完整藏文原文 · 德格版页 当前仅加载第 10 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
སྙན་ཅིང་སྙན་པ་དག་མཉན་པས་སོ། །ཁྱེད་ཀྱང་ཅིའི་ཕྱིར་མི་ཉན། བདག་ཅག་ནི་ངོ་དམན་པ་སྟེ་ངོ་ཚའོ། །འོན་ཀྱང་གལ་ཏེ་འཕགས་པ་འདིར་གཤེགས་ཏེ་བཤད་ན་བདག་ཅག་གིས་ཀྱང་མཉན་ཏོ། །གལ་ཏེ་དེ་ལྟ་ན་འཕགས་པ་ལ་བྱའོ། །དེ་དག་གིས་སྨྲས་པ་ལེགས་སོ། །དེ་རྣམས་ཀྱིས་
D6.010.0106b01.01དེའི་དྲུང་དུ་སོང་ནས། འཕགས་པ་བུད་མེད་དག་ཆོས་ཉན་པར་འཚལ་ལོ་ཞེས་བྱས་པ་དང་། དེས་སྨྲས་པ། ཤེས་ལྡན་དག་ཉན་ལ་རག་མོད། ཅི་ཁོ་བོས་བཀག་གམ། དེ་རྣམས་ཀྱིས་སྨྲས་པ། འཕགས་པ་བུད་མེད་ཀྱི་མཆིད་ནས་བདག་ཅག་ངོ་ཚ་སྟེ། གལ་ཏེ་འཕགས་པ་འདིར་
D6.010.0106b02.01གཤེགས་ནས་བཤད་ན་བདག་ཅག་ཀྱང་ཉན་ཏོ་ཞེས་མཆིའོ། །དེས་སྨྲས་པ། ཤེས་ལྡན་དག་བདག་ན་བས་སོང་སྟེ་བཤད་མི་ནུས་སོ། །འཕགས་པ་ཁྱོགས་འཚལ་ཏེ་མཆིས་དེས་གཤེགས་ཤིག །བཞིན་{བཟངས་,བཟང་}བཅོམ་ལྡན་འདས་ཀྱིས་མ་གནང་ན་ཇི་ལྟར་འགྲོ། །སྐབས་དེ་དགེ་
D6.010.0106b03.01སློང་རྣམས་ཀྱིས་ཐོས་ནས། བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་བཞོན་པས་འགྲོ་བར་བྱའོ། །བཅོམ་ལྡན་འདས་ཀྱིས་བཞོན་པས་འགྲོ་བར་བྱའོ་ཞེས་བཀའ་སྩལ་པ་དང་། ཚེ་དང་ལྡན་པ་པི་ལིན་དའི་བུ་ལྷན་
D6.010.0106b04.01ཅིག་གནས་པ་དང་། ཉེ་གནས་དག་གིས་བསྐོར་ཏེ་ཁྱོགས་སུ་ཞུགས་ནས་ཆོས་སྟོན་དུ་ཆས་པ་དྲུག་སྡེ་རྣམས་ཀྱིས་མཐོང་ནས། དེ་རྣམས་ཀྱིས་དེའི་ལྷན་ཅིག་གནས་པ་དང་། ཉེ་གནས་དག་ལ་དྲིས་པ། ཤེས་ལྡན་དག་འགྲོ་བ་འདི་སུ་ཞིག །དེ་རྣམས་ཀྱིས་སྨྲས་པ། མཁན་
D6.010.0106b05.01པོའོ། །ཅི་བཅོམ་ལྡན་འདས་ཀྱིས་ཁྱོགས་གནང་ངམ། གནང་ངོ་། །བཅོམ་ལྡན་འདས་ཀྱིས་དགོངས་པ་ནི་བཟང་སྟེ། ཤཱཀྱ་སྐྱིད་དེ་བ་འདི་རྣམས་རྐང་གིས་འགྲོ་བར་མི་ནུས་པས་རྣམ་པ་ཐམས་ཅད་དུ་བདག་ཅག་ལ་ཐུགས་བརྩེ་བར་མཛད་དོ། །དེ་དག་སོང་བ་དང་། དྲུག་སྡེ་རྣམས་ཀྱིས་
D6.010.0106b06.01སྨྲས་པ། དགའ་བོ་ཉེ་དགའ་བོ་བདག་ཅག་ཅི་སྟེ་འཁོད། ཁྱོགས་བྱའོ། །ལེགས་ཏེ་དེ་བཞིན་བྱའོ་ཞེས་དེ་རྣམས་ཀྱིས་རྔ་མ་དང་དྲིལ་བུ་ལ་སོགས་པས་མཛེས་པར་བྱས་པའི་ཁྱོགས་བྱས་སོ། །དེ་ནས་དེ་རྣམས་ཞུགས་ནས་སྲང་གི་ནང་དུ་འཇིག་རྟེན་ལ་བུ་བཞིན་དུ་རློམ་ཞིང་ཆས་པ་དང་། བྲམ་ཟེ་
D6.010.0106b07.01