྱི་མཐུས་སྣང་བ་རྒྱ་ཆེན་པོ་བྱུང་བ་དང་། བྲན་བུ་དང་། སྐྱོང་བ་དག་གིས་སྨྲས་པ། འཕགས་པ་ཀུན་དགའ་བོ་འདི་ཅི་ཞིག་ལགས། དེས་སྨྲས་པ། འདི་དག་ནི་བརྒྱ་བྱིན་དང་ཚངས་པ་ལ་སོགས་པ་
D6.010.0178a04.01ལྷ་རྣམས་བཅོམ་ལྡན་འདས་ཀྱི་སྤྱན་སྔར་ལྷགས་པ་ཡིན་ནོ། །འཇིག་རྟེན་ཕ་རོལ་མཆིས་པ་ལྟ་ཞིག །འདི་དག་མངོན་སུམ་ཁོ་ནར་མི་སྣང་ངམ། འདི་ལ་ཐེ་ཙོམ་ཟར་ཅི་ཡོད་ཅེས་བྱས་པ་དང་། དེ་དག་ལས་གང་གི་ལྟ་བ་འཇིག་རྟེན་ཕ་རོལ་མེད་དོ་སྙམ་པ་དེ་དང་བྲལ་ཞིང་
D6.010.0178a05.01འཇིག་རྟེན་ཕ་རོལ་ཡོད་དོ་སྙམ་པ་ཡང་དག་པའི་ལྟ་བ་སྐྱེས་སོ། །དེ་དག་དད་པ་སྐྱེས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །བཅོམ་ལྡན་འདས་ཀྱིས་དེ་དག་གི་བསམ་པ་དང་།
D6.010.0178a06.01བག་ལ་ཉལ་བ་དང་། ཁམས་དང་། རང་བཞིན་ཐུགས་སུ་ཆུད་ནས་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བསྟན་པ་མཛད་དོ། །དེ་ཐོས་ནས་བྲན་བུ་དང་། སྐྱོང་བ་དག་གིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་
D6.010.0178a07.01