完整藏文原文 · 德格版页 当前仅加载第 10 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
སྐལ་བ་ཡོད་པའི་གཟུགས་ཀྱིས་མ་ཡིན་གྱི། ང་ནི་བདག་གིས་ཇི་ཙམ་མཐོང་བ་དང་། རིག་པ་དང་། མངོན་པར་རྫོགས་པར་སངས་རྒྱས་པ་དང་། མངོན་སུམ་དུ་བྱས་པ་དེ་ཁོ་ན་སྨྲའོ། །དགའ་བོ་དེ་ཇི་སྙམ་དུ་སེམས། དེ་བཞིན་གཤེགས་པ་གཞན་དུ་
D6.010.0149b01.01འགྱུར་བའི་ཚིག་གང་ཡིན་པ་དེ་གསུང་ངམ། བཙུན་པ་མ་ལགས་སོ། །དགའ་བོ་ལེགས་སོ་ལེགས་སོ། །དེ་བཞིན་གཤེགས་པ་གཞན་དུ་འགྱུར་བའི་ཚིག་གང་ཡིན་པ་དེ་གསུང་བ་ནི་གནས་མ་ཡིན་ཞིང་གོ་སྐབས་མེད་དེ། དགའ་བོ་དེ་བཞིན་གཤེགས་པ་ནི་ཡང་དག་པ་
D6.010.0149b02.01གསུང་བ། བདེན་པ་གསུང་བ། ཆོས་གསུང་བ། དེ་ཁོ་ན་ཉིད་གསུང་བ། ཕྱིན་ཅི་མ་ལོག་པར་གསུང་བའོ། །དེ་བཞིན་གཤེགས་པ་ནི་ཡུན་རིང་པོ་ནས་འཇིག་རྟེན་ལ་ཕན་པ་བཞེད་པ། བདེ་བ་བཞེད་པ། གྲུབ་པ་དང་བདེ་བ་བཞེད་པ། ལམ་མཁྱེན་པ། ལམ་
D6.010.0149b03.01གྲུབ་པ། ལམ་སྟོན་པ། ལམ་བརྗོད་པ། ལམ་ཡོངས་སུ་འདྲེན་པའོ། །དེ་བཞིན་གཤེགས་པ་ནི་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་
D6.010.0149b04.01ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སོ། །དགའ་བོ་འཇིག་རྟེན་ནི་དད་པ་མེད་པ། དབང་པོས་འཁོལ་བ། འཕྲལ་གང་དུ་ལྟ་བ། ལག་ཏུ་འོངས་པ་མཐོང་བ། འགོད་པ་ཆེ་བ། བསགས་པ་ཉུང་
D6.010.0149b05.01བ་སྟེ། སླ་བ་མི་བྱེད་ཀྱི་དཀའ་བས་བདག་ཉིད་ཀུན་ཏུ་རྩོལ་བར་བྱེད་དོ། །དགའ་བོ་ལུང་ཡང་མི་དགོས། ཤེས་རབ་ཀྱང་མི་དགོས། ཁྱོད་ཀྱིས་ཤའི་མིག་གིས་ཇི་ཙམ་མཐོང་བ་དེ་ཁོ་ན་ལ་ཡང་དག་པར་རྟོགས་ཤིག་དང་། ཇི་ལྟར་མཐོང་བ་ལ་ཡང་དག་པར་བརྟགས་
D6.010.0149b06.01པ་ཉིད་ཀྱིས་ཐར་པར་འགྱུར་རོ། །དགའ་བོ་ཁྱོད་ང་ལ་དད་པས་མ་འགྲོ། དགའ་བས་མ་འགྲོ། རྗེས་སུ་ཐོས་པས་མ་འགྲོ། རྣམ་པ་ལ་རྟོག་པས་མ་འགྲོ། དགེ་སྦྱོང་དུ་ལྟ་བས་མ་འགྲོ། དགེ་སྦྱོང་གི་ལྟ་བ་རྟོག་པ་བཟོད་པས་མ་འགྲོ། དགེ་སྦྱོང་ལ་གུས་པས་
D6.010.0149b07.01