完整藏文原文 · 德格版页 当前仅加载第 10 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་སྨྲས་པ། དེ་ལྟ་ན་དེ་ནི་བདེན་ན་བདག་གིས་ཆུ་བཙག་པའི་སླད་དུ་བྱིན་གྱི། ཐམས་ཅད་ཀྱི་ཐམས་ཅད་དུ་བྱིན་པ་ནི་མ་ཡིན་ནོ་ཞེས་དེས་མ་བྱིན་པས་དེ་ཕོངས་པར་གྱུར་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
D6.010.0052a01.01གང་ལ་ཆུ་ཚགས་མེད་པ་དེས་དགེ་སློང་གྲོགས་པོ་ལ་ཁྱོད་ལ་ཆུ་ཚགས་ཡོད་དམ་མེད་ཅེས་དྲི་བར་བྱའོ། །གལ་ཏེ་ཡོད་དོ་ཞེས་ཟེར་ན་དེས་ཇི་བདག་ལ་སྦྱིན་ནམ་མི་སྦྱིན་ཞེས་བརྗོད་པར་བྱའོ། །གལ་ཏེ་སྦྱིན་ནོ་ཞེས་ཟེར་ན་གལ་ཏེ་ཁྱོད་སླར་ལྡོག་པར་གྱུར་ཏམ། གཞན་དུ་འགྲོ་བར་གྱུར་ན་སྦྱིན་ནམ་མི་སྦྱིན་ཞེས་བརྗོད་
D6.010.0052a02.01པར་བྱའོ། །གལ་ཏེ་སྦྱིན་ནོ་ཞེས་ཟེར་ན་འགྲོ་བར་བྱའི་གཞན་དུ་ན་འགྲོ་བར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་ཉེ་བ་འཁོར་གྱིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཆུ་
D6.010.0052a03.01ཚགས་མ་མཆིས་པར་གཙུག་ལག་ཁང་གཞན་ནམ། གྲོང་གཞན་དུ་མཆིར་གནང་ངམ། ཉེ་བ་འཁོར་མི་གནང་ངོ་། །གལ་ཏེ་དེར་སོང་ནས་ཕོངས་པར་མི་འགྱུར་ན་གནང་ངོ་། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །
D6.010.0052a04.01དེའི་ཚེ་ཚེ་དང་ལྡན་པ་ཉེ་བ་འཁོར་གྱིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཆུ་ཚགས་གཅིག་གིས་གཉིས་ལྗོངས་རྒྱུ་ཞིང་མཆིར་གནང་ངམ། ཉེ་བ་འཁོར་གལ་ཏེ་དེར་སོང་ནས་ཕོངས་པར་མི་འགྱུར་ན་གནང་ངོ་། །བཙུན་པ་ཆུ་ཚགས་གཅིག་གིས་མང་པོ་རྣམས་སམ། དགེ་འདུན་དག་ལྗོངས་
D6.010.0052a05.01རྒྱུ་ཞིང་མཆིར་གནང་ངམ། ཉེ་བ་འཁོར་གལ་ཏེ་དེར་སོང་ནས་ཕོངས་པར་མི་འགྱུར་ན་གནང་ངོ་། །བཙུན་པ་ཆུ་ཚགས་མ་མཆིས་པར་ཆུ་ཀླུང་གི་འགྲམ་ནས་མཆིར་གནང་ངམ། ཉེ་བ་འཁོར་གནང་སྟེ། མགྱོགས་པ་ལ་གལ་ཏེ་ཆུ་གཞན་དང་འདྲེས་པར་མ་གྱུར་ན་རྒྱང་གྲགས་རེ་རེ་ཞིང་བརྟག་པར་བྱའོ། །
D6.010.0052a06.01ཆུ་གཞན་དང་འདྲེས་པར་གྱུར་ན་གང་དང་གང་དུ་ལེན་པ་དེ་དང་དེར་བརྟག་པར་བྱའོ། །མི་མགྱོགས་པ་ལ་ནི་འགྲམ་དང་འགྲམ་དུ་བརྟག་པར་བྱའོ། །དེ་ལ་མགྱོགས་པ་ནི་རྒྱུན་མྱུར་བའོ། །མི་མགྱོགས་པ་ནི་རྒྱུན་བུལ་བའོ། །བཙུན་པ་འགྲམ་གྱི་ཉེ་འཁོར་གང་ལགས། ཉེ་བ་འཁོར་འདོམ་
D6.010.0052a07.01