完整藏文原文 · 德格版页 当前仅加载第 10 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སྡུག་བསྔལ་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། སོ་སོར་ཚོར་བར་འགྱུར། རྐང་པ་བཅད་པའི་སྡུག་བསྔལ་དང་། རྣ་བ་བཅད་པའི་སྡུག་བསྔལ་དང་། མཆུ་བཅད་པའི་སྡུག་བསྔལ་དང་། ལྕེ་བཅད་པའི་སྡུག་བསྔལ་དང་། མགོ་བཅད་པའི་སྡུག་བསྔལ་དང་། སུ་མི་
D6.010.0141a01.01འདོད་དང་། ལྕགས་དང་། མདོར་ཐོད་དང་། ཕྱིན་ཀ་ལོག་ཏུ་བཅིངས་པ་དང་། བཅིང་བ་ལྔས་བཅིང་བ་ལ་སོགས་པའི་སྡུག་བསྔལ་རྣམ་པ་སྣ་ཚོགས་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། སོ་སོར་ཚོར་བར་འགྱུར། རེ་ལྡེར་དྲིལ་བ་དང་། གསལ་ཤིང་གིས་གཟུགས་པ་དང་། གག་ཤིང་
D6.010.0141a02.01དུ་གཞུག་པ་དང་། ཟངས་སུ་བཙོ་བ་ལ་སོགས་པའི་སྡུག་བསྔལ་རྣམ་པ་སྣ་ཚོགས་དྲག་པ། རྩུབ་པ། མི་བཟད་པ། འཆི་བ་ལ་ཐུག་པའི་སྡུག་བསྔལ་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། སོ་སོར་ཚོར་བར་འགྱུར་རོ། །གསད་པ་དང་། བཅིང་བ་དང་། བརྡེག་པ་དང་། བསྡིགས་
D6.010.0141a03.01པ་དང་། བཀྲེས་པ་དང་། སྐོམ་པའི་སྡུག་བསྔལ་དང་། ལྷགས་པ་དང་། ཆར་པ་དང་། ཤ་སྦྲང་དང་། སྦྲང་བུ་མཆུ་{རིངས་,རིང་}དང་། རླུང་དང་ཉི་མ་དང་། སྡིག་སྦྲུལ་གྱི་རེག་པ་ལས་བྱུང་བའི་སྡུག་བསྔལ་རྣམ་པ་སྣ་ཚོགས་དག་མྱོང་བར་འགྱུར། སོ་སོར་མྱོང་བར་འགྱུར། ཚོར་བར་འགྱུར། སོ་སོར་ཚོར་
D6.010.0141a04.01བར་འགྱུར་རོ། །དགའ་བོ་དེ་ལྟར་སྡུག་བསྔལ་དེ་ལྟ་བུ་དག་གིས་གཡེན་སྤྱོ་ཞིང་ཤིན་ཏུ་ཉམ་ང་བར་གྱུར་པའི་སྲོག་ཆགས་ཀུན་དུ་ཚོལ་བའི་རྩ་བ་ཅན་གྱི་སྡུག་བསྔལ་དོན་དུ་གཉེར་བ་ཡོངས་སུ་ཚོལ་བ་རྣམས་ལ་ཡང་དང་ཡང་དུ་དོན་དུ་གཉེར་བ་ལ་ཞེན་པ་ལས་འབྱུང་། ལུས་དང་སེམས་ཀྱི་སྡུག་བསྔལ་
D6.010.0141a05.01དྲག་པ། རྩུབ་པ། མི་བཟད་པ། ཡིད་དུ་མི་འོང་བ། ནད་གདུང་བར་བྱེད་པ་དག་སྐྱེ་བར་འགྱུར་ཏེ། དགའ་བོ་དེ་ལྟ་བས་ན་སྐྱེ་བ་ནི་སྡུག་བསྔལ་བའོ། །རྒ་བ་ནི་སྡུག་བསྔལ་བའོ། །ན་བ་ནི་སྡུག་བསྔལ་བའོ། །འཆི་བ་ནི་སྡུག་བསྔལ་བའོ། །སྡུག་པ་དང་བྲལ་བ་ནི་སྡུག་བསྔལ་བའོ། །མི་སྡུག་པ་དང་ཕྲད་
D6.010.0141a06.01པ་ནི་སྡུག་བསྔལ་བའོ། །གང་འདོད་པ་བཙལ་ཏེ་མི་རྙེད་པ་དེ་ཡང་སྡུག་བསྔལ་བའོ། །མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་བའོ། །དགའ་བོ་འཆག་པ་དང་། འདུག་པ་དང་། འགྲེང་བ་དང་། ཉལ་བའི་སྤྱོད་ལམ་དག་ཀྱང་སོ་སོ་སོ་སོར་སྡུག་བསྔལ་བར་རིག་པར་བྱ་སྟེ། བསམ་གཏན་པས་སྤྱོད་ལམ་དེ་དང་།
D6.010.0141a07.01