完整藏文原文 · 德格版页 当前仅加载第 10 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
ག་ལ་མཆིས། བུས་རྒྱལ་སྲིད་ལས་ཕྱུང་ནས་དེ་གཡོག་དང་གཉིས་འདིར་མཆིས་སོ། །དེས་སྨྲས་པ། དེ་རྒྱལ་པོ་བྱེད་པ་ལེགས་ཏེ། བདག་ནི་གཞོན་ནུའི་གནས་ན་གནས་སོ་ཞེས་སྨྲས་ནས། བློན་པོ་རྣམས་ལ་སྨྲས་པ། ཤེས་ལྡན་དག་གང་ངས་རྒྱལ་པོ་རྒྱལ་རིགས་སྤྱི་བོ་ནས་དབང་
D6.010.0087a01.01བསྐུར་བ་བཀུར་སྟི་མེད་པར་སྤྱན་དྲང་བ་ནི་ང་ལ་རིགས་པ་མ་ཡིན་པར་འགྱུར་བས་དེང་ལ་གྲོང་ཁྱེར་མཛེས་པ་དང་། ལམ་མཛེས་པར་གྱིས་ཤིག །དེ་དག་གིས་གྲོང་ཁྱེར་དེ་རྡོ་བ་དང་། གསེག་མ་དང་། གྱོ་མོ་མེད་པར་བྱས་ཞེས་བྱ་བ་ནས། ལྷ་རྣམས་ཀྱི་སྐྱེད་མོས་ཚལ་དགའ་བའི་ཚལ་བཞིན་དུ་ཞེས་
D6.010.0087a02.01པའི་བར་སྔ་མ་བཞིན་ནོ། །དེ་ནས་ལམ་མཛེས་པ་དང་། གྲོང་ཁྱེར་མཛེས་པ་སོ་སོར་ཁྱད་པར་དུ་འཕགས་པར་བྱས་ནས། དྲིལ་བསྒྲགས་པ་ཤེས་ལྡན་རྒྱལ་པོའི་ཁབ་ན་གནས་པ་དང་། ཕོ་བྲང་འཁོར་བ་དང་། ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་དག་ཉོན་ཅིག །ཀོ་ས་ལའི་རྒྱལ་པོ་
D6.010.0087a03.01གསལ་རྒྱལ་སྐྱེད་མོས་ཚལ་ན་འདུག་གིས། དེ་ཁྱེད་ལྷ་དང་ལྷན་ཅིག་ཏུ་གདུགས་དང་། རྒྱལ་མཚན་དང་། བ་དན་དག་གིས་བསུ་བར་བྱའོ། །དེ་ནས་རྒྱལ་པོ་མ་སྐྱེས་དགྲ་ཤིང་རྟ་སྟོང་ཕྲག་དུ་མ་ཕྱི་བཞིན་དུ་ཁྲིད་དེ། དཔུང་གི་ཚོགས་ཡན་ལག་བཞི་པ་དང་། ཀོ་ས་ལའི་རྒྱལ་པོ་གསལ་རྒྱལ་
D6.010.0087a04.01སྩུར་དོང་ངོ་། །དེ་ཡང་མ་སྐྱེས་དགྲ་རིང་དུ་ཐོགས་པས་བྲུ་བས་བསྐྱེད་པའི་སྡུག་བསྔལ་བར་གྱུར་ཏོ། །སྐྱེད་མོས་ཚལ་དང་ཧ་ཅང་ཡང་མི་རིང་བ་ཞིག་ན་ལ་ཕུག་གི་ར་བ་ཞིག་ཡོད་པ་དེར་སོང་བ་དང་། དེ་ལ་ལྡུམ་པས་ལ་ཕུག་སྤར་གང་བྱིན་ནོ། །དེ་ནས་དེས་ལ་ཕུག་གི་རྡོག་མ་དང་། ལོ་མ་དག་ཟོས་པ་
D6.010.0087a05.01དང་། སྐོམ་རབ་ཏུ་གྱུར་ནས་རྫིང་དྲུང་དུ་སོང་སྟེ་ཆུ་ངོམས་པར་འཐུངས་ནས་ལངས་པ་དང་། ལག་པ་རེངས་ཤིང་མ་ཞུ་བས་ཐེབས་ནས་ཤིང་རྟའི་ལམ་དུ་འགྱེལ་བ་དང་། དེ་འཁོར་ལོའི་དྲིལ་བའི་རྡུལ་གྱིས་ཁ་གང་ནས་དུས་ལས་འདས་སོ། །རྒྱལ་པོ་མ་སྐྱེས་དགྲ་སྐྱེད་མོས་ཚལ་དུ་སོང་སྟེ་ཕན་ཚུན་བཙལ་
D6.010.0087a06.01བར་བསམས་ནས་མ་རྙེད་དེ། དེས་ཕྱོགས་བཞིར་ཕོ་ཉ་རྟ་པ་བཀྱེ་སྟེ་ཚོལ་ཅིག་ཅེས་བྱས་པ་དང་། དེ་ན་ཕོ་ཉ་གཅིག་ལ་ཕུག་གི་ར་བར་ཕྱིན་ནས། དེས་ལྡུམ་པ་དེ་ལ་དྲིས་པ། ཀྱེ་སྐྱེས་བུ་སྐྱེད་མོས་ཚལ་འདིར་འོངས་པ་འགའ་ལྟ་ཡོད་དམ། འོངས་སོ་དེ་གར་སོང་ལ་ཕུག་སྤར་གང་ཁྱེར་
D6.010.0087a07.01